অৱাং নোংপোক লমদমগী চাওখৎ-থৌরাং(দোনর মন্ত্রালয়)গী কেন্দ্র মন্ত্রী শ্রী জ্যোতিরাদিত্য এম. সিন্দিয়ানা ত্রিপুরাগী মুখ্য মন্ত্রীগা লোয়ননা ঙসি ত্রিপুরা রাজ্যদা অনাবা থাবা অমসুং ভেল্যু চেন চাওখৎহন্নবা লুপা করোর ২৩৬কি কনভরজেন্সনা লুচিংবা খোঙথাং অমা ওইরিবা “মিশন ক্বীন পায়পলাইন” হৌদোকখ্রে। মিশন অসি ত্রিপুরাগী য়ুনিক সেল্লিং প্রোপোজেল (য়ু.এস.পি.) — জি.আই.-তেগ তৌরবা ক্বীন পায়পলাইন প্রমোত তৌনবগীদমক শেনবা চহী২০২৬কি ক্বীন্তন ২দগী শেনবা চহী২০২৮গী ক্বীন্তন ৪ ফাওবগী চহি অহুমগী ইমপ্লিমেন্তেসন রোদমেপ অমা ওইনা দিজাইন তৌখ্রে।

দোনর মন্ত্রালয়না এঙ্কর তৌবা মিশন অসিনা রাজ্য অসিদা অপুনবা পায়পলাইন ভেল্যু-চেন ইকোসিস্তেম অমা লিংখৎনবা এগ্ৃকলচর & ফার্মরশ ৱেলফেয়র, ফুদা প্রোসেশিং ইন্দস্ত্রীজ, কম্মর্স, এম.এস.এম.ই., এ.পি.ই.দি.এ., দি.পি.আই.তি., আই.সি.এ.আর., সি.এস.আই.আর., ত্রাইফেদ, নেরামাক অমসুং ত্রিপুরা সরকারগী মন্ত্রালয়শিংগী শ্কিমশিং অমসুং ইন্তরভেন্সনশিংগা লোয়ননা কনভরজেন্স তৌদুনা শেমগৎলি।

অৱাং নোংপোক লমদমগী চাওখৎ-থৌরাংগী কেন্দ্রগী মন্ত্রীনা প্রধান মন্ত্রী শ্রী নরেন্দ্র মোদীনা অৱাং নোংপোক লমদম অসি অৱাংবা থাক্কী লৌউ-শিংউ অমসুং হোর্তিকলচরগী পোত্থোকশিংগী হবা অমা ওইনা থম্নবগী ৱাখল্লোন অদু ফোঙদোকখি।

ভর্চুএল ওইনা য়াওরকপা অনাবা লৌমীশিং, প্রোসেসরশিং অমসুং ইনভেস্তরশিং য়াওনা স্তেকহোলদরশিংদা ৱা ঙাংলদুনা শ্রী সিন্দিয়ানা হায়খি, “প্রধান মন্ত্রী নরেন্দ্র মোদীগী মীৎয়েংগী মখাদা ত্রিপুরাগী লৌউ-শিংউগী পাঙ্গলশিং অসি মালেমগী ওইনা চাংদম্নবা য়াবা ব্রান্দশিংদা ওন্থোক্লি।”

মন্ত্রীনা ফোঙদোকখি মদুদি পান্দম অসি মহৈ-মরোং থাবা খক্তগী নত্তে, অদুবু লৌমীশিংবু ভেল্যু চেন পুম্নমক্তা এক্তিবা প্লেয়র ওইবা ঙমহনবনি — পুথোকপা অমসুং এগ্রীগেসন্দগী হৌরগা প্রোসেশিং, ব্রান্দিং, পেকেজিং অমসুং এক্সপোর্ত ফাওবা।

মিশন অসিগী পাক চাওরবা এপ্রোচতা অকনবা ৱাফম থম্লদুনা শ্রী সিন্দিয়ানা হায়খি, “ঐখোয়গী পান্দমদি মপূঙ ফাবা ভেল্যু চেন অমা শেমগৎপনি – ফার্মদগী হৌরগা মালেমগী কৈথেল ফাওবা – মদুনা লৌমীশিংনা মখোয়গী পোত্থোকশিংনা শেমগৎপা য়াইফ-থৌরাংদা এক্তিব ওইনা শরুক য়ারিবনি।”

মন্ত্রীনা য়েংশিনখি মদুদি ত্রিপুরা ক্বীন পাইনএপল(কীহোম)গী অখন্নবা এরোমেতিক প্রোফাইল, লো-ফাইবর তেক্সচর অমসুং জি.আই.না বেক তৌরবা তোপ-তোপ্পা মতিক-ময়াই অসি লৈবা তারবসু কৈথেলদা পুনশিল্লকপগী মপাঙ্গল শোনবা অমসুং ইনফ্রাস্ত্রকচর মতিক চাদবনা মরম ওইদুনা লৌমীশিংনা মখোয়গী কোমোদিতী প্রাইসতুদমক ফংলি। মহাক্না থোইদোক্না পনখি মদুদি মিশন অসিনা কনভরজেন্সনা লুচিংবা ইনভেস্তমেন্তশিং অমসুং মারকেৎতা য়ুমফম ওইবা ইন্তর্ভেন্সনশিংগী খুত্থাংদা গেপ অসি মেনশিন্নবা পান্দম থম্লি মদুনা লৌমীশিংগী ভেল্যু রিএলাইজেসন অসি য়াম্না হেনগৎহনগনি।

মিশন অসিগী মখাদা লৈবা অচৌবা ইনফ্রাস্ত্রকচরগী কম্পোনেন্তশিং ফোঙদোক্লদুনা মন্ত্রীনা হায়খি মদুদি প্রোগ্রাম অসিনা অগরতলা এয়রপোরতকি মনাক্তা শেন্ৎরেল হবা অমা অমসুং ৱেস্ত ত্রিপুরা, খোৱাই অমসুং সেপাহিজালা জিলাশিংগী অচৌবা অনাবা থাবা ক্লস্তরশিংগী মনুংদা স্পোক কলেক্সন সেন্তর ৮ য়াওবা “হবা এন্দ স্পোক” ইনতিগ্রেতেদ পায়পলাইন পোস্ত-হারভেস্ত ইকোসিস্তেম অমা লিংখৎকনি। ইনফ্রাস্ত্রকচর অসিদা গ্রেদিং ফেসিলিতিশিং, কোল্দ স্তোরেজ, রিফর লোজিস্তিক্স, শোলার কোল্দ স্তোরেজ, আই.ও.তি.-ইনেবল ফার্ম মোনিতরিং অমসুং দিজিতেল ত্রেত্রেসিলিতি সিস্তেমশিং য়াওগনি।

মন্ত্রীনা মখা তানা নেরামাকনা প্রাইবেৎ পার্ত্নরশিংগা খুৎশম্নদুনা পায়খৎকদবা ভিএবিলিতি গেপ ফন্দিং (ভি.জি.এফ.) মোদেলগী খুত্থাংদা নালকতা পায়পলাইন প্রোসেশিং য়ুনিৎ অমুক হন্না হিঙ্গৎহনবগী মতাংদা পনখি। ফেসিলিতি অসিনা কম্মর্সিএল স্কেলদা প্রোসেশিং অমসুং পায়পলাইন্দা য়ুম্ফম ওইবা পোত্থোকশিংগী ভেল্যু এদিসন তৌবদা মতেং পাংগনি।

মিশন অসিগী বাইও-ইকোনোমী স্ত্রেতেজিগী মতাংদা পল্লদুনা মন্ত্রীনা হায়খি মদুদি হৌজিক অমোৎপা ওইনা থাদোকপা পায়পলাইন প্লান্ত অসিগী চাওরাক্না চাদা ৬০দি ব্রোমেলেন এক্সত্রেক্সন, পায়পলাইন লিফ ফাইবর (পি.এ.এল.এফ.) প্রোসেশিং অমসুং জি.আই. মহাক্না অকনবা ৱাফম থমখি মদুদি ইন্তরভেন্সনশিং অসিনা নুপি এস.ঐচ.জি.শিং, ত্রাইবেল কম্ম্যুনিতিশিং অমসুং খুঙ্গংগী ওন্তর্প্রিনরশিংগীদমক্তা অনৌবা খুদোংচাবশিং শেমগৎলগনি অমসুং মসিগা লোয়ননা অনাবা থাবগী অকোয়বদা লৈরিবা সরকুলর ইকোনোমী অসি মপাঙ্গল কনখৎহনগনি।

হৌদোকপগী থৌরম অসিগী শরুক অমা ওইনা পায়পলাইন মিশনগী মতাংদা শরুক য়াবা শরুক য়াবা ফিল্ম অমা উৎখি, মদুগী মতুংদা ত্রিপুরাদগী প্রোগ্রেসিভ পায়পলাইন লৌমীশিংগা ৱারি শানখি অমসুং ইনভেস্তরশিং অমসুং ইন্দস্ত্রীগী মীহুৎশিংনা ৱাফম কয়া ফোঙদোকখি।

ত্রিপুরাগী মুখ্য মন্ত্রী  প্রোফেসর দা. মানিক শাহনা হায়খি মদুদি কীহোম অসি ত্রিপুরা রাজ্যগী মহৈ মরোং ওইনা লাওথোকখ্রে। মহাক্না ফোঙদোকখি মদুদি ত্রিপুরাগী মমিং লৈরবা ক্বীন অমসুং কিউ মখলশিং অসি রাজ্য অসিগী লমদম অসিদা কেমিকেল ইনপুৎশিং য়াওদনা মহৌশানা থাই, মসিনা মখোয়বু থোয়দোক হেন্দোক্না মচি ওইবা, হৈ মহী অমসুং এরোমেতিক ওইহল্লি।

মহাক্না মখা তানা হায়খি মদুদি রাজ্য সরকারনা লৌমীশিংগী শেন্থোক হেনগৎহন্নবা অমসুং খুঙ্গংগী মফমশিংদা থবক ফংহনবগী খুদোংচাবা ফংহননবা ভেল্যু এদিসন, ফুদা প্রোসেশিং, পেকেজিং, ব্রান্দিং অমসুং মারকেৎ লিঙ্কেজশিং য়োকখৎলি। অৱাং নোংপোক লমদমগী চাওখৎ-থৌরাং মন্ত্রালয় (এম.দি.ও.এন.ই.আর.)গী মতেংদা থাজবা ফোঙদোক্লদুনা মহাক্না হায়খি মদুদি খোঙথাং অসিনা পোত্থোক পুথোকপদা খেৎনবশিং কোকহনবদা মতেং পাংগনি অমসুং ত্রিপুরা পায়ন অসি মালেমগী ব্রান্দ অমা ওইনা লিংখৎপদা মতেং পাংগনি।

ত্রিপুরাগী লৌউ-শিংউ মন্ত্রী শ্রী রতন লাল নাথসু মিশনগী পান্দমশিং ফোঙদোকখি অমসুং থৌরাং অসিগীদমক দোনর মন্ত্রালয়বু থৌরাং অসিগীদমক্তা থাগৎপা ফোংদোকখি।

দোনর মন্ত্রালগী সেক্রতরী শ্রী শঞ্জয় জাজু মহাক্কি হৌদোকপগী ৱারোলদা ত্রীপুরাগী ক্বীন পাইনএপল অসিগী মপুং ফাবা ইকোনোমিক পোতেন্সিএল অসি হাংনবা মিশন অসিগী ফ্রেমৱার্ক অমা ইমপ্লিমেন্ত তৌনবা অমদি মীশন মোদ এপ্রোচ অমা মথৌ তাবগী মতাংদা থোইদোক্না ফোংদোকখি। মহাক্না অকক্ননা অকনবা ৱাফম থমখি মদুদি ভারত্তা খ্বাইদগী মশক থোকপা অমসুং ফাইবর নেম্বা কীহোম মখলশিংগী মনুংদা অমা ওইরবসু, হৌজিক অপিকপা লৌমীশিংনা ফারমগি থাক্তাা কিলোগ্রাম্ অমদা লুপা ৬–১০ খক্তমক ফংলি; অদুগা, প্রোসেশ তৌরবা অমসুং মপান্দা থাদোকপা য়াবা পোত্থোকশিংনা দোমেস্তিক অমসুং ইন্তর্নেস্নেল মার্কেত্তা য়াম্নাা ৱাংবা মমল লৌবা য়াই।

সেক্রেতরীনা মখা তানা ফোঙদোকখি মদুদি মীশন অসিনা লৌরোক মতুংগী মাংজবা, ইন্তিগ্রেতেদ কোল্দ-চেন ইনফ্রাস্ত্রকচর লৈতবা, কম্মর্সিএল-স্কেল প্রোসেশিং ফেসিলিতি লৈতবা, ৱাইক ব্রান্দিং অমসুং লিমিতেদ স্ত্রকচরেল জি.আই. মোনিতাইজেসন অমসুং বায়র-লিঙ্কেজ সিস্তেমশিং য়াওনা সেক্তর অসিদা লৈরিবা অচৌবা স্ত্রকচরেল গেপশিং অদু সিস্তেমেতিক ওইনা কোকহন্নবা হোৎনরি।

মীশনগী থবক থৌরমশিং অসিদা জি.আই.গী ওথোরাইজেসন ৱার্কসোপশিং, ক্যু.আর.দা য়ুম্ফম ওইবা ত্রেত্সিলিতি সিস্তেমশিং, জি.আই.গী মোনিতাইজেসন ফ্রেমৱার্কশিং, বায়র-সেলর মীফমশিং, ওর্গানিক সর্তিফিকেসন সপোর্ত, এক্সপোর্ত-রেদিনেসকি থৌরাংশিং অমসুং জুন ২৭তা ইন্তর্নেস্নেল পায়পলাইন দেগা মান্নবা “ত্রিপুরা ক্বীন পায়নএপল ফেস্তিবেল”গুম্বা চহিগী ওইবা ফ্লেগশিপ থৌরমশিংসু য়াওগনি।

মিশন অসিনা রাজ্য শিনবা থুংনা তুং কোয়না চৎকদবা লাইবলিহুদশিং, লৌমীশিংনা লুচিংবা ভেল্যু শেম্বা অমসুং এক্সপোর্ত্তা য়ুম্ফম ওইবা গ্রোথ মপাঙ্গল কনখৎহনবগা লোয়ননা মালেমগী ওইনা শকখঙলবা প্রেমিয়ম ব্রান্দ অমা ওইনা ত্রিপুরা ক্বীন পায়নএপলবু ওন্থোক্নবা ৱাশক্লি।

হৌদোকপগী থৌরম অসিদা লৌমীশিং, ওন্তর্প্রিনরশিং অমসুং অতৈ স্তেকহোলদরশিংগা লোয়ননা দোনর মন্ত্রালয়গী ওফিসিএলশিং য়াওখি।

***