প্রধানমন্ত্রীগী লোইশঙ
প্রধান মন্ত্রী অমসুং স্বিদেনগী প্রধান মন্ত্রীগা রবিন্দ্রনাথ তেগোরগী মান্নবা কলচরেল লিগেসীবু নিংশিংলদুনা অখন্নবা খুদোলশিং লান্নখ্রে
থাগৎখিবা:
17 MAY 2026 11:18PM by PIB Imphal
স্বিদেনগী প্রধান মন্ত্রী হিস এক্সিলেন্সী উল্ফ ক্রিস্তর্সন অমসুং প্রধান মন্ত্রী শ্রী নরেন্দ্র মোদীনা নোবল লোরেত গুরুদেব রবিন্দ্রনাথ তেগোরগী লিগেসীবু নিংশিংলদুনা অখন্নবা নিংশিং খুদোলশিং লান্নখ্রে।
প্রধান মন্ত্রী ক্রিস্তর্সনগী খুদোলদা গুরুদেব রবিন্দ্রনাথ তেগোরগী খুৎনা ইবা ইপিগ্রামগী রেপ্লিকা অনি য়াওবা বোক্স অমগা লোইননা শন্দোক্না তাকপা ৱাহৈ পরেংশিং অমসুং ১৯৩২ দা উপ্পসালা য়ুনিভর্সিতীদা নমখিবা গুরুদেব তেগোরগী ফোতোগ্রাফ অমসু য়াওই। স্বেদিশ নেসনেল আর্কাইবস্তা ফংখিবা অশেংবশিং অসি গুরুদেব তেগোরনা ১৯২১ অমসুং ২৬ তা স্বিদেন্দা চৎখিবা খোঙচৎশিংদা শেমখিবনি।
প্রধান মন্ত্রী মোদীনা প্রধান মন্ত্রী ক্রিস্তর্সন্দা রবিন্দ্রনাথ তেগোরগী কল্লেক্তেদ ৱার্ক সেত অমগা লোইননা অখন্নবা মওংদা গুরুদেবনা লমদম অসিগী আর্তিসানশিংবু য়োখৎনবগী পান্দমদা শেমখিবা শান্তিনিকেতন্দগী খুৎনা শাবা খাউ অমগা লোইননা য়াওই। খাউ অসিনা আর্ত হায়বসি গেলরীদা লৈনবা খক্তা নতী, মসি নোংমগী পুন্সিদা চঙবা পোলৎলমশিংদা মগুন য়াওগদনি অমসুং ইন্তেলেকচুএল অমসুং ফংসনেলগী মরক্তা লৈবা অহাংবা অসিবু মেনশিনগদবনি হায়বা তেগোরগী ফিলোসোফী অদু উৎলি।
অদুমওইনমক গুরুদেব তেগোরনা ১৯১৩ দা স্বিদেন্দা নোবেল প্রাইজ লৌবা চৎপা ফংখিদ্রবদু নিংথৌ গুস্তাব V না মহাকপু স্বিদেন্দা ১৯২১ দা চৎপা মতমদা ওকখি। হায়রিবা খুদোলশিং অসিনা ভারত অমসুং স্বিদেনগী মরক্তা লৈনরিবা ইন্তেলেকচুএল হেরিতেজ অদু উৎলি অমসুং রবিন্দ্রনাথ তেগোরগী মুৎনাইদ্রবা পুৱারীবু ইকাইখুম্নরি। লান্নখিবা খুদোলশিং অসি গুরুদেবকী পুৱারী ওইহৌরবা ১৯২৬ কী স্বিদেন খোঙচৎ অদুনা চহি চাম্ম মপুং ফারকপগা চান্ননা তামিন্নরি।
***
(রিলিজ আই.দি.: 2262238)
ভিজিতর কাউন্তর : 6