ڈائریکٹوریٹ آف ریوینیو انٹیلی جینس (ڈی آر آئی) کی کوچی یونٹ کے ذریعہ مربوط طور پر کیے گئے منشیات مخالف آپریشنوں میں میتھاکوالون، میتھم فیٹامائن اور چرس کا  تیل سمیت ممنوعہ منشیات اور نشہ آور اشیاء کی وافر مقدار ، جسے غیر قانونی طو رپر تقسیم  اور اسمگل کیا جانا تھا، کو آپریشن چکرویوہ کے تحت کوچی، ملاپورم اور تھرواننت پورم میں ضبط کر لیا گیا۔

ان کارروائیوں میں مجموعی طور پر 24 کلو گرام سے زائد نشہ آور ادویات اور سائیکو ٹراپک مواد قبضے میں لیا گیا ہے۔ پانچ افراد بشمول اسمگلنگ نیٹ ورکس میں ملوث کلیدی کارندوں کو ممنوعہ منشیات اور نشہ آور اشیاء(این ڈی پی ایس) ایکٹ 1985 کے تحت گرفتار کیا گیا ہے۔

ممنوعہ مال اسمگلنگ کے مختلف طریقوں سے پکڑا گیا، جن میں ایئرپورٹ پر مسافروں کے سامان، کوریئر کی کھیپ میں چھپا کر اور باہر بھیجے جانے والے تجارتی کارگو جیسے طریقے استعمال کیے گئے۔

یہ قبضے ڈی آر آئی کی مسلسل چوکسی اور بین الاقوامی اور گھریلو چینلوں  کے ذریعے کام کرنے والے منظم منشیات کی اسمگلنگ کے نیٹ ورکس کو ختم کرنے کے لیے اس کی توجہ مرکوز کوششوں کو نمایاں کرتے ہیں۔

گزشتہ مالی سال کے دوران، ڈی آر آئی کے کوچین زونل یونٹ نے کیرالہ میں تقریباً 70.76 کروڑ روپے کی مالیت کی نشہ آور ادویات اور نشہ آور اشیاء ضبط کیں اور این ڈی پی ایس کے مختلف معاملات کے سلسلے میں 21 افراد کو گرفتار کیا۔

ڈائریکٹوریٹ آف ریونیو انٹیلی جینس ممنوعہ منشیات کی لعنت سے معاشرے کی حفاظت کے لیے اپنے وعدے پر مضبوطی سے قائم ہے اور حکومت ہند کی ’’نشہ مکت بھارت‘‘ (منشیات سے مبرا بھارت) کی تصوریت میں تعاون دے رہا ہے۔

***

 ش ح –ا ب ن

U.No:7749