প্রধানমন্ত্রীগী লোইশঙ
ওপরেসন সিন্দুর চহি অমা মপুংফারকপদা প্রধান মন্ত্রীনা আর্মদ ফোর্সশিংদা ইকায়খুম্নবা উৎখ্রে
আর্মদ ফোর্সশিং ইকায়খুম্নবা উৎপা ওইনা সোসিএল মেদিয়া দিসপ্লে পিকচরশিং হোংনবা মীয়ামদা প্রধান মন্ত্রীনা তকশিনখ্রে
থাগৎখিবা:
07 MAY 2026 10:23AM by PIB Imphal
ওপরেসন সিন্দুর চহি অমা মপুংফারকপদা প্রধান মন্ত্রী শ্রী নরেন্দ্র মোদীনা আর্মদ ফোর্সশিংগী থৌনা, খুৎ চুম্বা অমসুং অচেৎপা ৱাশক ইকায়খুম্নবা উৎখ্রে।
প্রধান মন্ত্রীনা হায়খি মদুদি পাহালগামদা চমচরবা ভারতমচাশিংদা খুৎ থাখিবা মীওইশিংদা আর্মদ ফোর্সশিংনা মতিক চাবা পাউখুম অমা পীখ্রে।
মহাক্না হায়খি মদুদি তেরোরিজমগী মায়োক্ত অকনবা থবক পায়খৎনবা ভারতকী পাউখুম অমসুং লৈবাক অসি অশোই-অঙাম থোক্তনবা লৈবাক অসিগী অচেৎপা ফিরেপগী মমি ওপরেসন সিন্দুরদা তারে।
প্রধান মন্ত্রীনা হায়খি মদুদি শীনফম অসিগী হৈথোই-শিংথোইবা, শেম-শাবা অমসুং আর্মদ ফোর্সশিং পুন্না থবক তৌমিন্নবগী মপাঙ্গল ওপরেসন অসিদা উবা ফংলে। ফোর্সশিংগী মরক্ত পুন্না থবক তৌমিন্নবা হেনগৎলকপা মসিনা উৎলে অমসুং লৈবাক অসিগী সেকুরিতিগীদমক দিফেন্স সেক্তর মশা-মরোমদোম লেপচবা ঙম্নবা ভারতনা কন্না হোৎনরিবা অদু খঙলে।
প্রধান মন্ত্রীনা অমুক হন্না হায়খি মদুদি তেরোরিজম মাইথিবা পীনবা অমসুং মসিগা শাগোন্নরিবা থবকশিং মাঙহন্নবা ভারতকী অচেৎপা ফিরেপ লৈরি।
প্রধান মন্ত্রীনা হায়খি মদুদি ওপরেসন সিন্দুর মনুংদা, আর্মদ ফোর্সশিংনা মখোয়গী থৌনা উৎখি অমসুং ভারতকী মীয়ামদা খুৎ থারকখিবা মীওইশিংদা অকনবা পাউখুম অমা পীখি। ভারতমচা খুদিংমক্না আর্মদ ফোর্সশিংগীদমক চাউথোকচরি।
আর্মদ ফোর্সশিং অমসুং ওপরেসন সিন্দুরদা মখোয়গী মাইপাকপা ইকায়খুম্নবা উৎপা ওইনা, এক্স, ফেসবুক, ইন্সতাগ্রাম অমসুং ৱাতসএপ্প য়াওনা সোসিএল মেদিয়া প্লেতফোর্মশিংদা মহাক্না সিয়ার তৌরিবা ফোতো অসি মখোয়গী দিসপ্লে ফোতোশিং ওইনা হাপ্নবা মীয়ামদা প্রধান মন্ত্রীনা তকশিনখ্রে।
প্রধান মন্ত্রীনা এক্সতা হায়খি;
“চহি অমগী মমাংদা, #OperationSindoor মনুংদা ঐখোয়গী আর্মদ ফোর্সশিংনা লাম্বা লৈতবা থৌনা, খুৎ চুম্বা অমসুং অচেৎপা ৱাশক উৎখ্রে। মখোয়না পাহালগামদা চমচরবা ভারতমচাশিংদা খুৎ থাখিবা মীওইশিংদা মতিক চাবা পাউখুম অমা পীখ্রে। মখোয়গী থৌনাগীদমক ঐখোয়গী ফোর্সশিংদা লৈবাক হুপ্না ইকায়খুম্নবা উৎলি।
তেরোরিজমগী মায়োক্ত অকনবা থবক পায়খৎনবা ভারতকী পাউখুম অমসুং লৈবাক অসি অশোই-অঙাম থোক্তনবা লৈবাক অসিগী অচেৎপা ফিরেপগী মমি ওপরেসন সিন্দুরদা তারে। মসিদা শীনফম অসিগী হৈথোই-শিংথোইবা, শেম-শাবা অমসুং আর্মদ ফোর্সশিং পুন্না থবক তৌমিন্নবগী মপাঙ্গল উবা ফংলে। মসিগা লোয়ননা, ফোর্সশিংগী মরক্ত পুন্না থবক তৌমিন্নবা হেনগৎলকপা মসিনা উৎলে অমসুং লৈবাক অসিগী সেকুরিতিগীদমক দিফেন্স সেক্তর মশা-মরোমদোম লেপচবা ঙম্নবা ভারতনা কন্না হোৎনরিবা অদু খঙলে।
ঙসি, চহি অমগী মতুংদা, তেরোরিজম মাইথিবা পীনবা অমসুং মসিগা শাগোন্নরিবা থবকশিং মাঙহন্নবা ঐখোয়গী অচেৎপা ফিরেপ লৈরি”।
“চহি অমগী মমাংদা, #OperationSindoor মনুংদা, ঐখোয়গী আর্মদ ফোর্সশিংনা মখোয়গী থৌনা উৎখ্রে অমসুং ঐখোয়গী মীয়ামদা খুৎ থারকখিবা মীওইশিংদা অকনবা পাউখুম অমা পীখ্রে। ভারতমচা খুদিংমক্না আর্মদ ফোর্সশিংগীদমক চাউথোকচরি। আর্মদ ফোর্সশিং অমসুং #OperationSindoor মনুংদা মখোয়গী মাইপাকপা ইকায়খুম্নবা উৎপা ওইনা, এক্স, ফেসবুক, ইন্সতাগ্রাম অমসুং ৱাতসএপ্প য়াওনা সোসিএল মেদিয়া প্লেতফোর্মশিংদা মখাদা সিয়ার তৌরিবা ফোতো অসি ঐখোয়গী দিসপ্লে ফোতো ওইনা হাপ্লসি”।
***
(রিলিজ আই.দি.: 2258650)
ভিজিতর কাউন্তর : 12
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Telugu
,
Kannada
,
Malayalam