પશ્ચિમ એશિયામાં બદલાતી પરિસ્થિતિ વચ્ચે, ભારત સરકાર નિયમિત અપડેટ્સ દ્વારા નાગરિકોને માહિતગાર રાખવાના પોતાના પ્રયાસો ચાલુ રાખે છે. આ સંદર્ભમાં, આજે નેશનલ મીડિયા સેન્ટર ખાતે એક મીડિયા બ્રીફિંગનું આયોજન કરાયું હતું, જ્યાં પેટ્રોલિયમ અને કુદરતી ગેસ, બંદરો, શિપિંગ અને જળમાર્ગ મંત્રાલયોના અધિકારીઓએ ઇંધણની ઉપલબ્ધતા, દરિયાઈ કામગીરી અને મુખ્ય ક્ષેત્રોમાં સ્થિરતા જાળવવા માટે લેવામાં આવી રહેલા પગલાં અંગે અપડેટ્સ પ્રદાન કર્યા હતા.

ઊર્જા પુરવઠો અને ઇંધણની ઉપલબ્ધતા

પેટ્રોલિયમ અને કુદરતી ગેસ મંત્રાલયે વર્તમાન ઇંધણ પુરવઠાની પરિસ્થિતિ અંગે અપડેટ પ્રદાન કર્યું હતું, જેમાં પશ્ચિમ એશિયામાં બદલાતી પરિસ્થિતિના સંદર્ભમાં પેટ્રોલિયમ પેદાશો અને LPG ની અવિરત ઉપલબ્ધતા સુનિશ્ચિત કરવા માટે લેવામાં આવી રહેલા પગલાંની રૂપરેખા આપવામાં આવી હતી. એ નોંધવામાં આવ્યું હતું કે:

જાહેર એડવાઇઝરી અને નાગરિક જાગૃતિ

· નાગરિકોને પેટ્રોલ, ડીઝલ અને LPG ની ગભરાટમાં ખરીદી (પેનિક બાયિંગ) ટાળવાની સલાહ આપવામાં આવે છે કારણ કે સરકાર પેટ્રોલ, ડીઝલ અને LPG ની ઉપલબ્ધતા સુનિશ્ચિત કરવા માટે તમામ પ્રયાસો કરી રહી છે.

· અફવાઓથી સાવધ રહો અને સાચી માહિતી માટે સત્તાવાર સ્ત્રોતો પર આધાર રાખો.

· LPG ગ્રાહકોને ડિજિટલ બુકિંગ પ્લેટફોર્મનો ઉપયોગ કરવા અને વિતરકોની મુલાકાત લેવાનું ટાળવા વિનંતી કરવામાં આવે છે.

· નાગરિકોને વૈકલ્પિક ઇંધણ જેવા કે PNG અને ઇલેક્ટ્રિક અથવા ઇન્ડક્શન કુકટોપ્સનો ઉપયોગ કરવા પ્રોત્સાહિત કરવામાં આવે છે.

· તમામ નાગરિકોને વર્તમાન પરિસ્થિતિ દરમિયાન તેમના રોજિંદા ઉપયોગમાં ઊર્જા બચાવવા માટે જરૂરી પ્રયાસો કરવા વિનંતી કરવામાં આવે છે.

સરકારી સજ્જતા અને પુરવઠા વ્યવસ્થાપનના પગલાં

· ચાલુ ભૌગોલિક રાજકીય પરિસ્થિતિ છતાં, સરકારે સુનિશ્ચિત કર્યું છે કે ઘરેલું LPG, ઘરેલું PNG અને CNG (પરિવહન) માટે 100% પુરવઠો પૂરો પાડવામાં આવી રહ્યો છે.

· વ્યાપારી (કોમર્શિયલ) LPG માટે હોસ્પિટલો, શૈક્ષણિક સંસ્થાઓને પ્રાથમિકતા આપવામાં આવી છે. આ ઉપરાંત ફાર્મા, સ્ટીલ, ઓટોમોબાઈલ, બિયારણ, કૃષિ વગેરેને પણ પ્રાથમિકતા આપવામાં આવી છે. આ ઉપરાંત, પ્રવાસી શ્રમિકોને 5 કિલોગ્રામ FTL નો પુરવઠો 2 અને 3 માર્ચ 2026 ના રોજ સરેરાશ દૈનિક પુરવઠાના આધારે બમણો કરવામાં આવ્યો છે.

· સરકારે પુરવઠા અને માંગ બંને બાજુએ ઘણા તર્કસંગત પગલાં પહેલેથી જ લાગુ કર્યા છે, જેમાં રિફાઇનરી ઉત્પાદન વધારવું, શહેરી વિસ્તારોમાં બુકિંગનો સમયગાળો 21 થી વધારીને 25 દિવસ અને ગ્રામીણ વિસ્તારોમાં 45 દિવસ સુધી કરવો અને પુરવઠા માટે ક્ષેત્રોને પ્રાથમિકતા આપવી શામેલ છે.

રાજ્યો/કેન્દ્રશાસિત પ્રદેશો સાથે સંકલિત પ્રયાસો અને સંસ્થાકીય પદ્ધતિઓ

· રાજ્ય સરકારોને આવશ્યક ચીજવસ્તુઓ અધિનિયમ, 1955 અને LPG નિયંત્રણ આદેશ, 2000 હેઠળ પુરવઠાની દેખરેખ રાખવા અને સંગ્રહખોરી તેમજ કાળાબજાર સામે પગલાં લેવાની સત્તા આપવામાં આવી છે.

· પેટ્રોલ, ડીઝલ અને LPG સહિતની આવશ્યક ચીજવસ્તુઓની પુરવઠાની સ્થિતિની દેખરેખ અને નિયમન કરવામાં રાજ્યો/કેન્દ્રશાસિત પ્રદેશોની સરકારોએ પ્રાથમિક ભૂમિકા ભજવવાની છે. ભારત સરકારે તમામ રાજ્યો/કેન્દ્રશાસિત પ્રદેશોને બહુવિધ પત્રો અને વીડિયો કોન્ફરન્સ (VC) દ્વારા આ જ બાબતનો પુર્નોચ્ચાર કર્યો છે.

· ભારત સરકારે 27.03.2026 અને 02.04.2026 ના પત્રો દ્વારા નાગરિકોને પૂરતી ઇંધણ ઉપલબ્ધતા અંગે આશ્વાસન આપવા માટે સક્રિય જાહેર સંદેશાવ્યવહારની જરૂરિયાત પર ભાર મૂક્યો છે. રાજ્યો/કેન્દ્રશાસિત પ્રદેશો સાથે નિયમિત સમીક્ષા બેઠકો યોજાઈ રહી છે. આ સંદર્ભમાં, 02.04.2026 (પેટ્રોલિયમ અને કુદરતી ગેસ મંત્રાલયના સચિવની અધ્યક્ષતામાં) અને 06.04.2026 ના રોજ (માહિતી અને પ્રસારણ તથા ગ્રાહક બાબતોના સચિવો સાથે પેટ્રોલિયમ અને કુદરતી ગેસ મંત્રાલયના સચિવની અધ્યક્ષતામાં) બેઠકો બોલાવવામાં આવી હતી, જેમાં નીચેની બાબતો પર ભાર મૂકવામાં આવ્યો હતો:

o ⮚ દૈનિક પ્રેસ બ્રીફિંગ્સ યોજવી અને નિયમિત જાહેર એડવાઇઝરી જારી કરવી.

o ⮚ સોશિયલ મીડિયા પર ફેક ન્યૂઝ / ખોટી માહિતી પર સક્રિયપણે નજર રાખવી અને તેનો સામનો કરવો.

o ⮚ જિલ્લા વહીવટીતંત્ર દ્વારા દૈનિક અમલીકરણ ઝુંબેશને વધુ તીવ્ર બનાવવી અને OMCs સાથે સંકલન કરીને દરોડા અને નિરીક્ષણો ચાલુ રાખવા.

o ⮚ PNG અપનાવવા અને વૈકલ્પિક ઇંધણને પ્રોત્સાહન આપવું.

o ⮚ LPG પુરવઠાને, ખાસ કરીને ઘરેલું જરૂરિયાતો માટે પ્રાથમિકતા આપવી અને પુરવઠાની સ્થિરતા સુનિશ્ચિત કરવા માટે 5 કિલોગ્રામ FTL સિલિન્ડરોના લક્ષિત વિતરણને અપનાવવું.

અમલીકરણ અને દેખરેખના પગલાં

· LPG ની સંગ્રહખોરી અને કાળાબજારને રોકવા માટે દેશભરમાં અમલીકરણના પગલાં ચાલુ છે. પાછલા 3 દિવસ દરમિયાન દેશભરમાં 5000 થી વધુ દરોડા પાડવામાં આવ્યા હતા.

· તેવી જ રીતે, જાહેર ક્ષેત્રની OMCs ના અધિકારીઓ દ્વારા આકસ્મિક નિરીક્ષણો પણ ચાલુ છે અને પાછલા 3 દિવસ દરમિયાન 3100 થી વધુ રિટેલ આઉટલેટ્સ (RO) અને LPG વિતરકોના સ્થળો પર નિરીક્ષણો કરવામાં આવ્યા છે.

· જાહેર ક્ષેત્રની OMCs એ આકસ્મિક નિરીક્ષણો મજબૂત અને ચાલુ રાખ્યા છે અને 463 LPG વિતરકો પર દંડ લાદ્યો છે, અને ગઈકાલ સુધીમાં 81 LPG વિતરકોને સસ્પેન્ડ (સ્થગિત) કરવામાં આવ્યા છે.

LPG પુરવઠો

ઘરેલું LPG પુરવઠાની સ્થિતિ:

· પ્રવર્તમાન ભૌગોલિક રાજકીય પરિસ્થિતિના કારણે LPG પુરવઠો પ્રભાવિત થવાનું ચાલુ છે.

· ઘરેલું પરિવારોને LPG ના પુરવઠાને પ્રાથમિકતા આપવામાં આવી છે.

· LPG વિતરકો પાસે કોઈ ડ્રાય-આઉટ્સ (સ્ટોક ખાલી થવા) ની ઘટના નોંધાઈ નથી.

· ગઈકાલે ઉદ્યોગના સ્તરે ઓનલાઈન LPG સિલિન્ડર બુકિંગ વધીને આશરે 99% થયું છે.

· ગેરમાર્ગે ડાયવર્ઝન રોકવા માટે ડિલિવરી ઓથેન્ટિકેશન કોડ (DAC) આધારિત ડિલિવરી વધીને આશરે 96% થઈ છે. DAC ગ્રાહકના નોંધાયેલા મોબાઈલ નંબર પર પ્રાપ્ત થાય છે.

· પાછલા 3 દિવસ દરમિયાન, આશરે 1.32 કરોડ LPG સિલિન્ડરોના બુકિંગ સામે આશરે 1.34 કરોડ LPG સિલિન્ડરોની ડિલિવરી કરવામાં આવી હતી.

· ગઈકાલે, આશરે 45.36 લાખ LPG સિલિન્ડરોના બુકિંગ સામે આશરે 47.51 લાખ LPG સિલિન્ડરોની ડિલિવરી કરવામાં આવી હતી.

વ્યાપારી (કોમર્શિયલ) LPG પુરવઠો અને ફાળવણીના પગલાં:

· કુલ વ્યાપારી LPG ફાળવણી વધારીને કટોકટી પૂર્વેના સ્તરના આશરે 70% કરવામાં આવી છે, જેમાં 10% સુધારા-લિંક્ડ ફાળવણી શામેલ છે.

· પાછલા 3 દિવસ દરમિયાન, આશરે 1.87 લાખ – 5 કિલોગ્રામ FTL સિલિન્ડરો વેચાયા હતા.

· 3જી એપ્રિલ 2026 થી, જાહેર ક્ષેત્રની OMCs એ 5 કિલોગ્રામ FTL સિલિન્ડરો માટે 14,500 થી વધુ જાગૃતિ શિબિરોનું આયોજન કર્યું છે, જેમાં 2.34 લાખથી વધુ - 5 કિલોગ્રામ FTL સિલિન્ડરો વેચાયા હતા.

· ગઈકાલે, આશરે 348 શિબિરો દ્વારા આશરે 4919 - 5 કિલોગ્રામ FTL સિલિન્ડરો વેચાયા હતા.

· IOCL, HPCL અને BPCL ના એક્ઝિક્યુટિવ ડિરેક્ટર્સની ત્રણ સભ્યોની સમિતિ, રાજ્ય સત્તાવાળાઓ અને ઉદ્યોગ મંડળો સાથે પરામર્શ કરીને રાજ્યો/કેન્દ્રશાસિત પ્રદેશોમાં વ્યાપારી LPG ના વેચાણની યોજનાને અંતિમ રૂપ આપે છે.

· મે-2026 થી, કુલ 1,32,341 મેટ્રિક ટન (MT) વ્યાપારી LPG નું વેચાણ થયું છે.

· પાછલા 3 દિવસ દરમિયાન, કુલ 23,588 મેટ્રિક ટન (MT) વ્યાપારી LPG નું વેચાણ થયું છે.

· પાછલા 3 દિવસ દરમિયાન, જાહેર ક્ષેત્રની OMCs દ્વારા આશરે 963 મેટ્રિક ટન (MT) ઓટો LPG નું વેચાણ કરવામાં આવ્યું છે.

કુદરતી ગેસ પુરવઠો અને PNG વિસ્તરણ પહલો

· D-PNG (ઘરેલું પાઇપ્ડ નેચરલ ગેસ) અને CNG-પરિવહનને 100% પુરવઠા સાથે ગ્રાહકોને પ્રાથમિકતા આપવામાં આવી છે.

· CGD (સિટી ગેસ ડિસ્ટ્રિબ્યુશન) નેટવર્ક દ્વારા પુરવઠા સહિત અન્ય ઔદ્યોગિક અને વ્યાપારી ક્ષેત્રોમાં ગેસ પુરવઠો 80% સુધી વધારવામાં આવ્યો છે.

· વ્યાપારી LPG ની ઉપલબ્ધતા અંગેની ચિંતાઓને દૂર કરવા માટે, CGD સંસ્થાઓને તેમના તમામ જિયોગ્રાફિકલ એરિયાઝ (GAs) માં હોટેલો, રેસ્ટોરાં અને કેન્ટીન જેવી વ્યાપારી સંસ્થાઓ માટે PNG કનેક્શન્સને પ્રાથમિકતા આપવા માટે સલાહ આપવામાં આવી છે.

· રાજ્યો/કેન્દ્રશાસિત પ્રદેશો અને કેન્દ્રીય મંત્રાલયોને CGD નેટવર્કના વિસ્તરણ માટે જરૂરી મંજૂરીઓ ઝડપી બનાવવા વિનંતી કરવામાં આવી છે.

· ભારત સરકારે પત્ર તારીખ 18.03.2026 દ્વારા તમામ રાજ્યો/કેન્દ્રશાસિત પ્રદેશોને વ્યાપારી LPG ની વધારાની 10% ફાળવણીની ઓફર કરી છે, જો તેઓ LPG થી PNG માં લાંબા ગાળાના સંક્રમણમાં મદદ કરી શકે.

· 22 રાજ્યો/કેન્દ્રશાસિત પ્રદેશો PNG વિસ્તરણ સુધારાઓ સાથે જોડાયેલી વધારાની વ્યાપારી LPG ફાળવણી પ્રાપ્ત કરી રહ્યા છે.

· ભારત સરકારે ગેઝેટ તારીખ 24.03.2026 દ્વારા આવશ્યક ચીજવસ્તુઓ અધિનિયમ, 1955 હેઠળ નેચરલ ગેસ એન્ડ પેટ્રોલિયમ પ્રોડક્ટ્સ ડિસ્ટ્રિબ્યુશન (થ્રુ લેઇંગ, બિલ્ડિંગ, ઓપરેશન એન્ડ એક્સપાન્શન ઓફ પાઇપલાઇન્સ એન્ડ અધર ફેસિલિટીઝ) ઓર્ડર, 2026 અધિસૂચિત કર્યો છે. આ આદેશ દેશભરમાં પાઇપલાઇન નાખવા અને વિસ્તરણ માટે એક સુવ્યવસ્થિત અને સમયબદ્ધ માળખું પૂરું પાડે છે, જે મંજૂરીઓ અને જમીનની ઉપલબ્ધતામાં થતા વિલંબને દૂર કરે છે અને રહેણાંક વિસ્તારો સહિત કુદરતી ગેસના માળખાકીય સુવિધાઓના ઝડપી વિકાસને સક્ષમ બનાવે છે. તેનાથી PNG નેટવર્કના વિકાસને વેગ મળવાની, લાસ્ટ-માઇલ કનેક્ટિવિટી વધવાની અને સ્વચ્છ ઇંધણ તરફના સંક્રમણને ટેકો મળવાની અપેક્ષા છે, જેનાથી ઊર્જા સુરક્ષા મજબૂત થશે અને ભારતની ગેસ-આધારિત અર્થવ્યવસ્થા આગળ વધશે.

· PNGRB એ CGD સંસ્થાઓને D-PNG કનેક્શન્સ ઝડપી બનાવવા નિર્દેશ આપ્યો છે. ઉપરાંત, PNG વિસ્તરણમાં વેગ જાળવી રાખવા માટે નેશનલ PNG ડ્રાઇવ 2.0 ને 30.06.2026 સુધી લંબાવવામાં આવી છે.

· સ્વચ્છ, વધુ સુરક્ષિત અને આત્મનિર્ભર ઊર્જા ભવિષ્યને પ્રોત્સાહિત કરવા માટે, ભારત સરકારે એક મોડેલ ડ્રાફ્ટ સ્ટેટ CBG (કમ્પ્રેસ્ડ બાયો-ગેસ) પોલિસી તૈયાર કરી છે. આ મોડેલ નીતિનો ઉદ્દેશ્ય રાજ્યોને CBG વિકાસ માટે પોતાની રોકાણકાર-અનુકૂળ અને અમલીકરણ-લક્ષી ઇકોસિસ્ટમ બનાવવા સક્ષમ કરવા માટે એક વ્યાપક રીતે સ્થિતિસ્થાપક માર્ગદર્શક માળખા તરીકે સેવા આપવાનો છે. જે રાજ્યો આ વિકલ્પ પસંદ કરશે, તેમને વ્યાપારી LPG ની વધારાની ફાળવણીના આગામી હપ્તા માટે પ્રાથમિકતા આપવામાં આવશે.

· માર્ચ 2026 થી, આશરે 7.64 લાખ PNG કનેક્શન્સ ગેસિફાઇડ કરવામાં આવ્યા છે અને વધારાના 2.81 લાખ કનેક્શન્સ માટે માળખાકીય સુવિધાઓ બનાવવામાં આવી છે, જે કુલ કનેક્શન્સની સંખ્યા 10.45 લાખ પર લઈ જાય છે. વધુમાં, નવા કનેક્શન્સ માટે આશરે 7.99 લાખ ગ્રાહકોની નોંધણી કરવામાં આવી છે.

· 20.05.2026 સુધીમાં, 58,500 થી વધુ PNG ગ્રાહકોએ MYPNGD.in વેબસાઇટ દ્વારા તેમના LPG કનેક્શન્સ સરન્ડર કર્યા છે.

ક્રૂડની સ્થિતિ અને રિફાઇનરી કામગીરી

· તમામ રિફાઇનરીઓ પૂરતા ક્રૂડ ઇન્વેન્ટરીઝ સાથે ઊંચી ક્ષમતા પર કામ કરી રહી છે, જ્યારે પેટ્રોલ અને ડીઝલનો પૂરતો સ્ટોક જાળવવામાં આવી રહ્યો છે.

· ઘરેલું વપરાશને ટેકો આપવા માટે રિફાઇનરીઓમાંથી ઘરેલું LPG ઉત્પાદન વધારવામાં આવ્યું છે.

· ઘરેલું બજાર માટે પેટ્રોકેમિકલ ફીડસ્ટોક પુરવઠાની ઉપલબ્ધતા સુનિશ્ચિત કરવા માટે એક આંતર-મંત્રાલય જોઈન્ટ વર્કિંગ ગ્રૂપ (JWG) ની સ્થાપના કરવામાં આવી છે. ત્યારબાદ, ભારત સરકારે આદેશ તારીખ 01.04.2026 દ્વારા પેટ્રોકેમિકલ કોમ્પ્લેક્સ સહિત ઓઇલ રિફાઇનરી કંપનીઓને સેન્ટર ફોર હાઇ ટેકનોલોજી (CHT) દ્વારા નિર્ધારિત કર્યા મુજબના મહત્વપૂર્ણ ક્ષેત્રો માટે C3 અને C4 સ્ટ્રીમ્સની ચોક્કસ લઘુત્તમ માત્રા ઉપલબ્ધ કરાવવાની મંજૂરી આપી છે.

· ફાર્માસ્યુટિકલ્સ વિભાગ, રસાયણ અને પેટ્રોકેમિકલ્સ વિભાગ (DCPC), ઉદ્યોગ અને આંતરિક વ્યાપાર પ્રમોશન વિભાગ (DPIIT) પાસેથી મળેલી વિનંતીઓના આધારે, ફાર્મા, કેમિકલ અને પેઇન્ટ ક્ષેત્રની કંપનીઓ માટે LPG પૂલમાંથી 1120 મેટ્રિક ટન/દિવસના C3-C4 મોલેક્યુલ્સની જોગવાઈ કરવામાં આવી છે.

· 1લી મે 2026 થી, મુંબઈ, કોચી, વિઝાગ, ચેન્નાઈ, મથુરા અને ગુજરાત રિફાઇનરીઓ દ્વારા કેમિકલ, ફાર્મા અને પેઇન્ટ ઉદ્યોગને આશરે 10,600 મેટ્રિક ટન C3-C4 મોલેક્યુલ્સ (જેમાં પ્રોપિલિન અને બ્યુટિલિન સામેલ છે) અને આશરે 3,940 મેટ્રિક ટન બ્યુટિલ એક્રિલેટનું વેચાણ કરવામાં આવ્યું છે.

રીટેલ ઇંધણની ઉપલબ્ધતા અને કિંમતના પગલાં

· દેશભરમાં તમામ રિટેલ આઉટલેટ્સ (પેટ્રોલ પંપો) સામાન્ય રીતે કામ કરી રહ્યા છે.

· મધ્ય પૂર્વની કટોકટીના પરિણામે ક્રૂડના ભાવોમાં અસામાન્ય વધારો થયો છે. ગ્રાહકોને આ અસરથી બચાવવા માટે, ભારત સરકારે પેટ્રોલ અને ડીઝલ પરની એક્સાઇઝ ડ્યુટીમાં (આબકારી જકાતમાં) રૂ. 10/લિટરનો ઘટાડો કરીને આ બોજનો એક ભાગ પોતે વહન કરવાનો નિર્ણય કર્યો છે.

· ભારત સરકારે 15.05.2026 ના રોજ ગેઝેટ નોટિફિકેશન દ્વારા ડીઝલ પર નિકાસ ડ્યુટી 23 રૂપિયા પ્રતિ લિટરથી ઘટાડીને 16.50 રૂપિયા પ્રતિ લિટર અને એટીએફ પર 33 રૂપિયા પ્રતિ લિટરથી ઘટાડીને 16 રૂપિયા પ્રતિ લિટર કરી છે. વધુમાં, પેટ્રોલ પર નિકાસ ડ્યુટી 3 રૂપિયા પ્રતિ લિટર લાદવામાં આવ્યો છે.

· દેશના તમામ પેટ્રોલ પંપો પર પેટ્રોલ અને ડીઝલનો પૂરતો સ્ટોક ઉપલબ્ધ છે.

દરિયાઈ સલામતી અને શિપિંગ કામગીરી

બંદરો, શિપિંગ અને જળમાર્ગ મંત્રાલયે પર્સિયન ગલ્ફ (પર્શિયન અખાત) માં પ્રવર્તમાન દરિયાઈ પરિસ્થિતિ અંગે અપડેટ આપી હતી, જેમાં આ પ્રદેશમાં ભારતીય જહાજો અને ક્રૂની સલામતી અને સુરક્ષા સુનિશ્ચિત કરવા માટે લેવામાં આવી રહેલા પગલાંની વિગતો આપવામાં આવી હતી. એવું જણાવવામાં આવ્યું હતું કે:

· બંદરો, શિપિંગ અને જળમાર્ગ મંત્રાલય નાવિકોના કલ્યાણ અને અવિરત દરિયાઈ કામગીરીને સુનિશ્ચિત કરવા માટે વિદેશ મંત્રાલય, ભારતીય મિશનો અને દરિયાઈ હિતધારકો સાથે સંકલન કરવાનું ચાલુ રાખે છે.

· આ પ્રદેશમાં તમામ ભારતીય નાવિકો સુરક્ષિત છે, અને પાછલા 72 કલાકમાં ભારતીય ધ્વજ ધરાવતા જહાજો અથવા ભારતીય ક્રૂ ધરાવતા વિદેશી જહાજો સાથે સંકળાયેલી કોઈ ઘટના નોંધાઈ નથી.

· ડીજી શિપિંગ કંટ્રોલ રૂમે સક્રિય થયા પછી 10,106 કોલ્સ અને 22,215 થી વધુ ઇમેઇલ્સ હેન્ડલ કર્યા છે. પાછલા 72 કલાકમાં, નાવિકો, તેમના પરિવારો અને દરિયાઈ હિતધારકો પાસેથી કુલ 404 કોલ્સ અને 903 ઇમેઇલ્સ પ્રાપ્ત થયા છે.

· મંત્રાલયે, ડાયરેક્ટોરેટ જનરલ ઓફ શિપિંગ (ડીજી શિપિંગ) દ્વારા, ગલ્ફ (અખાત) પ્રદેશના વિવિધ સ્થળોએથી પાછલા 72 કલાકમાં 99 સહિત અત્યાર સુધીમાં 3,316 થી વધુ ભારતીય નાવિકોની સુરક્ષિત વતન વાપસી (રિપેટ્રિએશન) ની સુવિધા આપી છે.

· સમગ્ર ભારતમાં બંદર (પોર્ટ) ની કામગીરી સામાન્ય છે, જેમાં કોઈ ભીડભાડ નોંધાઈ નથી.

IJ/BS/JD