প্রধানমন্ত্রীগী লোইশঙ
প্রধান মন্ত্রী মে ১০-১১ দা গুজরাত্ত চৎকনি
প্রধান মন্ত্রীনা অমুক হন্না শেমজিল্লবা সোমনাথ লাইশঙ শঙ্গাখিবা চহি ৭৫ শুবা থৌরম সোমনাথ অমরুত মহোৎসব শরুক য়াগনি
প্রধান মন্ত্রীনা সোমনাথ লাইশঙদা বিসেস মহা পুজা, কুম্ভবিসেক অমসুং ধ্বজারোহন শরুক য়াগনি
প্রধান মন্ত্রীনা বদোদারাদা সর্দারধাম হোষ্টেল শঙ্গাগনি
থাগৎখিবা:
09 MAY 2026 11:19AM by PIB Imphal
প্রধান মন্ত্রী শ্রী নরেন্দ্র মোদী প্রধান মন্ত্রী মে ১০-১১,২০২৬ দা গুজরাত্ত চৎকনি। মহাক মে ১০ গী নুমিদাং অথেংবদা গুজরাতকী জামনাগরদা থুংগনি। মে ১১ গী অয়ুক পুং ১০:১৫ রোম তাবদা প্রধান মন্ত্রীনা সোমনাথ লাইশঙদা সোমনাথ অমরুত মহোৎসব শরুক য়াগনি। তুংদা, প্রধান মন্ত্রী বদোদারা চৎকনি, মফম অদুদা নুংথিলগী পুং ৬ রোম তাবদা মহাক্না সর্দারধাম হোষ্টেল শঙ্গাগনি। মহাক্না থৌরম অনিমক্ত মীয়ামদা ৱা ঙাংগনি।
সোমনাথতা প্রধান মন্ত্রী
জয়তিরলিঙ্গা ১২ গী মনুংদা অমা ওইরিবা অমসুং ভারতকী মুৎপা নাইদ্রবা থাজবা অমসুং সভেত্যাগী হেরিতেচগী খুদম অমা ওইরিবা, শেংলবা সোমনাথ লাইশঙদা প্রধান মন্ত্রীনা সোমনাথ অমরুত মহোৎসব শরুক য়াগনি। অমুক হন্না শেমজিল্লবা সোমনাথ লাইশঙ শঙ্গাখিবা চহি ৭৫ মপুংফারকপগী থৌরম ওইনা সোমনাথ অমরুত মহোৎসব পাংথোকপনি।
থৌরমশিংগী শরুক অমা ওইনা, প্রধান মন্ত্রীনা শেংলবা লাইনিংগী অমসুং নাৎকী থৌরম পরেং অমা শরুক য়াগনি। মহাক্না বিসেস মহা পুজা শরুক য়াগনি, তুংদা লাইশঙগী ফিরাল চিংখৎপা ওইনা কুম্ভবিসেক অমসুং ধ্বজারোহন থৌরমশিং শরুক য়াগনি।
সোমনাথকী ইনাকখুল্লবা পুৱারি অমসুং আধ্যতিক্কী মরুওইবা ইকায়খুম্নবা উৎপা ওইনা, থৌরম অদুদা প্রধান মন্ত্রীনা নিংশিং ষ্টাম্প অমা অমসুং শেনয়েকসু মাইখুম হাংদোক্কনি।
বদোদারাদা প্রধান মন্ত্রী
প্রধান মন্ত্রীনা বদোদারাদা সর্দারধাম হোষ্টেল শঙ্গাগনি। প্রোজেক অসিদা নুপামচা ১,০০০ অমসুং নুপীমচা ১০০০ গী হোষ্টেল, সেন্ত্রেল দাইনিং হোল, লাইব্রেরি অমসুং ওদিওতোরিয়মগী খুদোংচাবশিং য়াওরি। মী লাকপগী ওকফম, সিবিল এমেনিতিশিং, চাক চাফম অমসুং ই-লাইব্রেরি য়াওনা সর্দারধাম লৈবা তোঙান তোঙানবা মফমশিংদসু প্রধান মন্ত্রীনা য়েংগনি।
***
(রিলিজ আই.দি.: 2259466)
ভিজিতর কাউন্তর : 3
রিলিজ অসি মসিদা পাবীয়ু:
Assamese
,
English
,
Urdu
,
Marathi
,
हिन्दी
,
Bengali
,
Gujarati
,
Tamil
,
Telugu
,
Kannada
,
Malayalam