য়ুথ এফিয়র্স অমসুং স্পোর্তসকী কেন্দ্রগী মন্ত্রী দা. মনশুখ মন্দাবিয়ানা স্কোৎলেন্দগী গ্লাসগোদা পাংথোক্কদৌরিবা ২০২৬কী কমনৱেল্থ গেম্সকীদমক ভারতকী শেম-শাবা য়েংশিন্নবা অৱাংবা থাক্কী মীফম অমা লুচিংখি।

মীফম অদুদা স্তেকহোল্দর পুম্নমক্কী মরক্তা তংদু লৈতাবা কোওর্দিনেসন অমা লৈহন্নবা অমসুং সি.দবল্যু.জি. ২০২৬কীদমক শেম-শারিবা ভারতকী শান্নরোয়শিংগী তেংবাং পীনবা পথাপ মপাঙ্গল কনখৎহন্নবা মীৎয়েং থমখি।

মীফম অদুদা য়ুথ এফিয়র্স অমসুং স্পোর্তস মন্ত্রালয়গী মকোক থোংবা ওফিসিএলশিং, ইন্দিয়ন ওলিম্পিক এসোসিয়েসন (আই.ও.এ.) গী মীহুৎশিং য়াওনা সি.দবল্যু.জি. ২০২৬গী শেফ দি মিসনসু শরুক য়াখি। মখোয়না গেম্সকী ওপরেস্নেল প্লান্নিং, এথলেৎশিংগী শেম-শাবা অমসুং কোওর্দিনেসন মেকানিজমগী মতাংদা অপদেৎশিং অদু স্পোর্তস ওথোরিতী ওফ ইন্দিয়া (এস.এ.আই.) গী ওফিসিএলশিংগা লোয়ননা শরুক য়াখি।

স্পোর্তস মিনিস্তরনা ভারতকী সি.দবল্যু.জি. ২০২৬ কেম্পেনগীদমক্তা এথলেৎশিংগী শেম-শাবা, ত্রেনিং, লোজিস্তিক্স, ৱেলফেয়র অমসুং কোওর্দিনেসনগী মতাংদা য়েংশিনখি।

ভারতকী শান্নরোয়শিংদা সি.দবল্যু.জি.দা খ্বাইদগী ৱাংবা থাক্তা পাংথোকপদা মতেং পাংনবা সরকারনা য়ারিবমখৈ মতেং পাংনবা লেপ্লি হায়না দাঃ মান্দাবিয়ানা অকনবা ৱাফম থমখি।

লৈবাক অসিগীদমক মায় পাকপা কেম্পেন অমা পাংথোক্নবা এজেন্সীশিংগী মরক্তা মতম চানা থৌরাং তৌবা, পুন্না থবক তৌমিন্নবা অমসুং শান্নরোইদা মিৎয়েং থম্লগা শেম-শাবা হায়বসি য়াম্না মরু ওই হায়না মহাক্না ফোংদোকখি।

মীফম অদুদা ২০২৬কী সি.দবল্যু.জি.গী লোইশিনবগী থৌরমগা মরী লৈনবা শেম-শাবা অদুগী মতাংদা খন্নখি। মসিগী মনুংদা ভারতনা গুজরাতকী অহমেদবাদতা পাংথোক্কদৌরিবা ২০৩০গী কমনৱেল্থ গেম্সকী হোস্ত ওইনা ওফিসিএল ওইনা ইন্দিয়াদা ইকাই খুম্নবা পীগনি।

মসিগী য়েংলগা, গুজরাতকী উপ মুখ্য মন্ত্রী হর্শ সঙ্ঘাভি অমসুং গুজরাত সরকারগী অতোপ্পা মকোক থোংবা মীহুৎশিংসু রিভিয়ু মীফম অদুদা খন্ন-নৈনখি অমসুং শরুক য়াখি।

মীফম অদুদা গ্লাসগো ২০২৬কী ওপরেস্নেল অমসুং লোজিস্তিক্কী শেম-শাবগা মরী লৈননা তোঙান তোঙানবা মন্ত্রালয়শিং অমসুং দিপার্তমেন্তশিংগী মীহুৎশিংগা লোয়ননা সেক্রেতরী (স্পোর্তস) না পায়খৎলিবা ইন্তর-মিনিস্ত্রীএল কোওর্দিনেসনগী থবকশিং অদুগী খোংজেল অদুসু য়েংশিনখি।

ইন্তর-মিনিস্ত্রীএল কোওর্দিনেসন, ফেসিলিতেসন মেকানিজমশিং অমসুং ইন্দিয়ন কন্তিঞ্জেন্তগা মরী লৈনবা এরেঞ্জমেন্ত খুদিংমক নীংথিনা পাংথোক্নবা হোৎনবদা খন্ন-নৈনখি।

এস.এ.আই. অমসুং মন্ত্রালয়গী ওফিসিএলশিংনা গেম্সকীদমক শেম্লিবা রোদমেপ, কম্পিতিসন এক্সপোজর, ত্রেনিং সেদ্যুলশিং, সপোর্ত পর্সোনেল দিপ্লোয়মেন্ত অমসুং কন্তিজেন্সী প্লানিং য়াওনা মীফম অদুদা পাউদমখি।

মীফম অদুদা ২০২৬গী গ্লাসগোদা পাংথোক্কদৌরিবা কমনৱেল্থ গেম্সতা ভারতকী কেম্পেনগীদমক মপুং ফানা শেম-শারিবা অসি য়েংশিন্নবা মিনিস্ত্রী, আই.ও.এ., এস.আই.আই., গুজরাত সরকার অমসুং মরী লৈনবা স্তেকহোল্দরশিংগী অপুনবা থৌদাং অদু অমুক হন্না ফোংদোকখি।

*****