بہت چھوٹی، چھوٹی اور اوسط درجے کی صنعتوں کی وزارت کی اہم اسکیم، وزیرِ اعظم روزگار تخلیق پروگرام (پی ایم ای جی پی)، جسے کھادی اور دیہی صنعت کمیشن (کے وی آئی سی) کے ذریعے نافذ کیا جا رہا ہے، ملک بھر میں کاروباری سرگرمیوں اور روزگار کے مواقع کو فروغ دینے میں مسلسل اہم کردار ادا کر رہی ہے۔

پی ایم ای جی پی غیر زرعی شعبے میں نئے مائیکرو کاروبار قائم کرنے کے لئے ممکنہ کاروباری افراد کو بینک قرضوں پر مارجن منی سبسڈی فراہم کرتا ہے۔ اس اسکیم کا بنیادی مقصد پہلی نسل کے کاروباری افراد کے لیے خود روزگار کے مواقع پیدا کرنا اور خاص طور پر دیہی علاقوں میں مینوفیکچرنگ اور خدمات کے شعبوں میں پائیدار روزگار کو فروغ دینا ہے۔

پندرہویں مالیاتی کمیشن کے دوران (مالی سال 2022-2021 سے 2026-2025) کے دوران پی ایم ای جی پی نے شاندار کارکردگی کا مظاہرہ کرتے ہوئے بھارت کے مائیکرو کاروباری نظام کو مضبوط بنانے میں اپنی اہم شراکت کو دوبارہ ثابت کیا۔

اس دوران13,554.42 کروڑ روپے کے منظور شدہ بجٹ کے مقابلے میں اسکیم کے فنڈز کا مکمل استعمال کیا گیا اور 4,03,706 مائیکرو صنعتوں کے قیام میں مدد فراہم کی گئی، جو 4,02,000 صنعتوں کے مقررہ ہدف سے زیادہ ہے۔ یہ کامیابی مؤثر نفاذ اور کاروبار پر مبنی اقدامات کی مسلسل بڑھتی ہوئی مانگ کی عکاسی کرتی ہے۔

اس پروگرام سے تقریباً 36.33 لاکھ افراد کے لئے پائیدار روزگار کے مواقع بھی پیدا ہوئے، جس سے ملک بھر میں روزگار کی فراہمی اور نچلی سطح پر معاشی ترقی کو نمایاں تقویت ملی۔

جامع ترقی اور دیہی رسائی

پی ایم ای جی پی نے خواتین اور سماجی طور پر پسماندہ طبقات کو ٹارگٹڈ سپورٹ فراہم کرتے ہوئے جامع ترقی کو مسلسل فروغ دیا ہے۔

• اس اسکیم کے تحت معاونت حاصل کرنے والی مجموعی مائیکرو صنعتوں میں خواتین مستفیدین کا حصہ تقریباً 40 فیصد ہے۔
• تقسیم کی گئی مجموعی مارجن منی سبسڈی کا تقریباً 45 فیصد خواتین کاروباری افراد کو فراہم کیا گیا، جس سے خواتین کی قیادت میں کاروبار کو فروغ ملا۔
• تقریباً 54 فیصد مستفیدین ایس سی، ایس ٹی اور او بی سی زمروں سے تعلق رکھتے ہیں، جو سماجی شمولیت پر اسکیم کی مضبوط توجہ کو ظاہر کرتا ہے۔
• پی ایم ای جی پی کے تحت قائم ہونے والے تقریباً 80 فیصد کاروباری یونٹس دیہی علاقوں میں واقع ہیں، جس سے دیہی صنعت کاری اور متوازن علاقائی ترقی کو فروغ ملا ہے۔

خود انحصاری اور نچلی سطح پر کاروباری سرگرمیوں کو فروغ

پندرہویں مالیاتی کمیشن کے دور ان  حاصل کی گئی کامیابیاں اس بات کی توثیق کرتی ہیں کہ پی ایم ای جی پی بھارت میں مائیکرو صنعتوں کی ترقی اور روزگار پیدا کرنے کا ایک اہم محرک ہے۔ قرض سے منسلک سبسڈی تک رسائی فراہم کرنے اور نچلی سطح پر کاروباری سرگرمیوں کو فروغ دینے کے ذریعے یہ اسکیم جامع معاشی ترقی اور خود انحصار بھارت کے وژن میں نمایاں کردار ادا کر رہی ہے۔

وزارت آئندہ مرحلے میں پی ایم ای جی پی کو مزید مضبوط بنانے کے لیے پُرعزم ہے، جس میں اختراع، توسیعی صلاحیت اور زیادہ وسیع رسائی پر خصوصی توجہ دی جائے گی۔

***

ش ح۔ ک ا۔ ع د

U.NO.6744