পঞ্চায়তীৰাজ মন্ত্ৰালয়
কেন্দ্ৰীয় মন্ত্ৰী শ্ৰী ৰাজীৱ ৰঞ্জন সিঙে কাইলৈ নতুন দিল্লীত ৰাষ্ট্ৰীয় পঞ্চায়ত বঁটা ২০২৫ প্ৰদান কৰিব
प्रविष्टि तिथि:
02 JUN 2026 12:47PM by PIB Guwahati
২০২৫ৰ ৰাষ্ট্ৰীয় পঞ্চায়ত বঁটা প্ৰদান অনুষ্ঠান বুধবাৰে নতুন দিল্লীত অনুষ্ঠিত হ’ব। কেন্দ্ৰীয় পঞ্চায়তীৰাজ আৰু মীন, পশুপালন আৰু দুগ্ধ উৎপাদন মন্ত্ৰী শ্ৰী ৰাজীৱ ৰঞ্জন সিং ওৰফে ললন সিং আৰু কেন্দ্ৰীয় পঞ্চায়তীৰাজ ৰাজ্য মন্ত্ৰী অধ্যাপক এছ পি সিং বাঘেলে সমগ্ৰ দেশৰ ৪২ খন বিশিষ্ট পঞ্চায়তক এই বঁটা প্ৰদান কৰিব। পঞ্চায়তীৰাজ মন্ত্ৰালয়ৰ সচিব শ্ৰী বিবেক ভৰদ্বাজৰ লগতে ভাৰত চৰকাৰৰ জ্যেষ্ঠ বিষয়া আৰু বিভিন্ন ৰাজ্য আৰু কেন্দ্ৰীয়শাসিত অঞ্চলৰ পঞ্চায়তীৰাজ প্ৰতিষ্ঠানসমূহৰ নিৰ্বাচিত প্ৰতিনিধিসকল এই অনুষ্ঠানত উপস্থিত থাকিব।
ইয়াৰ পূৰ্বে ২০২৫ৰ ২৪ এপ্ৰিলত প্ৰধানমন্ত্ৰী শ্ৰী নৰেন্দ্ৰ মোদীয়ে তিনিটা বিশেষ শ্ৰেণীৰ অধীনত ৰাষ্ট্ৰীয় পঞ্চায়ত বঁটা-২০২৫ প্ৰদান কৰিছিল। ২০২৬ৰ ৩ জুনৰ অনুষ্ঠানত ৰাষ্ট্ৰীয় পঞ্চায়ত বঁটা-২০২৫ৰ বাকী শ্ৰেণীবোৰ সামৰি লোৱা হ’ব, য’ত দীনদয়াল উপাধ্যায় পঞ্চায়ত সতত বিকাশ পুৰস্কাৰ শ্ৰেণীৰ অধীনত ৩৪ খন গ্ৰাম পঞ্চায়ত আৰু নানাজী দেশমুখ পঞ্চায়ত সৰ্বোত্তম পঞ্চায়ত সতত বিকাশ পুৰস্কাৰ শ্ৰেণীৰ অধীনত চাৰিখন পঞ্চায়তক বঁটা প্ৰদান কৰা হ’ব। অনুষ্ঠানত পুৰস্কাৰপ্ৰাপক পঞ্চায়তসমূহৰ কাম-কাজ আৰু সৰ্বশ্ৰেষ্ঠ কাম-কাজসমূহ নথিভুক্ত কৰা এখন ই-বুকৰ লগতে সমগ্ৰ দেশতে পঞ্চায়তীৰাজ প্ৰতিষ্ঠানসমূহক শক্তিশালী কৰাৰ ক্ষেত্ৰত সৰ্বশ্ৰেষ্ঠ কাম-কাজসমূহৰ ওপৰত এখন সংকলন উন্মোচন কৰা হ’ব। বঁটাপ্ৰাপক পঞ্চায়তৰ মুৰব্বীসকলেও বঁটা প্ৰদান অনুষ্ঠানৰ পূৰ্বে দুটা বিশেষ অধিৱেশনত তেওঁলোকৰ সৰ্বশ্ৰেষ্ঠ কাম-কাজ আৰু কৃতিত্বৰ প্ৰদৰ্শন আগবঢ়াব। অধিক তথ্যৰ বাবে ইয়াত ক্লিক কৰক।
***
AA/NB
(रिलीज़ आईडी: 2267933)
आगंतुक पटल : 11