ঙাকশেল মন্ত্রী শ্রী রাজনাথ সিংহনা হৌজিক ওইরিবা তেক্নোলোজীকেল রিভোলুসনগী মতম অসিদা তুংলমচৎকীদমক্তা শেম-শারবা ওইনবগীদমক রিসর্চতা লেপ্পা লৈতনা মীৎয়েং থম্বগী অমসুং সরপ্রাইসকী ইলিমেন্ত য়োকখৎপগী তঙাইফদবা অদু পনখ্রে। ২০২৬গী মে ৪দা প্রয়াগরাজ, উত্তর প্রদেশতা ইন্দিয়ন আর্মীগী অৱাং অমসুং সেন্ত্রেল কমান্দশিং অমসুং সোসাইতী ওফ ইন্দিয়ন দিফেন্স মেনুফেকচর্রশিংনা শিনবা নুমিৎ হুমনিগী নোর্দ তেক সিম্পোজিয়মগী হৌদোকপগী মীফমদা মহাক্না দিফেন্স পর্সনেলশিং, ইন্দস্ত্রীগী কেপ্তেনশিং, ইন্নোবেতরশিং, স্তার্ত-অপশিং অমসুং একাদেমিয়াগী মীহুৎশিংদা ৱা ঙাংখি।

ঙাকশেল মন্ত্রীনা মোদর্ন ৱারফেয়রদা থেংনরিবা তেক্নোলোজীকেলগী অহোংবাগী অঙকপা খোঙজং অদু শন্দোক্না তাকখি। মসিগী মথক্তা, লেপ্পা লৈতনা থোক্লিবা "মমাংদা অমুক্তং খনখিদ্রিবা" সরপ্রাইজকী ইলিমেন্ত অদুসু মহাক্না ফোংদোকখি। রসিয়া-য়ুক্রেনগী চয়েৎনবদা, চহি অহুম নৎত্রগা মরিগী মনুংদা লানগী মওং অসি তেঙ্ক অমসুং মিসাইলদগী গেম চেঞ্জর দ্রোন অমসুং সেন্সরদা ওন্থোকখি। মসিগী মথক্তা, নুংতি নুমিৎ খুদিংগী পুন্সিগী শরুক অমা ওইরিবা পোৎলমশিং অসি শিবা য়াবা খুৎলাইশিং ওইরক্লি। লেবানন অমসুং সিরিয়াদা থোকখিবা পেজর এতেকশিংনা মোদর্ন ৱারফেয়র মেথদশিং অমুক হন্না য়েংশিন্নবা পুক্নিং থৌগৎলি। অসিগুম্বা ফিভম অমদা, ঐখোয়না শেম-শাদুনা লৈবা মথৌ তাই, " মহাক্না হায়খি।

শ্রী রাজনাথ সিংহনা প্রোএক্তিব এপ্রোচ অমা লৌখৎপা অমসুং লৈবাক অসিনা মথৌ তারকপা তারবদি, মাগী মাইয়োক্তা থোইদোক হেন্দোকপা ষ্ট্রাইক অমা হৌদোকপা ঙম্নবা কেপাসিতী শেমগৎপগী তঙাইফদবা অদুদা অকনবা ৱাফম থমখি। “হান্নগী পুৱারীনা খুদম পীরি মদুদি লানগী মতমদা, ৱারেপ লৌবা ঙমদুনা মায় পাকপা অসি সরপ্রাইসকী ইলিমেন্ত খঙবা মাইকৈ অদুনা ওইদুনা লাক্লি। ঐখোয়গী দিফেন্স ফোর্সশিংনা হীরম অসিদা থবক তৌরি, ঐখোয়না হেন্না প্রোএক্তিব ওইবা মওংদা মখা তানা খুমাং চাউশিলহনগদবনি,” হায়না মহাক্না ফোংদোকখি।

হৌজিক্কী অরুবা অমসুং য়াম্না থুনা হোংলক্লিবা অকোয়বগী ফিভম অসিদা এদাপ্তেবিলিতী ফংহনবগী মরুওইবা অদু পল্লদুনা, ঙাকশেল মন্ত্রীনা হায়খি মদুদি, খ্বাইদগী থুনা তেক্নোলোজিকেল রিভোলুসনগী মতুং ইন্না খোংজেল য়াংশিনবা লৈবাক অদুনা তুংগী লানগী লমদমদা ৱারেপ লৌবা ঙমগনি। মহাক্না মখা তাখি মদুদি ঙসিগী মালেম অসিদা রিসর্চকী মহুৎ শিনবা য়াবা অমত্তা লৈতে, অমসুং তুংগী লানগী মওং অসি ঙসিগী লেবোরেতরীশিংদা লেপ্পি।

সরকারনা দিফেন্স রিসর্চপু মহাক্কী প্রাইওরিতিশিংগী ময়াইদা থম্লি অমসুং দি.আর.দি.ও.গী খুত্থাংদা মসিবু মথংগী থাক্তা পুখৎনবা হোৎনরি হায়না শ্রী রাজনাথ সিংহনা অকনবা ৱাফম থমখি। “দি.আর.দি.ও.না মসিগী খোঙচৎ অসিদা মথন্তা চঙশিল্লরোই। 'অদোম্না লাপ্না চংশিনবা পাম্লবদি, পুন্না চৎকদবনি' হায়বা মন্ত্র অসিনা লমজিংদুনা, মসিনা ইন্দস্ত্রী কয়াগা খুৎশম্নদুনা মাংলোমদা চংশিল্লি,” হায়না মহাক্না ফোংদোকখি।

ঙাকশেল মন্ত্রীনা ফোংদোকখি মদুদি দিফেন্স আর.এন্দ.দি.গী বজেৎকী ২৫%দি ইন্দস্ত্রী, একাদেমিয়া অমসুং স্তার্ত-অপশিংদা এলোকেৎ তৌখ্রে অমসুং হৌজিক ফাওবদা, হায়রিবা এন্তিতীশিং অসিনা বজেৎ অদুগী লুপা করোর ৪,৫০০ হেন্না শিজিন্নখ্রে। তেক্নোলোজী ত্রান্সফরগী অনৌবা পোলিসী অমা চৎনহনখ্রে। মসিদা দিবেলপমেন্ত-কম-প্রদক্সন পার্তনরশিং, দিবেলপমেন্ত পার্তনরশিং অমসুং প্রদক্সন এজেন্সীশিংগীদমক হান্নদগী লৌরিবা ২০%গী ফী অসি মপুং ফানা লৌথোকখ্রে। মসিনা মরম ওইদুনা, হৌজিক ফাওবদা দি.আর.দি.ও.না ইন্দস্ত্রী কয়াদা তেক্নোলোজী ২,২০০ হেন্না ত্রান্সফর তৌখ্রে হায়না মহাক্না হায়খি।

শ্রী রাজনাথ সিংহনা মখা তানা হায়খি মদুদি দি.আর.দি.ও.না ভারতকী ইন্দস্ত্রীশিংদা মাগী পেতেন্তশিংদা লেম্না এক্সেস পীনবা পোলিসী অমা হৌদোক্লে। মসিগী খোঙথাং অসিনা মখোয়গী তেক্নোলোজীকেল কেপাসিতী অমসুং গ্লোবেল কম্পিতিতিবনেস অনিমক হেনগৎহনগনি। “দি.আর.দি.ও.গী তেস্তিং ফেসিলিতীশিং অসিসু ইন্দস্ত্রীশিংগীদমক পেমেন্ত বেসিসতা হাংদোক্লে। চহি খুদিংগী, ইন্দস্ত্রী চাম্মরোম্না আর.এন্দ.দি. সপোর্তকীদমক মসিগী ফেসিলিতীশিং অসি শীজিন্নৈ,” হায়না মহাক্না ফোংদোকখি।

দিরেক্তেদ ইনর্জী ৱিপন্স, হাইপরোসোনিক ৱিপন্স, আন্দরৱাতর দোমেন এৱারনেস, স্পেস সিচুয়েস্নেল এৱারনেস, ক্বান্তম তেক্নোলোজীজ, আর্তিফিসিএল ইন্তেলিজেন্স অমসুং মেছিন লর্নিংগুম্বা লমশিংদা ইন্দস্ত্রীশিংনা মাংলোমদা চংশিনবা অমসুং মপাঙ্গল কনখৎহনগদবনি হায়না ঙাকশেল মন্ত্রীনা অকনবা ৱাফম থমখি। মহাক্না সরকারনা হোৎনরিবশিং অসিদা মপুং ফানা মতেং পাংগনি হায়খি।

শ্রী রাজনাথ সিংহনা দিফেন্স ফোর্সশিং অমসুং ইন্দস্ত্রীবু চাউখৎলক্লিবা ফিভমশিং অদু মপুং ফানা নৈনবগীদমক অমসুং ভারতকী শেম শাদুনা লৈরিবা অদু থাগৎপা ফোংদোকখি। মহাক্না ওপরেসন সিন্দুর অসি তেক্নোলোজীকেল ৱারফেয়র অমসুং লৈবাক অসিগী শেম-শারিবা অদুগী মরুওইবা খুদম অমনি হায়না ফোংদোকখি। “ওপরেসন সিন্দুরনা ঐখোয়গী দিফেন্স ফোর্সশিংগী থৌনা অমসুং তৌবা ঙম্বশিং মালেমদা উৎখি। ওপরেসন অসিগী মনুংদা কত্তিং-এদজ ইন্দিজিনস খুৎলাইশিং, মসিদা অখন্নবা মিসাইল সিস্তেমশিং হায়বদি অকাস্তির, অকাস মিসাইল সিস্তেম অমসুং ব্রহ্মোস য়াওরি। ঐখোয়না লানগী হোংলক্লিবা মওং-মতৌ অদু খঙবতা নত্তনা তেক্নোলোজীকেল এদভান্সশিং অসি লেপ্পা লৈতনা থাজবগা লোয়ননা শীজিন্নরি হায়বসিগী ককপা য়াদ্রবা খুদমনি,” হায়না মহাক্না হায়খি।

প্রধান মন্ত্রী শ্রী নরেন্দ্র মোদীনা লুচিংবা সরকারনা লৈবাক অসিগী দিফেন্স ইকোসিস্তেমবু মপাঙ্গল কনখৎহন্নবা লৌখৎলিবা খোঙথাংশিং অদু পল্লদুনা, দিফেন্স এক্সিলেন্সকীদমক ইন্নোবেসন (আই.দি.ই.এক্স.), এসিং দিবেলপমেন্ত ওফ ইন্নোবেতিব তেক্নোলিজীজ ৱিথ আই.দি.ই.এক্স. (এ.দি.আই.তি.আই.) অমসুং তেক্নোলোজী দিবেলপমেন্ত ফন্দ (তি.দি.এফ.)  অসিনা ইন্নোবেসন য়োকখৎনবা হোৎনরি অমসুং প্রাইবেৎ সেক্তর পার্তিসিপেসন চাউনা হেনগৎহনখি। দিফেন্স সেক্তরদা ইনফ্রাস্ত্রকচর দিবেলপমেন্তদা অখন্নবা মীৎয়েং থম্লি হায়না মহাক্না মখা তাখি। মহাক্না উত্তর প্রদেশতা হৌদোকখিবা দিফেন্স সেক্তরগা হকথেংননা মরী লৈনবা ইনফ্রাস্ত্রকচর প্রোজেক্তশিং, মরুওইনা দিফেন্স ইন্দস্ত্রিএল কোরিদোর শেমগৎপগী ৱাফমসু পনখি। মসিনা ভারতকী দিফেন্স কেপাসিতীশিংবু অখন্ননা হেনগৎহল্লি।

শ্রী রাজনাথ সিংহনা হায়খি মদুদি গবর্নমেন্তকী আত্মনির্ভরতাগী থবকশিংনা অফবা মহৈ পীরি। ২০২৫-২৬ ফাইনান্সিএল ইয়রদা দোমেস্তিক দিফেন্স প্রদক্সন অসি রেকোর্দ ওইনা লুপা করোর লাখ ১.৫৪ য়ৌখি অমসুং দিফেন্স এক্সপোর্তনা মতম পুম্নমক্কী খ্বাইদগী ৱাংবা ওইনা লুপা করোর ৩৮.৪২৪ য়ৌখি। মসিগী হেনগৎলকপা অসি হেন্না খুমাং চাউশিল্লগনি হায়না মহাক্না হায়খি। মসিগী মাইপাকপদা প্রাইবেৎ সেক্তরনা অচৌবা থৌদাং অমা লৌরি হায়না মহাক্না মখা তাখি। মহাক্না মহাক্কী জর্মনী খোংচৎকী মতাংদা পল্লদুনা হায়খি মদুদি ভারতকী দিফেন্স ফর্মশিংগা পার্তনরশিপ তৌনবা মপানগী কম্পনীশিংনা অখন্ননা হোৎনরি। মসিনা ইন্তর্নেস্নেল মার্কেৎতা ভারতকী দিফেন্স ইন্দস্ত্রীগী চাউখৎলক্লিবা মগুন অদুগী খুদম অমনি।

ঙাকশেল মন্ত্রীনা 'রক্ষা ত্রিবেনি সঙ্গম - তেক্নোলোজী, ইন্দস্ত্রী অমসুং সোল্দরিং পুনশিল্লিবা মফম' হায়বা থিমদা পাংথোকপা নোর্থ তেক সিম্পোজিয়ম অসি অনৌবা পুথোকপা অমসুং ভারতকী তেক্নোলোজী অমসুং ঙাকশেলগী শেম-শাবা হেনগৎহন্নবা মরুওইবা খোঙথাং অমনি হায়না ফোংদোকখি। মহাক্না স্তেকহোল্দর পুম্নমকপু মখোয়গী পর্ফোমেন্স হেন্না ফগৎহন্নবা কংক্রিৎ ওইবা সজেসনশিং পীনবা হায়খি। স্তেকহোল্দরশিংনা এক্সপর্তীস শেয়র তৌবা ঙম্নবা অমসুং পুন্না অনৌবা অমসুং এক্সপ্লোর তৌদ্রিবা লমশিংদা কেপাসিতী হেনগৎহন্নবগীদমক নোলজ কোরিদোর অমা শেম্নবা মহাক্না ফোংদোকখি। মহাক্না হায়খি, "হৌজিক লাক্কদৌরিবা মতম অসিদা মালেমগী খ্বাইদগী শক্তি লৈবা মিলিতরী পাৱর অমা ওইনবা ঐখোয় পুন্না হোৎনমিন্নসি।"

জেনরেল ওফিসর কমান্দিং-ইন-চীফ (জি.ও.সি.-ইন-সি), সেন্ত্রেল কমান্দ লেফতনেন্ত জেনরেল অনীন্দ্যা সেনগুপ্তানা মহাক্কী ৱারোলদা হায়খি মদুদি সিম্পোজিয়ম অসিনা দিফেন্স ফোর্সেস, ইন্দস্ত্রী, স্তার্ত-অপশিং, ইন্নোবেতরশিং অমসুং একাদেমিয়াদা মরুওইবা ওপরেস্নেল শিংনবশিং কোকহন্নবা পান্দম থমদুনা লমদমসিগী ওইবা তেক্নোলোজীকেল সোলুসনশিং পুথোক্নবগীদমক অখন্নবা প্লেৎফোর্ম অমা পীরি। মহাক্না মখা তাখি মদুদি হোৎনরিবশিং অসি জে.এ.আই. (জোইন্তনেস, আত্মনির্ভরতা অমসুং ইন্নোবেসন) না লমজিংলি। মসিনা লৈবাক অসিগী লানগী তৌবা ঙম্বশিং মপাঙ্গল কনখৎহনবদা মরু ওই।

সি.ও.জি.-ইন-সি, নোর্থন কমান্দগী লেফতনেন্ত জেনরেল প্রতীক শর্মানা মরুওইনা ফোংদোকখি মদুদি সিম্পোজিয়ম অসিগী পান্দমদি ৱাখল্লোনশিং, ইন্নোবেসন, অমসুং এক্সপরিয়েন্সবু দিপ্লোয়মেবল কেপাসিতীশিংদা ওন্থোকপনি। মহাক্না মখা তাখি মদুদি, হন্দক্কী লানফমশিং অসি য়েংলগা, লানফমদা দোমিনেন্স অমা লৈহন্নবগীদমক্তা, অখন্নবা কেপাসিতিশিং হায়বদি অনমেন এরিএল সিস্তেম (য়ু.এ.এস.), কাউন্তর য়ু.এ.এস. সিস্তেমশিং, এ.আই.-ইনেবল ওইরবা ৱারেপ লৌবা ঙম্বভা খুৎলাইশিং, প্রিসিজন স্ত্রাইক কেপাসিতিশিং, অমসুং এদভান্স আর্তিলরী সিস্তেমশিং অসি তঙাইফদবা ওইরক্লি।

থৌরম অদুদা য়ু.পি. সরকারগী ইন্দস্ত্রীএল দিবেলপমেন্ত, এক্সপোর্ত প্রমোসন, এন.আর.আই. অমসুং ইনভেস্তমেন্ত প্রমোসনগী কেবিনেৎ মন্ত্রী শ্রী নন্দ গোপাল গুপ্ত নন্দি; আর্মি স্তাফকী চীফ, জেনরেল উপেন্দ্র দ্বিবেদী; সেন্ত্রেল এয়র কমান্দগী এয়র ওফিসর কম্মান্দিং-ইন-চীফ, এয়র মার্শেল বালকৃষ্ণন মনিকান্তন; আর্মদ ফোর্সেস মেদিকেল সর্বিসেসকী দি.জি., সর্জন ভাইস এদমিরেল আরতি সেরিন; এস.আই.দি.এম.গী প্রসিদেন্ত শ্রী অরুন তি রামচন্দানি; অমসুং আই.আই.তি মাদ্রাসকী প্রোফেসর রামকৃষ্ণনসু শরুক য়াখি।

সিম্পোজিয়ম অসিগী মনুংদা, অৱাংথংবা অমসুং সেন্ত্রেল কমান্দগী প্রোব্লেম দিফিনিসন স্তেতমেন্তশিং অসি স্তেকহোল্দর পুম্নমক্না তুংগী লম্বী অদু খংদোক্নবগী পান্দমদা কুপ্না খন্নগনি। প্রোব্লেম দিফিনিসন স্তেতমেন্তশিং অসি অকোইবগী মথৌ তাবশিং খঙদোকপা, হৌজিক্কী মতমগী ৱাথোকশিং য়েংলগা তেক্নোলোজীগী ওইবা অশোইবশিং মশক খঙদোকপা অমসুং মথৌ তাবশিং নৈনদুনা অমসুং মরুওইনা খন্নদুনা স্ত্রকচরেল প্রোগ্রেসনগী খুত্থাংদা শেমখ্রে। লমদম অসিদা মথৌ তৌরিবা লান্মীশিং, ইন্দস্ত্রীগী পার্তনরশিং অমসুং একাদেমিয়াশিংগা ৱারী শানবগীদমক দোমেনশিংগী মরক্তা ফোকস তীম ৮ লিংখৎখ্রে।

সিম্পোজিয়ম অসিগী শরুক অমা ওইনা, এম.এস.এম.ই.শিং, প্রাইবেৎ দিফেন্স তেক ফর্মশিং, স্তার্ত-অপশিং অমসুং য়ুনিফোর্মদা লৈবা ইন্নোবেতরশিং য়াওনা শরুক য়ারিবশিংগী মরক্তগী ইন্দিজিনেল সোলুসনশিং উৎলিবা একজিবিসন অমা পাংথোকখি। কম্পনী ২৮৪না মখোয়গী খ্বাইদগী নৌবা ইন্নোবেসনশিং অমসুং তেক্নোলোজীশিং উৎনবা স্তোলশিং হাংখি।

***