“ভারতকী মিলিতরীগী মতিং অসি ঐখোয়গী দিফেন্স ইন্দস্ত্রীজশিংগী ফেক্তরীশিংদা শেমগৎলি” হায়না ঙাকশেলগী রাজ্য মন্ত্রী শ্রী সঞ্জয় সেথনা ফোংদোক্লদুনা মহাক্না ওপরেসন সিন্দুরগী মায় পাকপা অসিবু দিফেন্স ফোর্সশিংগী লম্বা লৈত্রবা থৌনা অমসুং অখাং কনবদা ক্রেদিৎ পীখ্রে, মসিবু লমদম অসিদা শেমগৎপা স্তেৎ-ওফ-দি-আর্ত ওইবা খুৎশু-খুৎলাইশিং অমসুং সিস্তেমশিংগী কান্নবা মহৈশিংনা হেন্না শাহৌ পীখি হায়না ফোংদোকখি। উত্তর প্রদেশকী প্রয়াগরাজতা মে ০৫, ২০২৬তা পাংথোকখিবা নোর্থ তেক সিম্পোজিয়মদা ৱা ঙাংলদুনা মহাক্না এম.এস.এম.ই.শিং অসি ভারতকী শেন্মিৎলোনগী য়াংলেন শরুনি অমসুং স্তার্ত-অপশিং অসিনা লৈবাক অসিগী ব্রান্দ এম্বেসেদরশিংনি হায়না ফোংদোকখি। “ঐখোয়গী স্তার্ত-অপশিং অমসুং এম.এস.এম.ই.শিংনা তুংলমচৎকী গ্রোথকী দ্রাইভিং ফোর্স ওইরি অমসুং প্রধান মন্ত্রী শ্রী নরেন্দ্র মোদীগী ২০৪৭ ফাওবগী ভিক্সিৎ ভারতকী মঙলান অদু মঙফাওনহনবদা মরু ওইবা থৌদাং অমা লৌরগনি। মখোয় অসি ঐখোয়গী চহিচা অসিগী বিশ্বাকর্মাশিংনি,” হায়না মহাক্না ফোংদোকখি।

ঙাকশেল মন্ত্রীনা ওপরেসন সিন্দুর মনুংদা তেররগী লোৎফমশিং মাংহন্দুনা ভারতপু অৱা-অনা তাহন্নবা তমথিরবা দিজাইনশিং থু্গাইখিবগীদমক দিফেন্স ফোর্সপু শীংথাখি। মেদ-ইন-ইন্দিয়া ইক্বিপমেন্ত নীংথিনা শীজিন্নবা অসিনা অপুনবা লৈবাক্কী – সরকার, দি.পি.এস.য়ু.শিং অমসুং প্রাইবেৎ সেক্তর, মরু ওইনা ইন্নোভেতরশিং, স্তার্ত-অপশিং অমসুং এম.এস.এম.ই.শিং – দিফেন্সতা আত্মনির্ভরতা ওইনবা ফিরেপ অদুগী খুদম ওইখি হায়না মহাক্না ফোংদোকখি।

ঙাকশেলগী রাজ্য মন্ত্রীনা হায়খি মদুদি রেকোর্দ ওইবা দিফেন্স প্রদক্সন অমসুং দিফেন্স এক্সপোর্তকী মশিং অসিনা অনৌবা ভারতকী খুদম ওইরি, মসিনা নেস্নেল ইন্তরেস্তশিং ঙাকশেন্নবা মাগী মশাগী তৌবা ঙম্বশিংদা থাজবা থম্মি। “অনৌবা ভারতনা কনাগুম্বা অমত্তদা ফত্তবা মীৎয়েংনা য়েংদে অমদি কনাগুম্বা অমনা মাগী সোভরেন্তী অদুদা শীংননবা হোৎনরবদি মদু লেম্না থারোই,” হায়না মহাক্না মখা তাখি।

ঙসি দিপ্লোই তৌরিবা তেক্নোলোজী অসিনা হয়েংগী অপনবা ওইরকপা য়াই হায়না ফোংদোক্লদুনা ঙাকশেলগী রাজ্য মন্ত্রীনা ইন্দস্ত্রীদা অনৌবা মওংদা খন্নবা অমসুং মালেমগী তংদু লৈতাদবা অসিগী মরক্তা তেক্নোলোজী কর্বতগী খুমাং চাউশিন্নবা লৈনবা হোৎনবা তাই হায়খি। মহাক্না সরকারগী থৌশিলশিংনা লৈবাক্কী দিফেন্স ইকোসিস্তেম মপাঙ্গল কনখৎহনগনি হায়না ফোংদোকখি। ইন্নোবেসন হায়বা অসি লেপ্পা লৈতবা প্রোসেস অমনি, মসিদা সরকারনা মপুং ফানা শৌগৎলি হায়না ফোংদোকখি। মহাক্না উত্তর প্রদেশ দিফেন্স ইন্দস্ত্রিএল কোরিদোরগী ত্রান্সফোর্মেতিব ইম্পেক্ত অদুসু থাগৎখি অমসুং ইন্দস্ত্রীনা অনৌবা পনখৈশিং য়ৌনবা হোৎননবা হায়খি।

থৌরম অদুদা ৱা ঙাংলদুনা জেনরেল ওফিসর কম্মান্দিং-ইন-চিফ (জি.ও.সি.-ইন-সি), সেন্ত্রেল কম্মান্দ লেফতনেন্ত জেনরেল অনিন্যা সেনগুপ্তানা ইন্দস্ত্রীদা থোরক্লিবা দোমেনশিংদা হৌজিক লৈরিবা ওপরেস্নেলগী মথৌ তাবশিং থুংহন্নবা অমসুং ইন্দিয়ন আর্মীবু ফ্যুচর-রেদী ফোর্স অমা ওইহনবদা শরুক তম্নবা দিফেন্স ফোর্সশিংগা লোয়ননা থবক তৌমিন্ননবা হায়খি। আত্মনির্ভর অসিনা স্ত্রেতেজিক ওতোনোমী, তেক্নোলোজিকেল সোভরেন্তী অমসুং ওপরেস্নেল তেলরিং ঙমহনগনি হায়না মহাক্না ফোংদোকখি।

'রক্ষা ত্রিবেনি সঙ্গম - তেক্নোলোজী, ইন্দস্ত্রী অমসুং সোল্দরিং পুনশিল্লিবা মফম' হায়বা থিমদা পাংথোকপা নুমিৎ হুমনিগী নোর্থ তেক সিম্পোজিয়ম ২০২৬ অসি ইন্দিয়ন আর্মীগী নোর্থন অমসুং সেন্ত্রেল কম্মান্দ অমসুং এস.আই.দি.এম.না শিনবনি। মে ০৪, ২০২৬তা ঙাকশেল মন্ত্রী শ্রী রাজনাথ সিংহনা হৌদোকখিবা থৌরম অসিদা প্রাইবেৎ দিফেন্স মেন্যুফেকচর্রশিংনা স্তোল ২৮৪ হাংখি, মসিদা কত্তিং এদজ দিফেন্স তেক্নিলোজী, অনমেন এরিএল সিস্তেম (য়ু.এ.এস.), দ্রোনশিং, কাউন্তর য়ু.এ.এস.শিং (ও তেরেন ভেহিকলশিং), সর্ভিলেন্স ইক্বিপমেন্তশিং অমসুং অতোপ্পা দিফেন্স প্রদক্তশিংগী দেমোনস্ত্রেসনশিং তৌবা অসিনা থৌরম অসিগী শরুক অমা ওইখি।।

জি.ও.সি.-ইন-সি., নোর্থন কম্মান্দ লেফতনেন্ত জেনরেল প্রতিক শর্ম; জি.ও.সি., ১ কোর্প্স লেফতনেন্ত জেনরেল ভি. হরিহরন,; প্রসিদেন্ত, সোসাইতী ওফ ইন্দিয়ন দিফেন্স মেন্যুফেকচর্রস (এস.আই.দি.এম) শ্রী অরুন তি রামচন্দানি; ইন্দস্ত্রী কেপ্তেনশিং; ইন্নোবেতরশিং; স্তার্তঅপশিং অমসুং একাদেমিয়া মীহুৎশিংনা সেসন অদুদা শরুক য়াখি।

******