কেন্দ্রগী অৱাং নোংপোক লমদম চাউখৎ থৌরাং মন্ত্রী (MDoNER) শ্রী জ্যোতিরঅদিত্য এম. সিন্দিয়ানা মিজোরামগী মুখ্য মন্ত্রী শ্রী লালদুহোমাগা লোয়ননা ঙসি মিজোরাম জিঞ্জর মিসন হৌদোকখ্রে। মসি মিজোরাম রাজ্যগী শিং থাবা অমসুং ভেল্যু চেন শেমগৎনবগী লুপা কোতি ১৮৯.৭৯ গী কন্ভর্জেন্স-লিদ ইনিসিএটিব অমনি। এমদোনরনা লুচিংদুনা মিসন অসিনা জিঞ্জর প্রোসেসিংগীদমক্তা নাবার্দ, আই.সি.এ.আর., এ.পি.ই.দি.এ. অমসুং প্রাইবেৎ ইনভেস্তরশিংগা লোয়ননা এগ্রিকলচর অমসুং ফার্মর ৱেলফিয়র, রুরেল দিবেলপমেন্ত, ফুদ প্রোসেসিং ইন্দস্ত্রীজ মন্ত্রালয়শিংগী স্কিমশিংগা পুনশিন্নবা শেমগৎলি।

এম.দোনরগী সেক্রেতরী, শ্রী সঞ্জয় জাজুনা মহাক্কী হৌদোক ৱারোলদা মিসন অসিগী ইমপ্লিমেন্তেসন ফ্রেমৱার্ককী মতাংদা শন্দোক্না হায়খি। মহাক্না মিসন অসিগী মরমদা, মরু ওইনা মমলগী খেন্নবা অদু কোকহন্নবা, জি.আই.-সর্তিফিকেৎ তৌরবা মখলশিংবু খ্বাইদগী ফবা মওংদা শিজিন্নবা অমসুং মহৈ-মরোং তানবগী মতুংদা থোকপা মাং-তাকপগী মতাংদা পনখি। মহাক্না মখা তানা মল্তি-মিনিস্ত্রিএল কনভর্জেন্স মোদেলগী মরুওইবা অদু ফোংদোকখি। মওং চুম্না ইমপ্লিমেন্ত তৌনবগীদমক ময়েক শেংনা মশক তাক্লবা অমসুং মতমগা য়ানরবা মরুওইবা মাইলস্তোনশিং লৈ।

চম্পাই দিস্ত্রিক্তকী শিং থারিবশিংনা মিজোরম জিঞ্জর মিসন হৌদোকপগীদমক অৱাং নোংপোক লমদমগী দিবেলপমেন্ত মন্ত্রালয়বু থাগৎপা ফোংদোকখি। মিজোরম জিঞ্জর মিসন অসিনা মালেমগী খ্বাইদগী ফবা ফার্মা গ্রেদ জিঞ্জর মখল অমা মতম শাংনা মহৈ-মরোং থাবগী মহৈ ফংদনা থারিবা ফার্মর লিশিং কয়াগী হিংনবগী লম্বীদা অহোংবা পুরক্নবা ৱাশক্লি।

প্রাইবেত সেক্তর পার্তনর, মিসন অসি হৌদোকপদা হরাওবা ফোংদোকখি অমসুং মিজোরামগী ফার্মা-গ্রেদ জিঞ্জর অমসুং মদুগী তঙাই ফদবা কৈথেলগী মরক্তা মতম শাংনা লৈরক্লবা খেন্নবা অদু কোকহন্নবগীদমক এম.দোনরবু থাগৎপা ফোংদোকখি। ইন্দস্ত্রীনা মিজো জিঞ্জরবু মালেমগী ওইনা শকখঙনরবা প্রিমিয়ম ব্রেন্দ অমা ওইহন্নবা অমসুং অৱাং নোংপোক্কী ফার্মর-ইন্দস্ত্রী পার্তনরশিপকী মোদেল অমা ওইহন্নবা মপুং ফানা মতেং পাংগনি হায়না থাজবা পীখি।

মিজোরমগী মুখ্য মন্ত্রীনা রাজ্য অসিগী লৌউ-শিংউ অমসুং শেন্মিৎলোনগী খোঙচৎতা মশক তাকপা মতম অমা ওইরিবা মিজোরম জিঞ্জর মিসনগী ৱাখল্লোন শেমখিবা অমসুং য়ুম্ফম ওইবা অসিগীদমক দোনের মন্ত্রালয়বু থাগৎপা ফোংদোকখি। মিসন অসিনা ফার্মা-গ্রেদ জিঞ্জারদা মিজোরমগী তোপ তোপ্পা মপাঙ্গল অদু মশক খঙলে অমসুং মসি লৌমীশিংগী চাউখৎপা, ভেল্যু এদিসন অমসুং মালেমগী কৈথেল পুন্সিন্নবগী স্ত্রকচর তৌরবা লম্বী অমদা ওন্থোক্লে হায়না মহাক্না ফোংদোকখি। রাজ্য সরকারনা মতম চানা থবক পায়খৎনবা মপুং ফানা থৌরাং তৌরি।

কেন্দ্রগী অৱাং নোংপোক লমদমগী চাউখৎ-থৌরাংগী মন্ত্রীনা প্রধান মন্ত্রী শ্রী নরেন্দ্র মোদীনা লৌমীশিংবু লৌউ-শিংউগী ভেল্যু চেন - "ফার্মদগী ফোর্ক ফাওবা" অসিদা অশেংবা স্তেকহোল্দরশিং ওইহন্নবা হোৎনবদা অচেৎপা থৌদাং লৌরি হায়না ফোংদোকখি। মন্ত্রীনা হায়খি মদুদি পান্দম অসি মহৈ-মরোং থাবখক নত্তে, অদুবু লৌমীশিংবু প্রোসেসিং, ব্রান্দিং, পেকেজিং, এক্সপোর্ত-লিদ ভেল্যু এদিসন, অমসুং গ্লোবেল মার্কেত ইন্তিগ্রেসনদা মগুন লৈবা মওংদা শরুক য়াবা ঙমহনবনি। মহাক্না হায়খি মদুদি মিজো জিঞ্জরদা মালেমগী চাংচত্তা চাদা ৩গী চাংদম্নবদা চাদা ৬.৮গী ওলেওরেসিন য়াউরি। ঙসিদি লৌমীশিংনা কিলোগ্রাম অমদা লুপা ৮.১৫ খক্তমক ফংলি, অদুবু মালেমগী কৈথেলশিংদা ভেল্যু চেন অসি কিলোগ্রাম অমদা লুপা ৫০০ হেনখ্রে। "ইন্তরমিদিয়রীশিং থাদোক্নবা" অমসুং কোওপরেতিব অমসুং এফ.পি.ও. স্ত্রকচরশিং মপাঙ্গল কনখৎহন্নবা ৱারেপ লৌনবা মহাক্না হায়খি মদুদি লুপা কোতি ১৯০গী খোংথাং অসি "মিজো জিঞ্জর মুভমেন্ত"নি। মসি কনভর্জেন্স, ভেল্যু এদিসন, ব্রান্দিং অমসুং মার্কেত ইন্তিগ্রেসনগী স্ত্রেতেজিক পিল্লর মরিদা য়ুম্ফম ওইগনি। মসি এপিইদিএ, নাবার্দ, মিজোরম সরকার অমসুং ইন্দস্ত্রীগী স্তেকহোল্দরশিংগা লোয়ননা দোনের, এগ্রিকলচর অমসুং ফার্মরস ৱেলফিয়র, ফুদ প্রোসেসিং ইন্দস্ত্রীজ অমসুং রুরেল দিবেলপমেন্তকী মন্ত্রালয়শিংগী মরক্তা পুনশিন্নদুনা শেমগৎপনি।

মিসন অসিনা ইন্তিগ্রেতেদ প্রোসেসিং হব অমা অমসুং স্পোক সেন্তর অহুম, স্ত্রেতেজিক ইন্তরভেন্সন ৩০ হেনবা অমসুং লৌমী ইমুং ২০,০০০ রোমবু ত্রেসএবিলিতী, দিস্ত্রিক্তিবিতী, ক্বালিতী এশুরেন্স অমসুং লৌমীনা লুচিংবা ভেল্যু ক্রীএসনদা য়ুম্ফম ওইবা য়ুনিফাইদ ভেল্যু চেন ইকোসিস্তেম অমদা পুন্সিন্নবা ঙমগনি হায়না মন্ত্রীনা ফোংদোকখি। মহাক্না মিজো জিঞ্জরগীদমক মালেমগী মিৎয়েং অমা ময়েক শেংনা থমখি। মসিনা খা-নোংপোক এসিয়া, মিদল ইস্ত অমসুং য়ুরোপকী কৈথেলশিংদা চঙবা ঙমগনি। মহাক্না হায়খি মদুদি মাই পাকপা অসি মিজো জিঞ্জর অসি মালেমগী কৈথেলশিংদা ফংলবা, লৌমী অমমমদা ত্রেস তৌবা ঙম্বা অমসুং মখোয়দা হকথেংননা শেন্মিৎলোনগী কান্নবা পীবা নুমিত্তা ফংলগনি। স্তেত খুদিংমক্তা য়ু.এস.পি. অমগা লোয়ননা "ব্রান্দ নোর্থ ইস্ত"কী চাউরবা মিসন অসিগী মনুংদা সিক্কিমনা ওর্গানিক স্তেত, অরুনাচল প্রদেশকী কিবি, ত্রিপুরাগী কুইন পাইনাপল, নাগালেন্দগী কফী অমসুং মেঘালয়াদগী লাকদোং তুরমিরক অসি থমদুনা মন্ত্রীনা লৌমীশিংদা সরকারনা মখোয়গা "মখা নক্ননা" লেপমিন্নরি হায়না থাজবা পীখি। মহাক্না খোংথাং অসি লৌমীশিংগী ভেল্যু রিয়েলিজেসনদা শরুক তরুক হেনগৎহনবা, লৌউ-শিংউগী মতুংদা মাংখিবা হন্থহনবা, মিজো জিঞ্জারগী ইন্তর্নেস্নেল ব্রান্দিং তৌবা, সস্তেনেবল রুরেল লাইবলিহুদশিং, অমসুং লমদম অসিগীদমক্তা মপাঙ্গল লৈরবা এক্সপোর্ত অমসুং প্রোসেসিং ইকোসিস্তেম অমা ফংহন্নবা পান্দম থম্লিবা মতম শাংনা চৎথবা খোঙথাং অমনি হায়না ফোঙদোকখি।

 ***