নেস্নেল পঞ্চায়ৎ এৱার্দস ২০২৫ পীবগী থৌরম অসি ২০২৬গী জুন ৩, য়ুমশকৈশা নুমিৎতা ন্যু দিল্লীদা পাংথোক্কনি। লৈবাক শিনবা থুংবগী মশক থোকপা পঞ্চায়ৎ ৪২দা এৱার্দশিং অসি পঞ্চায়তী রাজ অমসুং ফিশরিজ, এনিমেল হজবেন্দরী অমসুং দাইরিয়িংগী কেন্দ্রগী মন্ত্রী শ্রী রাজীব রঞ্জন সিংহ এলাইস ললান সিংহ অমসুং পঞ্চায়তী রাজকী কেন্দ্রগী রাজ্য মন্ত্রী প্রোফেসর এস. পি. সিংহ বাঘেলনা পীগনি। থৌরম অসিদা ভারত সরকারগী মকোক থোংবা ওফিসিএলশিং অমসুং তোঙান তোঙানবা রাজ্যশিং অমসুং য়ুনিয়ন তেরিতোরীশিংগী পঞ্চায়তী রাজ ইন্সতিত্যুসনশিংগী মীহুৎশিংগা লোয়ননা পঞ্চায়তী রাজ মন্ত্রালয়গী সেক্রেতরী শ্রী বিবেক ভরদ্ৱাজসু শরুক য়াগনি।

মমাংদা, ২০২৫গী এপ্রিল ২৪দা, প্রধান মন্ত্রী শ্রী নরেন্দ্র মোদীনা নেস্নেল পঞ্চায়ৎ এৱার্দস ২০২৫ অসি অখন্নবা কাংলুপ অহুমগী মখাদা পীখি। ২০২৬গী জুন ৩দা পাংথোক্কদৌরিবা থৌরম অসিদা এন.পি.এ.-২০২৫গী লেমহৌরিবা কেতগোরীশিং কোনশিনগনি। মসিগী মনুংদা গ্রাম পঞ্চায়ৎ ৩৪দা দীন দয়াল উপাধ্যায় পঞ্চায়ৎ সতৎ বিকাস পুরস্কারগী কেতগোরীগী মখাদা অমসুং পঞ্চায়ৎ ৮দা নানাজী দেশমুখ সরবোত্তম পঞ্চায়ৎ সতৎ বিকাস পুরস্কারগী কেতগোরীগী মখাদা মনাশিং পীরগনি। থৌরম অদুগী মনুংদা, এৱার্দী পঞ্চায়ৎশিংগী থবকশিং অমসুং খ্বাইদগী ফবা থৌওংশিংগী ই-বুক অমা, লৈবাক শিনবা থুংনা লৈরিবা পঞ্চায়তী রাজ ইন্সতিত্যুসনশিং মপাঙ্গল কনখৎহনবদা খ্বাইদগী ফবা থৌওংশিংগী কম্পেন্দিয়ম অমসু রিলিজ তৌগনি। এৱার্দ ফংলবা পঞ্চায়ৎশিংগী মকোকশিংনা মখোয়গী খ্বাইদগী ফবা থবকশিং অমসুং মায় পাকপশিংগী মতাংদা এৱার্দ পীবগী থৌরম অদুগী মমাংদা দেদিকেতেদ সেসন অনিদা প্রজেন্তেসনশিং উৎকনি। অকুপ্পা মরোলগীদমক্তা মসিদা ক্লিক তৌবীয়ু।

***