ভারতকী অনা-লাইয়েংগী অওনবা পুরকপদা অতোপ্পা অচৌবা মাইপাকপা অমদা, ইন্নোবেসন এন্দ ইনক্লুসিবিতি: বেষ্ট প্রাকতিসেস সেপিং ইন্দিয়াস হেল্থ ফ্যুচরগী ১০শুবা নেসনেল সম্মিত্ত য়ুনিয়ন হেল্থ মিনিষ্টর শ্রী জগত প্রকাস নাদানা শ্বাস্থ ভারত পোর্তেল হৌদোকখিবনি। পোর্তেল হৌদোকখিবা অসি হেন্না পুনশিনবা, মতিক চাবা অমসুং মশক থোকপা দিজিতেল পব্লিক হেল্থ আর্কিতেকচর অমগী মাইকৈদা লাকপা শিংথানিঙাই ওইবা অহোংবা অমনি।

থবক পাংথোকপদা মতেং পাংনবা, য়েংশিন্নবা অমসুং পাউ পীরক্নবা হেল্থ অমসুং ফেমিলি ৱেলফিয়ার মিনিষ্ট্রিনা চহি কয়া চুপ্না তোঙান তোঙানবা দিজিতেল এপ্লিকেসনশিং পুথোক্লে। প্লেতফোর্মশিং অসিনা পাক-চাউনা দিজিতেল দেতা লৌশিনবা ঙম্লে।

খুদোংচাদবশিং কোকহন্নবা, এ.আই.পিগী খুৎথাংদা প্রোগ্রাম সিষ্টেমশিং অমতা ওইনা পুনশিন্নবা শ্বাস্থ ভারত পোর্তেলনা ৱান-ষ্টোপ এগ্রিগেতর প্লেতফোর্ম অমা ওইনা থবক তৌরে। মসিনা তোঙান তোঙানবা থৌরমশিং অপুনবা দিজিতেল লেয়ার অমদা পুনশিল্লে। ৱান-ষ্টোপ ইন্তগ্রেতেদ প্লেতফোর্ম অমা ওইনা থবক তৌদুনা, মসিনা তোঙান তোঙানবা লৈবাক্কী হকশেলগী থৌরমশিং ইন্তরফেস অমদা পুনশিল্লে, তোঙান তোঙান্না লোগইন তৌবা অমসুং হঞ্জিন হঞ্জিন দেতা হাপচিনবা দরকার ওইদ্রে অমসুং থাক খুদিংমক্ত থবক ফজনা পাংথোকপা হেনগৎহনবগা লোয়ননা হকশেলগী মীওইশিংগী লৈঙাক-সাসনগী পোৎলুম হন্থরে।

অসাশিং, এ.এন.এমশিং, সি.ঐচ.ওশিং অমসুং মেদিকেল ওফিসারশিং য়াওনা ভারতকী হকশেলগী লমদা থবক তৌরিবা মীওইশিংনা থৌরমগী পাউ পীনবা তোঙান তোঙানবা এপ্লিকেসনশিংদা চঙবদা মতম য়াম্না চঙলি। য়াম্না লাইনা চঙবা য়ানবা প্লেতফোর্ম অমা পীদুনা মসিগী খুদোংচাদবা অসি শ্বাস্থ ভারত পোর্তেলনা কোকহল্লে, লোয়ননা লোকেলগী থাক্ত মোনিতরিং তৌনবা অমসুং থৌরাং তৌনবা দেতা ভিজুলাইজেসন তুলশিং অমসুং দেতা শীজিন্নরে। অশোই-অঙাম য়াওদনা হকশেলগী দেতা পীথোক-পীশিন য়ানবা অমসুং দিজিতেল হেল্থগী থবকশিং শরুক য়ামিন্নবা য়ানবা এ.বি.দি.এম য়ারবা শ্বাস্থ ভারত পোর্তেল এ.বি.ঐচ.এদা পুনশিনবা য়ারে। মসিনা মখা তানা হেল্থকিয়ার প্রোফেসনেল রেজিষ্ট্রি (ঐচ পি আর) অমসুং হেল্থ ফেসিলিতি রেজিষ্ট্রি (ঐচ এফ আর)গুম্বা নেসনেল রেজিষ্ট্রিশিং পুনশিল্লে।

শ্বাস্থ ভারত পোর্তেলনা মখাগী পান্দমশিং অসি থম্লি:

•        ইনফ্রাষ্ট্রকচর অনি থোকপা হন্থহনবা: থৌরমশিংগী তোখায়বা হোষ্টিং, ষ্টোরেজ অমসুং কম্পুত রিছোর্সশিং লৈরি, মখোয় শ্বাস্থ ভারত পোর্তেলদা পুনশিনবা মতমদা মখোয় হন্থহনগনি।

•        হঞ্জিন হঞ্জিন দেতা হাপচিনবা হন্থহনবা: চপ মান্নবা বেনিফিসরি দেতা তোঙান তোঙানবা সিষ্টেমশিংদা হাপচিনবনা প্লেতফোর্ম অমা চঙগনি অমসুং অসিনা থবকশিং হঞ্জিন হঞ্জিন পাংথোকপা হন্থহনগনি।

•        অপুনবা ওইনা ঐচ.ঐচ শীজিন্নবা: থৌরম খুদিংমক্ত তোঙানবা দিবলপমেন্ত অমসুং মেন্তেনেন্স তিমশিং দরকার ওই, অপুনবা সিষ্টেম অমনা ঐচ.আরগী পোৎলুম হন্থহনগনি।

•        থবকশিং শরুক য়াবা হেনগৎহনবা। এ.আই.পিগী খুৎথাংদা প্রোগ্রাম সিষ্টেমশিং অমতা ওইনা পুনশিন্নবা শ্বাস্থ ভারত পোর্তেলনা ৱান-ষ্টোপ এগ্রিগেতর প্লেতফোর্ম অমা ওইনা থবক তৌরে, মসিনা হোস্পিতালশিংগী মরক্ত দেতা শরুক য়ামিন্নবা অমসুং ওফিসকী থবকশিংগী পোৎলুম হন্থহনগনি

শ্বাস্থ ভারত পোর্তেলনা সরকারগী হুমেন রিছোর্স, মতম অমসুং আই.তি ইনফ্রাষ্ট্রকচর কনবা ঙমগনি অমসুং তোঙান তোঙানবা থৌরমশিংগী হৌজিক লনাই পোর্তেলশিংগা চাংদম্নবদগী হেন্না ফরে। শ্বাস্থ ভারত পোর্তেলনা অপুনবা, মতিক চাবা অমসুং মশক খঙবা ঙম্বা দিজিতেল পব্লিক ইনফ্রাষ্ট্রকচর অমগী মাইকৈদা পুরকপা ঙমহল্লে।

•        ইনফ্রাষ্ট্রকচর: চাদা ২০-৩০ হন্থরে

•        দেতা হাপচিনবগী থবক: চাদা ২০-৪০ হন্থরে

•        ঐচ.আর দুপ্লিকেসন: চাদা ২০-৪০ হন্থরে

•        ৱারেপ লৌবগী খোঙজেল: হেনগৎলে

থবকশিং পুনশিন্নবা, ফজনা পাংথোক্নবা অমসুং ভারতকী মীয়ামগী হকশেলগী থবক্ত দেতানা লমজিংনবা মাইকৈদা থাংজিনবা অওনবা খোঙথাং অমা শ্বাস্থ ভারত পোর্তেলনা ওইরে।

***