সোসিএল জস্তিস এন্দ ইম্পাৱরমেন্ত মন্ত্রালয়গী, দিপার্তমেন্ত ওফ সোসিএল জস্তিস এন্দ ইম্পাৱরমেন্তনা মে ২২, ২০২৬ কী অয়ুক পুং ১০:০০ তারকপদা “ক্রিএতিং এ ৱেল-ফঙ্কসনিঙ কেয়র ইকোনোমী” হায়বসিগী মতাংদা ভর্চুএল প্রোগ্রাম অসি পাঙথোক্কদৌরি।

প্রোগ্রাম অসি জোইন্ত সেক্রেতরী (সেনিয়র সিতিজনস) না তরাম্না ওকপগী ৱারোলগা লোয়ননা হৌদোক্কনি অমসুং মসিগী মতুংদা সোসিএল জস্তিস এন্দ ইম্পাৱরমেন্ত দিপার্তমেন্তকী সেক্রেতরী শ্রী সুধাশ পন্তনা ৱা ঙাঙগনি।

সোসিএল জস্তিস এন্দ ইম্পাৱরমেন্তকী ইকাইখুম্নরবা রাজ্য মন্ত্রী শ্রী বি. এল. বর্মা অমসুং সোসিএল জস্তিস এন্দ ইম্পাৱরমেন্তকী ইকাইখুম্নজবা রাজ্য মন্ত্রী শ্রী রামদাস অথাৱলেসু শরুক য়ারিবশিংগী মফমদা ৱা ঙাঙগনি।

থৌরম অসিগী মরুওইবা শরুক অমদি সোসিএল জস্তিস এন্দ ইম্পাৱরমেন্তকী ইকাইখুম্নরবা কেন্দ্র মন্ত্রী দোক্তর বীরেন্দ্র কুমারনা সেনিয়র সিতিজনশিংগীদমক জীবন এপ অমসুং কেয়রগিভর দেসবোর্দ হাঙদোকপা অসিনা ওইগনি। দোক্তর বীরেন্দ্র কুমারনা সেনিয়র সিতিজনশিংগী কেয়র ইকোসিস্তেম মপাঙ্গল কনখৎহন্নবা পান্দম থম্লিবা মন্ত্রালয়গী খোঙথাংশিং ময়েক শেঙনা তাক্লদুনা মরুওইবা ৱারোল পীগনি।

থৌরম অসিদা কর্নাতকা অমসুং কেরলা স্তেতশিংদগী কেয়র ইকোনোমীগী খ্বাইদগী ফবা মওংশিংগী মতাংদা প্রেজেন্তেসনশিং উৎকনি। থৌরম অসিদা কুপ্না খন্ন-নৈননবা থিমেতিক এরিয়া মরি মশক খঙদোক্লে। শরুক য়ারিবশিংনা অখন্নবা ভর্চুএল খন্ন-নৈনবা হোলশিংদা শরুক য়াগনি, অদুদা মোদরেতরশিং, পেনেলিস্তশিং অমসুং মমিং লৈরবা ৱাঙাঙলোয়শিংনা মরুওইবা পোলিসীগী ৱাফমশিং, থবক ওন্থোকপদা লৈরিবা অৱাৎপশিং, অনৌবা খোঙথাংশিং, খ্বাইদগী ফবা মওংশিং অমসুং অরেপ্পা মতমগী মনুংদা থবক ওইনা ওন্থোকপা য়াবা পাউতাকশিং খন্নগনি।

খোঙথাং অসিগী পান্দমদি ভারতকী মশিং য়াম্না হেনগৎলক্লিবা অহল ওইরবা মীশিংগী হেনগৎলক্লিবা মথৌ তাবশিং অদু খঙননবা তেক্নোলোজী অমসুং মীয়ামগী শরুক য়াবা শীজিন্নদুনা কেয়র সর্বিসশিংগী ওইবা পাক-চাওরবা ফ্রেমৱর্ক অমা শেমগৎপনি।

***