প্রধান মন্ত্রী শ্রী নরেন্দ্র মোদীনা ঙসি রোমগী ক্বিরিনেল, প্রসিদেন্তিএল পেলেসতা ইতালিয়ন রিপব্লিক্কী রাস্ত্রপতি, ঐচ.ই. মিস্তর সের্জিও মেতারেলাগা উনখ্রে ।

ভারত-ইতালিগী মরী মপাঙ্গল কনখৎহন্নবগী মায়কৈদা পীরিবা তেংবাং অমসুং লুচিংবগীদমক প্রধান মন্ত্রীনা রাস্ত্রপতি মাত্তারেলাদা থাগৎপা ফোংদোকখি। লুচিংবা অনিনা ভারত-ইতালি স্ত্রেতেজিক পার্তনরশিপকী ফীভম ফগৎলক্লিবা অদু খংখি অমসুং ললোন-ইতিক অমসুং ইনভেস্তমেন্ত, সাইন্স অমসুং তেক্নোলোজী, রিসর্চ অমসুং ইন্নোবেসন, দিফেন্স অমসুং সেক্যুরিতী, স্পেস, ইনর্জী, এ.আই. অমসুং ক্রিতিকেল তেক্নোলোজী, এজুকেসন, কলচর অমসুং মীয়ামগী মরক্তা লৈনরিবা মরীগী লমশিংদা হৌজিক চৎথরিবা কোওপরেসন অসিদা নুংঙাইবা ফোংদোকখি। অনৌবা তেক্নোলোজীশিং অমসুং আর্তিফিসিএল ইন্তেলিজেন্সকী মতাংদসু মখোয়না ৱাখল্লোনশিং ফোংদোক্নখি।

লুচিংবা অনিনা ইন্দিয়া-ই.য়ু. ফ্রী ত্রেদ এগ্রীমেন্ত অথুবা মতমদা খুৎয়েক পীনবনা পার্তনরশিপ অসিদা অনৌবা ইথিল পীরগনি হায়না পনখি। মখোয়না মল্তি-মোদেল ইন্দিয়া-মিদল ইস্ত-য়ুরোপ ইকোনোমিক কোরিদোর (আই.এম.ই.সি.) গী মরুওইবা অদু মেরিতাইম সেক্যুরিতী, দিজিতেল কনেক্তিবিতী অমসুং ইনর্জী সপ্লাই লৈহন্নবা খন্নখি।

লুচিংবা অনিমক্না মালেমগী অমসুং লমদম অসিগী ওইবা ৱাফমশিং খন্নখি অমসুং নোংচুপ এসিয়া অমসুং য়ুরোপকী ৱাথোকশিংগী মতাংদা ৱাখল্লোনশিং ফোংদোক্নখি। মখোয়না ইন্তর্নেস্নেল লো, নেভিগেসনগী নীংতম্বা অমসুং ৱাথোকশিংগী শান্তি ওইনা ৱারোইশিন পুরকপদা মখোয়গী মান্নবা ফিরেপ অমুক হন্না ফোংদোকখি।

প্রধান মন্ত্রীনা রাস্ত্রপতি মাত্তারেলাগী মীয়োক মীচান ফাবা মতৌ অদুগীদমক থাগৎপা ফোংদোকখি অমসুং রাস্ত্রপতিবু নাকল অনিমক্না খুদোংচাগদবা মতম অমদা ভারত লাকপীনবা বর্তন তৌখি।

***