ভারত সরকারগী হকশেল অমসুং য়াইফ-য়ুম্বাল মন্ত্রালয়গী মখাদা লৈবা নেস্নেল হেল্থ ওথোরিতী (এন.ঐচ.এ.) না এ. ভি. রামা রাও ওদিতোরিয়ম, ইন্দিয়ন ইন্সতিত্যুৎ ওফ সাইন্স (আই.আই.এস.সি.), বেঙ্গালুরুদা মে ৮-৯, ২০২৬তা এ.বি. পি.এম.-জে.এ.ৱাই. ওতো-এদজুদিকেসন হেক্কাথোনগী গ্রান্দ ফিনালে পাংথোক্কনি অমসুং শোকেস তৌগনি। থৌরম অসি ইন্দিয়া এ.আই. মিসন অমসুং আই.আই.এস.সি. বেঙ্গালুরুগা খুৎশম্নদুনা পাংথোক্লি।

লৈবাক শীনবা থুংনা পাংথোকপা হেক্কাথোন অসিনা ওফিসিএল পোর্তেলগী খুত্থাংদা রেজিস্তর তৌখিবা শরুক য়ারিবা ৩,৫০০ হেনবগী অপুনবা রেস্পোন্স ফংখি। মশিং য়াম্লবা শরুক য়াবা অসিনা ভারতকী হকশেলগী পথাপশিং মপাঙ্গল কনখৎহন্নবা অমসুং পব্লিক হেল্থ ইন্সুরেন্সকী থৌওংশিং মপাঙ্গল কনখৎহন্নবা আর্তিফিসিএল ইন্তেলিজেন্স শীজিন্নবদা ইন্নোভেতরশিং, তেক্নোলোজিস্তশিং অমসুং রিসর্চরশিংগী মরক্তা হেনগৎলক্লিবা অপাম্বা অদু উৎলি। রেজিস্ত্রেসন প্রোসেস অসি এপ্রিল ১৩, ২০২৬দা লোইশিনখি।

গ্রান্দ ফিনালেগী হৌদোকপগী মীফমদা শ্রী এস. কৃষ্ণন, সেক্রেতরী, ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়, ভারত সরকারনা মরু ওইবা ৱারোল পীগনি। মীফম অদুদা এন.ঐচ.এ.গী চীফ ইগজিক্যুতিব ওফিসর দা. সুনিল কুমার বারনৱাল অমসুং কর্নাতকা সরকারগী প্রিন্সিপল সেক্রেতরী শ্রী রিতৱিক রঞ্জনম পান্দেনসু ৱা ঙাংগনি।

নুমিৎ নিনিগী থৌরম অসি আয়ুশ্মান ভারত প্রধান মন্ত্রী জন আরোগ্য য়োজনা (এ.বি.পি.এম.-জে.এ.ৱাই.) গী মখাদা হেল্থ ক্লেম মেনেজমেন্তকী মথংগী তাঙ্কক শেম-শাবা ঙম্বা কত্তিং-এদজ ইন্নোভেসনশিং উৎনবা দাইনামিক প্লেৎফোর্ম অমা ওইনা পান্দম থম্লি। ফাইনেলিস্ত তীমশিংনা ক্লিনিকেল দোক্যুমেন্ত ক্লাসিফিকেসন অমসুং স্তেন্দর্দ ত্রীৎমেন্ত গাইদলাইনশিং (এস.তি.জি.শিং) ঙাকপা, রেদিওলোজিকেল ইমেজদা য়ুম্ফম ওইবা ভেলিদেসন, অমসুং ফোর্জ নত্ত্রগা এ.আই.-জেনরেতেদ মেদিকেল দোক্যুমেন্তশিং থিদোকপা অসিনচিংবা মরুওইবা প্রোব্লেম এরিয়াশিংদা এদভান্স এ.আই./এম.এল.দা য়ুম্ফম ওইবা সোলুসনশিং পুথোক্কনি। সোলুসনশিং অসিনা ক্লেম এদজুদিকেসনগী অচুম্বা, অথুবা অমসুং ইন্তিগ্রিতী হেনগৎহনবগী কেপাসিতীগা লোয়ননা রিএল-ৱার্ল্দ দিপ্লোইমেন্তকী অচৌবা তৌবা ঙম্বা অদু উৎলি।

প্রোগ্রাম অসিদা সরকার, ইন্দস্ত্রী, স্তার্ত-অপশিং অমসুং একাদেমিয়াদগী মাংজিল থারিবা ভোইস পুনশিন্নবা ৱাখল তাহনবা পেনেল দিস্কসনশিংসু য়াওগনি। "ভারতকী হেল্থকেয়রগীদমক এ.আই. শেমগৎপা" হায়বা সেসন অমদা আয়ুশ্মান ভারত দিজিতেল মিসন (এ.বি.দি.এম.) গী মখাদা লিংখৎপা মপাঙ্গল কনবা দিজিতেল পব্লিক ইনফ্রাস্ত্রকচর শিজিন্নদুনা হেল্থকেয়র ইকোসিস্তেমগী মনুংদা এ.আই. ইন্নোভেসনশিং স্কেল তৌনবগী থৌরাংশিং নৈনগনি।

"ফ্যুচর ওফ ক্লেমস এদজুদিকেসন"গী মতাংদা অতোপ্পা পেনেল দিস্কসন অমদা এ.বি. পি.এম.-জে.এ.ৱাই.না মতৌ করম্না আর্তিফিসিএল ইন্তেলিজেন্স, ওতোমেসন, ইন্তরওপরেবল দিজিতেল প্লেৎফোর্মশিং অমসুং দেতা-দ্রিভেন গবর্নান্স ফ্রেমৱার্কশিং পুনশিন্নদুনা হেন্না থুনা, হেন্না ত্রান্সপরেন্ত অমসুং একাউন্তেবল ওইবা ক্লেমস ইকোসিস্তেম অমা ওইহনবা য়াগনি হায়বগী মতাংদা খন্ন-নৈনগনি।

মসিগী মথক্তা, “এ.আই.গী মতমসিদা ফ্রোদ, ৱেস্ত অমসুং এব্যুজ- শীংনবশিং অমসুং খুদোংচাবশিং”গী মতাংদা অখন্নবা সেসন অমা পাংথোক্কনি। মসিগী সেসন অসিদা এ.আই.বু ফ্রোদ থিদোকপদা মওং চুম্না শীজিন্নবা অমসুং ত্রান্সপরেন্সী, একাউন্তেবিলিতী অমসুং দেতা প্রাইভেসীগা মরী লৈনবা মরুওইবা ৱাফমশিং খন্নগনি।

ত্রীৎমেন্ত পেকেজ ১,৯০০ হেনবদা নুমিৎ খুদিংগী ক্লেম ৪০,০০০ রোম প্রোসেস তৌদুনা, এ.বি. পি.এম.-জে.এ.ৱাই.না মালেমগী ওইনা খ্বাইদগী চাউবা পব্লিক ফন্দেদ হেল্থ এশুরেন্স স্কিমশিংগী মনুংদা অমা ওইরি অমসুং ক্লেম মেনেজমেন্তকীদমক এ.আই.-দ্রিভন ওইবা থৌওং শীজিন্নবদা মাংজিল থানা লৈরি। হেক্কাথোন শোজকেস অসিনা মেদিকেল পেকেজ অমসুং স্পেসিএলিতিশিংগী পাক চাউবা রেঞ্জ অমদা ওতো-এদজুদিকেসন কেপাসিতীশিং পাকথোক চাউথোকহন্নবা এন.ঐচ.এ.গী খোঙথাংশিংগী মরু ওইবা মাইলস্তোন অমা ওইরি।

থৌরম অসি মখোয়গী সোলুসনশিং অসি রিএল-ৱার্ল্দদা চৎনহনবগী মতিক ময়াই লৈবা মায় পাক্লবা তীমশিংবু তরাম্না ওক্তুনা লোইশিনগনি, মসিনা ত্রান্সপরেন্ত, ইফিসিএন্ত অমসুং তেক্নোলোজী-দ্রিভন ক্লেম ইকোসিস্তেমগী ভিজনবু হেন্না খুমাং চাউশিলহল্লগনি।

মসিগী থৌশিল অসিগী খুত্থাংদা নেস্নেল হেল্থ ওথোরিতীনা দিজিতেল পব্লিক ইনফ্রাস্ত্রকচর অমসুং রেস্পোন্সিবল আর্তিফিসিএল ইন্তেলিজেন্স শীজিন্নদুনা হেল্থকেয়র এক্সেস হেন্না ফগৎহনবা, সর্ভিস দেলিভরী হেনগৎহনবা অমসুং লৈবাক শীনবা থুংনা বেনিফিসরীশিং অমসুং প্রোভাইদরশিংগীদমক্তা হেন্না ফবা হেল্থকী ফলশিং ফংহন্নবগীদমক মখোয়গী ফিরেপ অদু অমুক হন্না ফোংদোক্লি।

নুমিৎ নিনিগী থৌরম অসিগী সেসন অমমমগী অকুপ্পা মরোলশিং মখাদা ফংগনি:

https://nha.gov.in/ip/Draft_Hackathon_Program_Agenda05.05.2026.pdf

 

***

(রিলিজ আই.দি.: 2258351) ভিজিতর কাউন্তর : 7