آیوش کے مرکزی وزیر مملکت (آزادانہ چارج) اور صحت و خاندانی بہبود کے وزیر مملکت جناب پرتاپ راؤ جادھو نے آج اعلان کیا کہ یوگ کے بین الاقوامی دن (آئی ڈی وائی) 2026 کی مرکزی تقریب 21 جون کومغربی بنگال کے کولکاتا میں منعقد ہوگی۔انہوں نے مزید بتایا کہ رواں برس کی تقریب کا موضوع ’صحت مند بڑھاپے کے لیے یوگا‘ ہے،  جس میں جسمانی وذہنی صحت اور تندوستی کے ساتھ بڑھاپے کو فروغ دینے میں یوگ کے کردار کو اجاگر کیا گیا ہے ۔

یہ اعلان یوگ مہوتسو 2026 کے دوران کیا گیا جو یونیسکو کے عالمی ثقافتی ورثہ کھجوراہو میں واقع مغربی مندر گروپ میں منعقد ہوا اور یہ آئی ڈی وائی 2026 کی 25 روزہ الٹی گنتی کے آغاز کی علامت تھا۔ یہ تقریب مورار جی دیسائی نیشنل انسٹی ٹیوٹ آف یوگا (ایم ڈی این آئی وائی)، وزارت آیوش کے زیرِ اہتمام منعقد ہوئی، جس میں یوگ کےہزارشائقین نے کامن یوگا پروٹوکول کے اجتماعی نمائش میں شرکت کی۔

اجتماع سے خطاب کرتے ہوئے جناب پرتاپ راؤ جادھو نے کہا کہ  ہندوستان کے روایتی ورثے اور روحانی شعور میں رچا بساشہر کولکاتا، آئی ڈی وائی 2026 کی مرکزی تقریب کی میزبانی کرے گا۔ انہوں نے کہا کہ موضوع ’’صحت مند بڑھاپے کے لیے یوگا‘‘ بڑھاپے کے دوران مجموعی صحت و تندرستی کے فروغ میں یوگ کی بڑھتی ہوئی اہمیت کی عکاسی کرتا ہے۔ وزیر نے زور دیا کہ یوگ  ہندوستان کی قدیم حکمت کی نمائندگی کرتا ہے اور احتیاطی صحت کی دیکھ بھال اور متوازن زندگی میں اہم کردار ادا کرتا ہے۔

جناب جادھو نے یہ بھی کہا کہ کھجوراہو اپنے بھرپور ثقافتی اور روحانی ورثے کے ساتھ ہندوستان کی قدیم روایات اور صحت مند زندگی گزارنے کے اصول اور عادات کے درمیان ہم آہنگی کی نمائندگی کرتا ہے۔ انہوں نے کہا کہ یہ شہر یوگ اور صحت مندطرز زندگی کے اصولوں (ویلنس )کے ایک عالمی مرکز کے طور پر ابھرنے کی صلاحیت رکھتا ہے۔

وزیر موصوف نے اس بات پر زور دیا کہ یوگ کو روزمرہ کی زندگی کا حصہ بننا چاہیے۔ انہوں نے کہا کہ وزیر اعظم جناب نریندر مودی کے وژن کے تحت آیوش کی وزارت یوگ کو ہر گاؤں ، گھر ، اسکول ، دفتر اور برادری تک پہنچانے کے لیے مسلسل کام کر رہی ہے ۔  احتیاطی صحت کی دیکھ بھال کی اہمیت کو اجاگر کرتے ہوئے جناب جادھو نے کہا کہ یوگ اور آیوش آہار(غذا) جیسے اقدامات متوازن غذائیت ، نظم و ضبط کی زندگی اور مجموعی طور پر تندرستی کو فروغ دیتے ہیں ۔

اس موقع پر مرکزی وزیر نے آن لائن رجسٹریشن کو آسان بنانے اور آئی ڈی وائی 2026 کے لیے عوامی شرکت کو بہتر کرنے کے لیے یوگا سنگم پورٹل کو ایک بار پھر لانچ کیا اور ریاستوں اور اداروں میں یوگ کے لیے مخصوص مقامات کی ترقی میں مدد کے لیے یوگا پارک پورٹل کا آغاز کیا ۔  انہوں نے یوگ ، صحت اور تندرستی کے پیغام کو فروغ دینے والی ایک نئی ڈیزائن کردہ یوگا ٹی شرٹ کی نقاب کشائی کی اور بتایا کہ یوگا 365 مہم کے تحت 100 روزہ مفت یوگا تربیتی پروگرام میں دو لاکھ سے زیادہ افراد نے حصہ لیا ہے ، جنہیں یوگ مترا  سرٹیفکیٹ سے نوازا گیا۔

مدھیہ پردیش کے وزیر اعلیٰ ڈاکٹر موہن یادو نے ورچوئل طریقے سے اس پروگرام میں شرکت کی اور اپنے ویڈیو پیغام میں کہا کہ یوگا اور کھجوراہو ہندوستان کے ثقافتی ورثے کی لازمی علامت ہیں ۔  انہوں نے کہا کہ نوجوان نسل یوگا کو روزمرہ کی زندگی کے حصے کے طور پر تیزی سے اپنا رہی ہے ، جو ایک صحت مند اور زیادہ باشعور معاشرے میں اپنا حصہ ڈال رہی ہے ۔

اعلیٰ تعلیم و تکنیک کےکابینی وزیر اور حکومت مدھیہ پردیش میں آیوش کے وزیرجناب اندر سنگھ پرمار کہا کہ یوگ اور آیوروید محض عمل نہیں ہیں بلکہ ہندوستان کی شاندار روایات سے وابستہ طرز زندگی ہیں ۔  انہوں نے اس بات پر زور دیا کہ تعلیم اور یوگا مل کر ایک صحت مند معاشرے کی تشکیل میں تعاون کر سکتے ہیں ۔

مدھیہ پردیش حکومت کے ثقافت ، سیاحت اور مذہبی ٹرسٹ اور اوقاف کے وزیر مملکت (آزادانہ چارج) جناب دھرمیندر بھو سنگھ لودھی نے اس بات پر روشنی ڈالی کہ یہ پروگرام عوام میں مجموعی تندرستی کو فروغ دیتے ہوئے ہندوستان کے ثقافتی شعور اور تہذیبی اقدار کی عکاسی کرتا ہے ۔

کھجوراہو لوک سبھا حلقہ کے رکن پارلیمنٹ جناب وشنو دت شرما نے کہا کہ یوگا وزیر اعظم جناب نریندر مودی کی دور اندیش قیادت میں صحت اور تندرستی کے لیے ایک عالمی تحریک کے طور پر ابھرا ہے اور اب دنیا بھر کے تقریبا 190 ممالک میں اس پر عمل کیا جاتا ہے ۔

آیوش کی وزارت  میں جوائنٹ سکریٹری محترمہ مونالیسا ڈیش نے کہا کہ یوگ آج کی تناؤ والی طرز زندگی میں مجموعی صحت کے لیے ایک آسان ، پائیدار حل پیش کرتا ہے ۔  انہوں نے شہریوں سے’یوگ مترا‘ بننے کی اپیل کی اور یوگ کے ذریعے دنیا کو متحد کرنے کے لیے 14 جون 2026 کو گنیز ورلڈ ریکارڈ کی کوشش میں حصہ لینے کی اپیل کی ۔

اس تقریب میں معزز شخصیات نے شرکت کی جن میں راج نگر ودھان سبھا کے ایم ایل اے جناب اروند پٹیریا؛ بیاجور کے ایم ایل اے  جناب راجیش شکلا؛ چھتر پور کی ایم ایل اے محترمہ للیتا یادو؛مدھیہ پردیش حکومت کے محکمہ آیوش کے پرنسپل سکریٹری جناب شوبھت جین؛ چھتر پور کے ضلع مجسٹریٹ اور کلکٹر جناب پرتھ جیسوال (آئی اے ایس)؛ چھتر پور کے سپرنٹنڈنٹ آف پولیس جناب رجت سکلیچا (آئی پی ایس)شامل ہیں۔  اس کے علاوہ ہی وزارت آیوش اور ریاستی حکومت کے سینئر افسران بھی موجود تھے۔

پروگرام کی ایک بڑی خصوصیت کامن یوگا پروٹوکول کا بڑے پیمانے پر مظاہرہ تھا، جس کی قیادت پروفیسر (ڈاکٹر) کاشیناتھ سامگنڈی، ڈائریکٹر ایم ڈی این آئی وائی نے ایم ڈی این آئی وائی کے یوگا انسٹرکٹرز کے ساتھ کی۔ اس علاقہ کے ہزاروں کی تعدادمیں یوگا کے شائقین نے کامن یوگا پروٹوکول (سی وائی پی) کے اجتماعی مظاہرے میں حصہ لیا، جو یوگ پر مبنی صحت و تندرستی کے طریقہ کار اور احتیاطی صحت کی دیکھ بھال کی جانب ملک گیر بڑھتی ہوئی تحریک کی عکاسی کرتا ہے۔

وزارت آیوش کی جانب سے تیار کردہ کامن یوگ پروٹوکول یوگ مشقوں کی ایک معیاری ترتیب ہے، جس کا مقصد تمام عمر کے افراد کے لیے جسمانی، ذہنی اور جذباتی تندرستی کو فروغ دینا ہے۔

یہ تقریب بین الاقوامی یوم یوگ 2026 کی جانب ملک گیر تیاری میں ایک اور اہم سسنگ میل ثابت ہوئی اور اس نے یوگ کے ذریعے جامع صحت اور صحت و تندرستی کے طریقہ کار کو فروغ دینے کے لیے حکومت کے عزم کی ایک بار پھر توثیق کی۔

*****

 (ش ح ۔  م ع ن۔ع ن)

U. No. 7598