રાષ્ટ્રીય પંચાયત પુરસ્કાર 2025 એનાયત સમારોહ બુધવાર, 3 જૂન 2026ના રોજ નવી દિલ્હીમાં યોજાશે. કેન્દ્રીય પંચાયતી રાજ અને મત્સ્યોદ્યોગ, પશુપાલન અને ડેરી ઉદ્યોગ મંત્રી શ્રી રાજીવ રંજન સિંહ ઉર્ફે લલન સિંહ અને કેન્દ્રીય પંચાયતી રાજ રાજ્ય મંત્રી પ્રો. એસ. પી. સિંહ બઘેલ દ્વારા દેશભરની 42 ઉત્કૃષ્ટ પંચાયતોને આ પુરસ્કારો એનાયત કરવામાં આવશે. પંચાયતી રાજ મંત્રાલયના સચિવ શ્રી વિવેક ભારદ્વાજ સહિત ભારત સરકારના વરિષ્ઠ અધિકારીઓ અને વિવિધ રાજ્યો તેમજ કેન્દ્રશાસિત પ્રદેશોના પંચાયતી રાજ સંસ્થાઓના ચૂંટાયેલા પ્રતિનિધિઓ આ પ્રસંગે ઉપસ્થિત રહેશે.

આ અગાઉ, 24 એપ્રિલ 2025ના રોજ પ્રધાનમંત્રી શ્રી નરેન્દ્ર મોદીએ ત્રણ વિશેષ શ્રેણીઓ અંતર્ગત રાષ્ટ્રીય પંચાયત પુરસ્કાર 2025 એનાયત કર્યા હતા. 3 જૂન, 2026નો સમારોહ NPA-2025ની બાકીની શ્રેણીઓને આવરી લેશે જેમાં દીન દયાળ ઉપાધ્યાય પંચાયત સતત વિકાસ પુરસ્કાર શ્રેણી અંતર્ગત 34 ગ્રામ પંચાયતોને અને નાનાજી દેશમુખ સર્વોત્તમ પંચાયત સતત વિકાસ પુરસ્કાર શ્રેણી અંતર્ગત 8 પંચાયતોને પુરસ્કારો એનાયત કરવામાં આવશે. આ કાર્યક્રમ દરમિયાન, પુરસ્કાર વિજેતા પંચાયતોના કાર્યો અને શ્રેષ્ઠ પ્રથાઓનું દસ્તાવેજીકરણ કરતી એક ઇ-બુક, તેમજ દેશભરમાં પંચાયતી રાજ સંસ્થાઓને મજબૂત કરવા અંગેની શ્રેષ્ઠ પ્રથાઓનો એક સંગ્રહ પણ બહાર પાડવામાં આવશે. પુરસ્કાર સમારોહ પહેલાં બે સમર્પિત સત્રોમાં પુરસ્કાર વિજેતા પંચાયતોના વડાઓ તેમની શ્રેષ્ઠ પ્રથાઓ અને સિદ્ધિઓ પર પ્રસ્તુતિઓ પણ આપશે. વધુ વિગતો માટે અહીં ક્લિક કરો.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com