સંરક્ષણ સંશોધન અને વિકાસ સંગઠન (DRDO) અને ભારતીય વાયુસેના (IAF) એ 7 મે, 2026 ના રોજ ઓડિશાના દરિયાકાંઠે 'ટેક્ટિકલ એડવાન્સ્ડ રેન્જ ઓગમેન્ટેશન' (TARA) હથિયારનું પ્રથમ ઉડાન પરીક્ષણ સફળતાપૂર્વક કર્યું. TARA, એક મોડ્યુલર રેન્જ એક્સટેન્શન કીટ, ભારતની પ્રથમ સ્વદેશી ગ્લાઇડ હથિયાર સિસ્ટમ છે જે અનગાઇડેડ વોરહેડ્સને ચોકસાઇ-માર્ગદર્શિત શસ્ત્રોમાં રૂપાંતરિત કરે છે.

TARA ને રિસર્ચ સેન્ટર ઇમરત (RCI), હૈદરાબાદ અને અન્ય DRDO પ્રયોગશાળાઓ દ્વારા સંયુક્ત રીતે ડિઝાઇન અને વિકસાવવામાં આવ્યું હતું. તેનો હેતુ જમીન પર લક્ષ્યોને નિષ્કિય કરવા માટે ઓછા ખર્ચે હથિયારની ઘાતકતા અને ચોકસાઈ વધારવાનો છે. તે એક અત્યાધુનિક, ઓછી કિંમતની સિસ્ટમનો ઉપયોગ કરતું પ્રથમ ગ્લાઇડ હથિયાર છે. આ કિટ ડેવલપમેન્ટ કમ પ્રોડક્શન પાર્ટનર્સ (DcPP) અને અન્ય ભારતીય ઉદ્યોગો સાથે સહયોગથી વિકસાવવામાં આવી હતી, જેમણે ઉત્પાદન શરૂ કરી દીધું છે.

રક્ષા મંત્રી શ્રી રાજનાથ સિંહે DRDO, IAF, DcPP અને ઉદ્યોગોને પ્રથમ ઉડાન પરીક્ષણ માટે અભિનંદન આપ્યા અને તેને ભારતની સ્વદેશી સંરક્ષણ ક્ષમતાઓને આગળ વધારવા તરફ એક મહત્વપૂર્ણ વિકાસ ગણાવ્યો હતો.

સંરક્ષણ સંશોધન અને વિકાસ વિભાગના સચિવ અને DRDOના અધ્યક્ષ ડૉ. સમીર વી. કામતે પણ આ સફળ ઉડાન પરીક્ષણમાં સામેલ ટીમોને અભિનંદન આપ્યા હતા.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com