ভাৰত চৰকাৰৰ কৰ্মচাৰী আৰু প্ৰশিক্ষণ বিভাগৰ (ডিঅ’পিটি) নেতৃত্বত ভাৰতৰ ব্ৰিকছ অধ্যক্ষতাৰ অধীনত ২-৩ জুন ২০২৬ ত প্ৰথম ব্ৰিকছ দুৰ্নীতি বিৰোধী কৰ্মগোষ্ঠীৰ (এচিডব্লিউজি) বৈঠক ভাৰ্চুৱেলভাৱে অনুষ্ঠিত হয়।

এই বৈঠকখন ডি অ’ পি টি-ৰ সচিব শ্ৰীমতী ৰচনা শ্বাহে উদ্বোধন কৰে। তেওঁ বাঢ়ি অহা দুৰ্নীতিৰ প্ৰত্যাহ্বানৰ মোকাবিলা কৰিবলৈ ধাৰাবাহিক আন্তঃৰাষ্ট্ৰীয় সহযোগিতা, শক্তিশালী প্ৰতিষ্ঠান আৰু প্ৰযুক্তি চালিত প্ৰশাসনৰ প্ৰয়োজনীয়তাৰ ওপৰত গুৰুত্ব আৰোপ কৰে। তেওঁ ভাৰতৰ অধ্যক্ষতাকালৰ বিষয়বস্তু "স্থিতিস্থাপকতা, উদ্ভাৱন, সহযোগিতা আৰু বহনক্ষমতাৰ বাবে নিৰ্মাণ"ৰ ওপৰত আলোকপাত কৰে আৰু সম্পত্তি পুনৰুদ্ধাৰ সহযোগিতা শক্তিশালী কৰা, সীমান্তৰ সিপাৰৰ দুৰ্নীতিৰ মোকাবিলা কৰা আৰু নৈতিক তথা স্বচ্ছ প্ৰশাসনৰ প্ৰচাৰৰ অগ্ৰাধিকাৰৰ ওপৰত গুৰুত্ব আৰোপ কৰে।

কাৰ্য গোটটোৱে দুটা গুৰুত্বপূৰ্ণ অগ্ৰাধিকাৰমূলক ক্ষেত্ৰৰ ওপৰত আলোচনা কৰে। সম্পত্তি পুনৰুদ্ধাৰ আৰু আন্তঃসীমান্ত দুৰ্নীতিৰ মোকাবিলা তথা প্ৰশাসনত স্বচ্ছতা আৰু দায়বদ্ধতা বৃদ্ধিৰ বাবে আন্তঃৰাষ্ট্ৰীয় সহযোগিতা।

এই কাৰ্যসূচীত প্ৰতিনিধিসকলে সক্ৰিয়ভাৱে অংশগ্ৰহণ কৰাৰ লগতে অনুশীলনকাৰী পৰ্যায়ৰ সহযোগিতা শক্তিশালী কৰা, অবৈধ সম্পত্তি বিচাৰি উলিওৱাৰ উপৰি উদ্ধাৰ কৰা, পলাতক অপৰাধীসকলক নিয়ন্ত্ৰণ কৰা আৰু দায়বদ্ধতা উন্নত কৰাৰ উপৰি দুৰ্নীতিৰ আশংকা হ্ৰাস কৰিবলৈ উদ্ভাৱন তথা ডিজিটেল সঁজুলি ব্যৱহাৰ কৰাৰ ওপৰত মত বিনিময় কৰে।

সম্পত্তি পুনৰুদ্ধাৰৰ ওপৰত ব্ৰিকছ বিশেষজ্ঞৰ প্ৰথমখন বৈঠক, ২য় জুন ২০২৬ৰ প্ৰথম ব্ৰিকছ দুৰ্নীতি বিৰোধী কাৰ্য গোটৰ বৈঠকৰ মাজতে আয়োজিত হয়। বৈঠকত নেটৱৰ্কৰ দৃষ্টিভংগী আৰু ভৱিষ্যতৰ কামৰ সন্দৰ্ভত আলোচনা কৰা হয়, যাৰ ভিতৰত আছে বিশেষ বিষয়সমূহ নিৰ্দিষ্ট হৈ থকাৰ জৰিয়তে অনানুষ্ঠানিক সহযোগিতা শক্তিশালী কৰাৰ ব্যৱস্থা, তথ্য বিনিময়ৰ বাবে সৰলীকৃত আৰু প্ৰামাণিক টেমপ্লেট তথা নিয়মীয়া অনুশীলনকাৰী-পৰ্যায়ৰ সম্পৰ্ক।

এই বৈঠকত আলোচনা কৰা পদক্ষেপসমূহৰ পৰৱৰ্তী পৰ্যায়  সন্দৰ্ভত ৪-৫ আগষ্ট ২০২৬ত তেলেংগানাৰ হায়দৰাবাদত অনুষ্ঠিত হ’বলগীয়া দ্বিতীয় ব্ৰিকছ দুৰ্নীতি বিৰোধী কাৰ্য গোটৰ বৈঠকত আলোচনা কৰা হ’ব।

***

NKR/AV/DD