నాడు పోస్టు చేయడమైనది:
08 MAY 2026 10:07AM by PIB Hyderabad
టాక్టికల్ అడ్వాన్స్ఢ్ రేంజ్ ఆగ్మెంటేషన్ (టీఏఆర్ఏ) ఆయుధ తొలి వైమానిక ప్రయోగాన్ని రక్షణ పరిశోధన, అభివృద్ధి సంస్థ (డీఆర్డీవో), భారత వైమానిక దళం (ఐఏఎఫ్) విజయవంతంగా నిర్వహించాయి. 2026 మే 7న ఒడిశా తీరంలో ఈ ప్రయోగం జరిగింది. మాడ్యులర్ రేంజ్ ఎక్స్‌టెన్షన్ కిట్ అయిన టీఏఆర్ఏ.. అన్ గైడెడ్ క్షిపణులను గైడెడ్ క్షిపణులుగా మార్చగల భారత దేశపు మొట్టమొదటి స్వదేశీ గ్లైడ్ ఆయుధ వ్యవస్థ.
భూతల లక్ష్యాలను నిర్వీర్యం చేసేలా తక్కువ ఖర్చుతో ఈ ఆయుధ కచ్చితత్వాన్ని, విధ్వంసక శక్తిని పెంచేందుకు ఇతర డీఆర్డీవో ల్యాబరేటరీలతో కలసి హైదరాబాద్‌లోని రీసెర్చి సెంటర్ ఇమారత్ (ఆర్‌సీఐ) టీఏఆర్ఏను రూపొందించి అభివృద్ధి చేసింది. అత్యాధునికమైన, తక్కువ ఖర్చుతో రూపొందించిన మొదటి గ్లైడ్ ఆయుధమిది. అభివృద్ధి, ఉత్పత్తి భాగస్వాములు (డీసీపీపీ), ఇతర భారతీయ పరిశ్రమలతో కలసి ఈ కిట్‌ను అభివృద్ధి చేశారు. ఇవి ఇప్పటికే ఉత్పత్తిని ప్రారంభించాయి.
తొలి వైమానిక ప్రయోగం నేపథ్యంలో డీఆర్డీవో, ఐఏఎఫ్, డీసీపీపీను, పరిశ్రమను రక్షణ మంత్రి శ్రీ రాజ్‌నాథ్ సింగ్ అభినందించారు. స్వదేశీ రక్షణ సామర్థ్యాలను బలోపేతం చేయడంలో దీనిని ముఖ్యమైన పరిణామంగా వర్ణించారు.
వైమానిక ప్రయోగాన్ని విజయవంతంగా నిర్వహించిన బృందాలను రక్షణ శాఖ పరిశోధనాభివృద్ధి విభాగం కార్యదర్శి, డీఆర్డీవో ఛైర్మన్ డాక్టర్ సమీర్ వీ కామత్ అభినందించారు.
***