தலைமைத் தேர்தல் ஆணையர் திரு. ஞானேஷ் குமார், தேர்தல் ஆணையர்களான டாக்டர் சுக்பீர் சிங் சந்து, டாக்டர் விவேக் ஜோஷி ஆகியோர் முன்னிலையில், தேர்தல் ஆணையத்தின் சார்பில் வாதாடும் வழக்கறிஞர்களுக்கான 2-வது தேசிய மாநாடு புது தில்லியில் நேற்று (30.05.2026) நடைபெற்றது. தேர்தல் ஆணையத்தின் சட்டக் கட்டமைப்பையும் உத்திகளையும் மேலும் வலுப்படுத்தும் நோக்கில் நடைபெற்ற இந்த மாநாட்டில், உச்ச நீதிமன்றம், நாடு முழுவதும் உள்ள பல்வேறு உயர் நீதிமன்றங்கள் ஆகியவற்றில் தேர்தல் ஆணையத்தின் சார்பில் வாதாடும் வழக்கறிஞர்கள், மூத்த அதிகாரிகள் கலந்துகொண்டனர்.

மாநாட்டைத் தொடங்கி வைத்த தலைமைத் தேர்தல் ஆணையர் ஞானேஷ் குமார், "நியாயமான வாக்காளர்  பட்டியல் நியாயமான தேர்தலுக்கு வழிவகுக்கிறது. அதுதான் இன்றைய தருணம், இந்தியா அதில் உள்ளது "என்று கூறினார். வாக்குச்சாவடி நிலை அலுவலர்கள் மற்றும் வாக்குச்சாவடி முகவர்களை வாக்காளர் பட்டியல் நிர்வாகத்தின் காலாட்படை வீரர்கள் என்றும் பாராட்டிய அவர், சமீபத்தில் முடிவடைந்த அசாம், கேரளா, புதுச்சேரி, தமிழ்நாடு மற்றும் மேற்கு வங்க சட்டப்பேரவைத் தேர்தல்களில் வரலாற்றுச் சிறப்புமிக்க பங்கேற்புக்காக வாக்காளர்களைப் பாராட்டினார். இந்தத் தேர்தல்களின் போது அதிக அளவிலான போட்டி நிலவியதாகவும் அவர் எடுத்துரைத்தார். நாடு முழுவதும் உள்ள நீதிமன்றங்களில் ஆணையத்தை பிரதிநிதித்துவப்படுத்துவதில் ஆலோசகர்களின் அர்ப்பணிப்பு முயற்சிகளை அவர் பாராட்டினார்.

 மாநாட்டில் பேசிய தேர்தல் ஆணையர் டாக்டர் சுக்பீர் சிங் சந்து, இந்த மாநாடு இந்திய தேர்தல் ஆணையத்திற்கும் நாடு முழுவதும் உள்ள அதன் சட்ட பிரதிநிதிகளுக்கும் இடையிலான ஒருங்கிணைப்பை மேலும் வலுப்படுத்தும் என்று கூறினார். தேர்தல் ஆணையர் டாக்டர் விவேக் ஜோஷி தனது கருத்துக்களில், வளர்ந்து வரும் சட்ட சவால்கள் குறித்த அனுபவங்கள் மற்றும் விவாதங்களைப் பரிமாறிக்கொள்வதற்கான ஒரு முக்கியமான மன்றத்தை இந்த மாநாடு வழங்கும் என்றும், இது ஒரு மாறும் தேர்தல் சூழலில் தேர்தல் ஒருமைப்பாட்டை மேலும் வலுப்படுத்தவும் நிலைநிறுத்தவும் பயனுள்ள சட்ட உத்திகளை உருவாக்க உதவும் என்றும் கூறினார்.

"சட்ட சவால்கள், அனுபவங்கள், கற்றல் மற்றும் முன்னோக்கி செல்லும் வழி" என்ற கருப்பொருளை மையமாகக் கொண்ட இந்த மாநாடு, ஆணையம் மற்றும் நாடு முழுவதும் உள்ள சட்ட வல்லுநர்களிடையே உரையாடல் மற்றும் பரிமாற்றத்திற்கான முக்கிய தளத்தை வழங்குகிறது.

 மாநாட்டின் ஒரு பகுதியாக, வாக்காளர் பட்டியல் மேலாண்மை, சிறப்பு தீவிர திருத்தம் (எஸ். ஐ. ஆர்) வாக்குப்பதிவு மற்றும் எண்ணும் நடைமுறைகள் மற்றும்  மின்னனு வாக்குப்பதிவு இயந்திர செயல்விளக்கங்கள் போன்ற முக்கிய தேர்தல் செயல்முறைகள் குறித்து கலந்துரையாடல் அமர்வுகள் நடத்தப்பட்டன.

 2025 ஆம் ஆண்டில் நடைபெற்ற இந்திய தேர்தல் ஆணைய ஆலோசகர்களின் தேசிய மாநாட்டின் முடிவுகளை அடிப்படையாகக் கொண்டு, இந்த மாநாடு அதன் முன்னேற்றத்தை ஆய்வு செய்வதற்கும், நுண்ணறிவுகளைப் பரிமாறிக்கொள்வதற்கும், ஆணையத்தின் சட்ட கட்டமைப்பை மேலும் வலுப்படுத்துவதற்கான முன்னுரிமைகளை அடையாளம் காண்பதற்கும் ஒரு வாய்ப்பை வழங்குகிறது.

***

(Release ID: 2267147)

TV/PKV/RJ