​1. 2026-ലെ നിയമസഭാ പൊതുതിരഞ്ഞെടുപ്പുകളിലും ഉപതിരഞ്ഞെടുപ്പുകളിലും സുതാര്യത വർദ്ധിപ്പിക്കുന്നതിനും തത്സമയ നിരീക്ഷണത്തിനും വേഗത്തിലുള്ള റിപ്പോർട്ടിംഗിനും കേന്ദ്ര തിരഞ്ഞെടുപ്പ് കമ്മീഷന്റെ (ECI) കരുത്തുറ്റ ഐടി പ്ലാറ്റ്‌ഫോമായ ഇസിനെറ്റ് (ECINET) നിർണ്ണായക പങ്ക് വഹിച്ചു.

2. ​2026 ജനുവരിയിലെ ഔദ്യോഗിക ലോഞ്ചിന് ശേഷം, ഇസിനെറ്റ് ആപ്പ് ഉപയോഗിക്കുന്നവരുടെ എണ്ണത്തിൽ വൻ വർദ്ധനവാണ് രേഖപ്പെടുത്തിയത്. ഇതുവരെ 10 കോടിയിലധികം ഡൗൺലോഡുകൾ ഈ ആപ്പ് പിന്നിട്ടു. 2025 നവംബറിൽ നടന്ന ബീഹാർ തിരഞ്ഞെടുപ്പിലാണ് ഇസിനെറ്റിന്റെ ബീറ്റാ പതിപ്പ് ആദ്യമായി ഉപയോഗിച്ചത്.

3. ​വോട്ടെടുപ്പ് ദിവസങ്ങളായ ഏപ്രിൽ 9, 23, 29 തീയതികളിൽ ഇസിനെറ്റിൽ 98.3 കോടിയിലധികം സന്ദർശനങ്ങൾ (hits) രേഖപ്പെടുത്തി. വോട്ടെണ്ണൽ ദിവസമായ 2026 മെയ് 4-ന് മിനിറ്റിൽ ശരാശരി 3 കോടി സന്ദർശനങ്ങൾ എന്ന നിലയിലായിരുന്നു ഇതിന്റെ പ്രവർത്തനം.

4. ​ഇസിനെറ്റിലെ സൈബർ സുരക്ഷാ സംവിധാനങ്ങൾ വഴി, വോട്ടെണ്ണൽ ദിവസം ഫലപ്രഖ്യാപന പോർട്ടൽ ഉൾപ്പെടെയുള്ള പ്രധാന തിരഞ്ഞെടുപ്പ് പ്ലാറ്റ്‌ഫോമുകളെ ലക്ഷ്യമിട്ട് ഇന്ത്യയിൽ നിന്നും വിദേശത്തുനിന്നും ഉണ്ടായ 68 ലക്ഷത്തിലധികം സൈബർ ആക്രമണങ്ങളെ (malicious hits) ഫലപ്രദമായി പ്രതിരോധിച്ചു.

5. ​വോട്ടെണ്ണൽ കേന്ദ്രങ്ങളിലെ സുരക്ഷ വർദ്ധിപ്പിക്കുന്നതിന്റെ ഭാഗമായി, ഇസിനെറ്റ് മുഖേന എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും ആദ്യമായി ക്യുആർ കോഡ് (QR code) അധിഷ്ഠിത ഫോട്ടോ തിരിച്ചറിയൽ കാർഡ് സംവിധാനം നടപ്പിലാക്കി.

6. ​വോട്ടെണ്ണൽ കേന്ദ്രങ്ങളിൽ അനധികൃത പ്രവേശനം തടയുന്നതിനും അംഗീകൃത വ്യക്തികൾക്ക് മാത്രം പ്രവേശനം ഉറപ്പാക്കുന്നതിനുമായി 3.2 ലക്ഷത്തിലധികം ക്യുആർ കോഡുകളാണ് വോട്ടെണ്ണൽ ദിവസം ജനറേറ്റ് ചെയ്തത്.