কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং খুঙ্গং চাউখৎ-থৌরাং মন্ত্রী শ্রী শিবরাজ সিংহ চৌহননা 'খেত বচাও অভিয়ান' অসি এৱেয়রনেস প্রোগ্রাম অমা খক্তা নত্তনা লৌফম, লৌমীশিং অমসুং খুঙ্গংশিংগা শম্নহল্লিবা নেস্নেল কেম্পেন অমা ওইহন্নবা পাউজেল পীখ্রে। ঙসি দিল্লীদা কেম্পেন অসিগী শেম-শারিবা অসিগী মতাংদা অৱাংবা থাক্কী মীফম অমদা ৱা ঙাংলদুনা শ্রী শিবরাজ সিংহনা হায়খি মদুদি কেম্পেন অসিনা ফর্তিলাইজরশিং চাং মান্ননা অমসুং ৱাখল তানা শিজিন্নবদা মীৎয়েং থম্বা অমসুং পঞ্চায়তকী থাক্তা শরুক য়াহন্নবা অমসুং স্কিম অসিগী খুদোংচাবশিং খুঙ্গংশিংদা হকথেংননা য়ৌহন্নবা পান্দম থমগনি হায়খি।

জুন ১দগী হৌগদবা থা অমা চুপ্না চৎথগদবা 'খেত বচাও অভিয়ান' অসি মপুং ফানা অমসুং ফল-পুরকপদা মীৎয়েং থম্নবা কেন্দ্রগী লৌউ-শিংউ মন্ত্রী শ্রী শিবরাজ সিংহ চৌহননা ওফিসিএলশিংদা ফার্মশিং কনবা, শেল চঙদবা অমসুং লৌমীশিংদা মতম চানা অমসুং অচুম্বা লমজিং-লমতাক পীবদা মীৎয়েং থম্নবা খঙহনখ্রে। মহাক্না হায়খি মদুদি কেম্পেন অসি তোপ-দাউন মোদেলদা চত্থরোই। মসিগী মহুত্তা পঞ্চায়ত্তগী রাজ্য অমসুং কেন্দ্র ফাওবা পার্তনরশিপ লৈহনগনি।

মীফম অদুদা কেন্দ্রগী মন্ত্রী শ্রী শিবরাজ সিংহনা কেমিকেল ফর্তিলাইজরশিং শিজিন্নবা হন্থহনবা অসি কেম্পেন অসিগী মরুওইবা পান্দম ওইগনি হায়না অকনবা ৱাফম থমখি। মসিগী পান্দমদি ফর্তিলাইজরশিং অমসুং অতৈ লৌউ-শিংউগী ইনপুতশিংবু তূংগী চাংয়েংশিংদা য়ুম্ফম ওইদুনা চুনবা মওংদা শীজিন্নবগী মতাংদা লৌমীশিংদা খঙহন্নবা অমসুং মখোয়বু গ্রীন ফর্তিলাইজরশিং, ওর্গানিক অমসুং বাইও-প্রদক্তশিং শীজিন্নবা হেনগৎহন্নবা পুক্নিং থৌগৎপনি। ইন্তিগ্রেতেদ ন্যুত্রিএন্ত মেনেজমেন্ত (আই.এন.এম.) গী লাইব দেমোনস্ত্রেসনশিংসু পাংথোক্কনি।

লৌউ-শিংউ মন্ত্রী চৌহননা হায়খি মদুদি লাক্কদৌরিবা নুমিৎ খরনি অসিদা লৌমীশিংদা ঈশিং নুংশিৎকী ফিভমগা মরী লৈনবা ৱাফমশিংগী মতাংদা থবক ওইনা পাংথোকপা য়াবা পাউতাকশিং পীগনি। ঈশিংগী অৱাৎপা নত্ত্রগা খুদোংথীবা লৈরকপা মতমদা তৌগদবা অমসুং তৌরোইদবশীং, চুম্বা মহৈ-মরোংগী অপাম্বশীং, মহৈ-মরোং খেন্নবা অমসুং লৌউ-শিংউগী মতাংদা কন্সত্রক্টিভ ওইবা সজেসনশীং পীগনি। কেম্পেন অসিগী পান্দমদি পাউজেল অমা পীবা খক্তা নত্তে, ফার্মগী থাক্তা ফার্মরশিংদা ফীভমগী মতুং ইন্না অচুম্বা পাউতাক পীবনি।

মীফম অদুদা কেন্দ্রগী মন্ত্রীনা হায়খি মদুদি পঞ্চায়তকী থাক্তা কেম্পেন অসিগীদমক্তা মপাঙ্গল কনবা ফাউন্দেসন অমা থম্লগনি। মহাক্না ওফিসিএলশিংদা মেকানাইজেসন মেছিনশিং য়েন্থোকপা অমসুং স্কিমশিং অমসুং পঞ্চায়তকী থাক্তা সরকারগী প্রোগ্রামশিংগী কান্নবশিং অসি কেম্পেন অসিগী মখাদা য়াওহন্নবা খঙহনখি।

শ্রী চৌহননা হায়খি মদুদি কেম্পেন অসি দিপার্তমেন্তেল স্কোপ খক্তদা য়ুম্ফম ওইরোই। কেম্পেন অসি এদমিনিস্ত্রেতিব প্রোগ্রাম অমখক্তগী ৱাংমদা চৎতুনা মীয়ামগী শরুক য়াবগী মপাঙ্গল লৈরবা মোদেল অমা ওইহন্নবা রাজ্যশিংগী মুখ্য মন্ত্রীশিংদা তকশিনগনি অমসুং মন্ত্রীশিং, এম.পি.শিং, এম.এল.এ.শিং অমসুং অতোপ্পা মীয়ামগী মীহুৎশিং শরুক য়াহন্নবা হোৎনগনি। মহাক্না হায়খি মদুদি মসিগী থৌওং অসিনা কেম্পেন অসিগী অহানবা নুমিৎশিংদগী হৌদুনা পোলিতিকেল, সোসিএল অমসুং লোকেল ইনর্জী পীগনি।

মীফম অদুদা, কে.ভি.কে.শিংদা শরুক য়াবা ইন্সতিত্যুসন পুম্নমক্কীদমক মরুওইবা কোওর্দিনেতরশিংগী থৌদাং পীখ্রে হায়না পাউদমখি। তীম ১৬০০ হেন্না শেমখ্রে। মপুং ওইনা দিস্ত্রিক্ত ১০০দা ফর্তিলাইজর য়াম্না শিজিন্নরিবা মফমশিংগীদমক তীম ৫০০ শেমখ্রে। তীমশিং অসিদা কে.ভি.কে.শিং, আই.সি.এ.আর. ইন্সতিত্যুৎশিং, এ.আই.সি.আর.পি. সেন্তরশিং অমসুং এগ্রিকলচর দিপার্তমেন্তকী ওফিসিএলশিং য়াওগনি। মসিগী মথক্তা, আই.সি.এ.আর. ইন্সতিত্যুৎশিং অমসুং কে.ভি.কে.শিংদগী মল্তিদিসিপ্লিনরী তীম ১১৫০ হেনবনা অমত্তা ওইনা থবক তৌগনি।

শ্রী শিবরাজ সিংহনা হায়খি মদুদি কেম্পেন অসি ফর্তিলাইজর মেনেজমেন্ত খক্তদা য়ুম্ফম ওইরোই। তোঙান তোঙানবা স্কিমশিংগী কান্নবশিংসু ফার্মদা য়ৌহল্লগনি। কিসান ক্রেদিৎ কার্দকী কান্নবা ফংলবশিং অমসুং পি.এম.-কিসান, পলস-ওইলসেদ মিসন, ওল পাম, কতন মিসন, বেলেন্সদ ন্যুত্রিসন, সোইল হেল্থ, ৱাতর কঞ্জার্বেসন অমসুং লমদমগী ওইবা লৌউ-শিংউগী এদভাইজরীশিং অসিগা শম্নহন্নবা ইন্তিগ্রেতেদ এপ্রোচনা কেম্পেন অসি মল্তি-পরপজ অমসুং ইফেক্তিব ওইহল্লগনি।

কেন্দ্রগী মন্ত্রীনা হায়খি মদুদি কেম্পেন অসি মাই পাক্নবগী মরুওইবা মরমদি মেসেজ অসি থবক ওইনা পাংথোকপা অমসুং লমদম অসিদা উবা ফংহনগদবনি অমসুং লোকেল স্ত্রকচর অসি মসিগা মরী লৈনহনগদবনি। কেম্পেন অসিগী মনুংদা নীংশিংগদবা মরুওইবা ৱাফমশিংদি ফর্তিলাইজরশিং য়াম্না হন্থনা অমসুং চুনবা মওংদা শিজিন্নবা, ঈশিং নুংশিৎকী ফীভমগী মতুং ইন্না লৌউ-শিংউবগী মতাংদা পাউতাক পীবা, পঞ্চায়তকী থাক্তা থবক পায়খৎপা, মেছিনরী অমসুং স্কিমশিংগী কান্নবশিং য়াওহনবা অমসুং মীয়ামগী মীহুৎশিংনা শরুক য়াবা অসিনি। কেম্পেন অসিগী মায়কৈ অসি ময়েক শেংলে: ফার্মশিং অসি শেন্থং পীবা, শেল-থুমগী চাং য়েংশিনবা, লৈহাউ ফগৎহনবা, লৌমীশিংদা খঙহনবা অমসুং খুঙ্গংগী থাক্তা লৌউ-শিংউগী মেনেজমেন্তকী অনৌবা চৎনবী অমা শেমগৎপা অসিনি।

 ***