প্রধান মন্ত্রী শ্রী নরেন্দ্র মোদীনা ঙসি ওস্লোদা ইন্দিয়া-নোর্ৱে বিজিনেস অমসুং রিসর্স সমিৎতা শরুক য়াখ্রে। নোর্ৱেগী রোয়েল হায়নেস ক্রাউন প্রিন্স হাকোন অমসুং প্রধান মন্ত্রী, ঐচ.ই. জোনাস গাহর স্তোরসু সমিৎ অসিদা শরুক য়াখি।

সমিৎ অসিদা কম্পেনী ৫০ হেনবগী সি.ই.ও.শিং অমসুং নোরৱেজিয়ন অমসুং ভারতকী বিজিনেস অমসুং রিসর্স কম্ম্যুনিতীগী মীওই ২৫০ হেন্না শরুক য়াখি। সম্মিত অসিনা ভারত-ই.এফ.তি.এ. ত্রেদ অমসুং ইকোনোমিক পার্তনরশিপ এগ্রীমেন্ত চৎনবা হৌরকপদগী লৈবাক অনিগী ওইবা ইকোনোমিক কোওপরেসনদা হেনগৎলক্লিবা খোঙজেল অদু উৎখি।

অৱাংবা থাক্কী বিজিনেস অমসুং রিসর্চ সম্মিৎকী মমাংদা, ওস্লোগী তোঙান তোঙানবা মফমশিংদা, হেল্থকেয়র ইনোভেসন, মেরিতাইম কোওপরেসন, বেতরী অমসুং ইনর্জী স্তোরেজ সিস্তেমশিং, দিজিতেলাইজেসন অমসুং ইলেক্ত্রিফিকেসন, অমসুং ৱিন্দ ইনর্জীদা মীৎয়েং থমদুনা রাউন্দ তেবল সেসন মরি পাংথোকখি।

মহাক্কী ৱারোলদা, প্রধান মন্ত্রী মোদীনা তেপা চৎনবা হৌরকপদগী লৈবাক অনিগী মরক্তা ললোন-ইতিক অমসুং ইনভেস্তমেন্ত হেনগৎলকপগীদমক থাগৎপা ফোংদোকখি। তেপাগী মখাদা দোল্লর বিল্লিয়ন ১০০গী ইনভেস্তমেন্তগী পান্দম ফংনবা অমসুং ভারত্তা থবক মিলিয়ন অমা ফংহন্নবা নাকল অনিমক্কী স্তেকহোল্দরশিংনা হোৎনগদবনি হায়না মহাক্না ফোংদোকখি। ভারতকী মপাঙ্গল কনবা গ্রোথ ত্রেজেক্তরী, দেমোগ্রাফিক দিভিদেন্দ, হৈশিংবা অমসুং এস্পিরেস্নেল য়ুথ, মপাঙ্গল কনবা বিজিনেস প্রেক্তিস, ইনভেস্তর-ফ্রেন্দলী রেগুলেতরী ফ্রেমৱার্ক, অমসুং কম্পিতিতিব ফেদরেলিজমগী স্পিরিত লৈরি। মহাক্না ভারতকী মরুওইবা সেক্তরশিং হায়বদি ব্লু ইকোনোমী, শিপ বিল্দিং, গ্রীন ত্রাঞ্জিসন, রিন্যুএবল ইনর্জী, হেল্থ-তেক, ক্রিতিকেল মিনরেলস অমসুং স্তার্ত-অপশিংদা নোর্ৱেগী ইনবেস্তমেন্ত হেন্না চাউনা তৌনবা পুক্নিং থৌগৎখি।

প্রধান মন্ত্রী মোদীনা লৈবাক অসিগী স্কেল, হেনগৎলক্লিবা ইনর্জীগী মথৌ তাবশিং, ক্লাইমেৎকী অচেৎপা ফিরেপশিং, অমসুং রিন্যুএবল ইনর্জী, গ্রিদ ইনফ্রাস্ত্রকচর, গ্রীন হাইদ্রোজেন অমসুং ক্লিন ইনর্জীগী লমদা খোঙজেল য়াংনা পাকথোক চাউথোকহনবদা মরুওইবা পীরদুনা ভারতকী গ্রীন ত্রাঞ্জিসন এজেন্দাগী মতাংদা পনখি। ক্লিন ইনর্জী ইনভেস্তমেন্ত, মেরিতাইম দিকার্বোনেসন, ওসিন সস্তেনেবিলিতী অমসুং ক্লাইমেৎ ফাইনান্সতা নোর্ৱেজনা মালেমগী থাক্তা লুচিংদুনা লৈবগীদমক মহাক্না থাগৎপা ফোংদোকখি। প্রধান মন্ত্রীনা লৈবাক অনিমক্কী বিজিনেস কম্ম্যুনিতীশিংদা অনৌবা পার্তনরশিপ শেম্নবা, মতেং পাংনবগী অনৌবা লমশিং মশক খঙদোক্নবা অমসুং ইকোনোমিক কোওপরেসন মপাঙ্গল কনখৎহন্নবা তকশিনখি।

সমিৎ অসিগী মনুংদা ভারত অমসুং নোরৱেগী কম্পেনীশিং অমসুং এন্তিতীশিংগী মরক্তা বিজিনেস এগ্রীমেন্ত কয়া অমা খুৎয়েক পীনখি।

 ***