কেন্দ্রগী গৃহ মন্ত্রী শ্রী অমিত শাহগী লমজিং মখাদা নেস্নেল দিজাস্তর মেনেজমেন্ত ওথোরিতী (এন দি এম এ) অমসুং গৃহ মন্ত্রালয় (এম ঐচ এ) গা খুৎশম্নদুনা তেলিকম্ম্যুনিকেসন দিপার্তমেন্ত (দি ও তি) গী মখাদা সেন্তর ফোর দিবেলপমেন্ত ওফ তেলিমেতিক্স (সি-দি ও তি) না শেমগৎপা লমদমসিগী ওইবা তেক্নোলোজী অমা ওইরিবা সেল ব্রোদকাস্ত সিস্তেম (সি বি এস) ঙসি কম্ম্যুনিকেসন্স মন্ত্রী শ্রী জ্যোতিরাদিত্য সিন্ধিয়ানা হৌদোকখ্রে। মসিগী খোঙথাং অসিনা ভারতকী ইমর্জেন্সী কম্ম্যুনিকেসন সিস্তেমশিং মপাঙ্গল কনখৎহন্নবা অমসুং পব্লিক সেক্যুরিতী ইনফ্রাস্ত্রকচর হেনগৎহন্নবা মরু ওইবা খোঙথাং অমা ওইরি।

থৌরম অদুদা শরুক য়াখিবা শক্নাইরবা মীওইশিং অদুদি কেন্দ্রগী হোম সেক্রেতরী শ্রী গোবিন্দ মোহন, সেক্রেতরী (তেলিকোম) শ্রী অমিত আগরৱাল, এন.দি.আর.এফ.কী দি.জি. শ্রী পিয়ুশ অনন্দ, এন.দি.এম.এ.গী সেক্রেতরী শ্রী মনীশ ভরদ্বাজ, গৃহ মন্ত্রালয়গী এদিস্নেল সেক্রেতরী শ্রী অনুজ শর্মা অমসুং এন.দি.এম.এ.গী মেম্বর শ্রী কৃষ্ণ ৱাৎসানি।

কেন্দ্রগী কম্ম্যুনিকেসন্স মন্ত্রী, শ্রী জ্যোতিরাদিত্য সিন্ধিয়ানা দি.ও.তি, গৃহ মন্ত্রালয়, এন.দি.এম.এ. অমসুং সি.-দি.ও.তি.গী অচৌবা মায় পাকপা অসিগী মতাংদা হায়খি, সেল ব্রোদকাস্ত সিস্তেম হৌদোকপা অসিনা ভারতকী দিজাস্তর মেনেজমেন্ত ফ্রেমৱার্কদা অহোংবা পুরকপা খোঙথাং অমনি। মসিনা প্রজাশিংবু ঙাকথোকপদা রিএক্তিব এপ্রোচ অমদগী প্রোএক্তিব এপ্রোচ অমদা অহোংবা পুরকপগী খুদম অমনি। অৱাংবা থাক্কী তেলিকোম তেক্নোলোজীশিং শীজিন্নদুনা, সি.বি.এস.না জিও-তের্গেৎ তৌরবা, রিএল-তাইম ওইবা এলর্তশিং মীওই লাখ কয়াদা খুদক্তা য়ৌহনবদা মতেং পাংলি, মসিনা মীওই অমত্তা চিৎথবা তৌদনবা হোৎনরি। মসিগী লমদমসিগী ওইবা, মালেমগী থাক্তা বেঞ্চমার্ক ওইরবা সোলুসন অসিনা ঐখোয়গী শেম-শারিবা অদু মপাঙ্গল কনখৎহল্লি, রেস্পোন্স কেপাসিতী হেনগৎহল্লি অমসুং হেন্না শাফবা, হেন্না পাঙ্গল কনবা ভারত অমা শেমগৎনবা ঐখোয়গী ৱাশক অদু মপাঙ্গল কনখৎহল্লি।”

থৌরম অদুগী মনুংদা, কেন্দ্রগী গৃহ মন্ত্রালয়গী এদিস্নেল সেক্রেতরী শ্রী অনুজ শর্মানা কেন্দ্রগী মন্ত্রীদা এন.দি.এম.এ.গী দিজাস্তরগী শেম-শাবা অমসুং হৌজিক পায়খৎলিবা থবকশিংগী মতাংদা প্রজেন্তেসন অমা পীখি।

সেল ব্রোদকাস্ত সোলুসন (সি.বি.এস.) অসি তেলিকোম-ইনেবল ওইরবা পব্লিক ৱার্নিং সিস্তেম অমনি। মসিনা ওথোরিতীশিংনা অকক্নবা মফম অমগী মনুংদা লৈবা মোবাইল দিভাইসশিংদা মতম অমত্তদা জিও-তার্গেৎ তৌরবা ৱার্নিংশিং ব্রোদকাস্ত তৌবা ঙমহল্লি। সি.এ.পি.দা য়ুম্ফম ওইবা এস.এ.সি.ঐচ.ই.তি. প্লেৎফোর্মগা পুনশিন্নদুনা, মসিনা অথুবা মতমদা অমসুং স্তেন্দার্দাইজ তৌরবা এলোর্তশিং শন্দোকপা য়াহল্লি। মসিনা ত্রেদিস্নেল এস.এম.এস.দা য়ুম্ফম ওইবা সিস্তেমশিংগী অকক্নবা অদু কোকহল্লি, মসিনা পান্দম থম্লিবা মফমশিংগী মনুংদা লৈবা মশিং য়াম্লবা মীওইশিংদা মরু ওইবা ই-পাউশিং অসি অথুবা মতমদা অমসুং মতিক চানা শন্দোকপা ঙমহল্লি।

হৌদোকপগী শরুক অমা ওইনা, সিস্তেম অসি লৈবাক শীনবা থুংনা চাংয়েং অমা ঙসি মায় পাক্না পাংথোকখ্রে। মসিগী মনুংদা লৈবাক শিনবা থুংনা মোবাইল ফোনশিংদা ইমর্জেন্সী এলার্ত মেসেজশিং ব্রোদকাস্ত তৌখি অমসুং মসিদা মশক থোকপা এলর্ত তোন অমা য়াওখি। মসিগী থৌওং অসিনা খুদোংথীবশিং অমসুং ইমর্জেন্সীগী ফিভমশিংদা মতম চানা এলার্তশিং শন্দোকপদা মরু ওইবা মাইলস্তোন অমা ওইরি।

ভারত্তা দিজাস্তর মেনেজমেন্তকী লমদা পীরিবা মমল য়াম্লবা কন্ত্রিব্যুসন অমসুং থৱায় য়াওদনা থবক তৌবগীদমক শ্রী সিন্ধিয়ানা মীওইশিং অমসুং ওর্গনাইজেসন অনিমক্তা সুভাশ চন্দ্র বোস অপদা প্রবন্ধন পুরস্কার (এস.সি.বি.এ.পি.পি.) পীখি। থৌরম অদুদা দিজাস্তর মেনেজমেন্তকী লমজিং-লমতাক অমসুং হেন্দবুক অমসু ফোঙখি।

সি.বি.এস.না মরিক চুম্বা জিও-তার্গেতিংগী তৌবা ঙম্বগী খুদোংচাবা পীরি, মসিনা এলার্তশিং অসি সেল তাৱর নত্ত্রগা ক্লস্তরগী থাক্তা শন্দোকপা ঙমহল্লি, অমসুং মসিনা হেন্না চাউবা জিওগ্রাফিক এরিয়াশিং কোনশিনবগীদমক পাকথোক চাউথোকপা ঙম্বগী খুদোংচাবা পীরি। মেসেজশিং অসি রিএল-তাইমদা য়ৌহল্লি, ক্যুয়িংগী থিন্থবা য়াওদনা সেকেন্দ খরগী মনুংদা য়ুজরশিংদা য়ৌহল্লি। চাউনা থাজবা লৈনবা দিজাইন তৌখিবনা, সিস্তেম অসি নেৎৱার্ক কঞ্জেস্সননা অকাইবা পীবা ঙমহন্দে, মসিনা ক্রিতিকেল ওইবা ফিভমশিংদা অপনবা লৈতনা কম্ম্যুনিকেসন অমা লৈহন্নবগীদমক থাজবা পীরি। মসিনা পান্দম থম্লিবা মফম অদুগী মনুংদা লৈবা মোবাইল য়ুজর পুম্নমকপু, কোইচৎ চৎলিবা মীওইশিং য়াওনা, কভর তৌদুনা য়ুনিভর্সেল ওইবা রীচ ফংহল্লি অমসুং হায়রিবা এলার্তশিং অসি য়ুজরশিংনা দিসএবল তৌবা ঙমদে। মসিগী মথক্তা, এলার্তশিং অসি প্রাইওরিতী নোতিফিকেসনশিং ওইনা পীরকই, ময়েক শেংবা লোলশিংগা লোয়নবা পোপ-অপ মেসেজশিং ওইনা উবা ফংই, মেসেজ তেক্স অসি সপোর্ত তৌরিবা মোবাইল হেন্দসেৎশিংদা হৌনা পাথোকপা ঙমহল্লি।

সিস্তেম অসিনা রিএল-তাইমদা, লোন কয়াদা এলার্তশিং পীবা ঙমহল্লি। মসিনা খুদোংথীবা থোকপা মতমদা ঙাক-শেনবগী থবকশিং পাংথোক্নবগীদমক য়াম্না মরু ওইবা মতম ফংহল্লি। খুদম ওইনা হায়রবদা, খোংজেল য়াংনা ঈশিং-ঈচাউ থোকপা অমসুং গ্যাস লিক থোকপা অসিনি। ২জিদগী ৫জি নেৎৱার্কশিংদা সপোর্ত তৌদুনা, মসিনা লাস্ত মাইল অমসুং রোমিং পোপুলেসনশিং য়াওনা অর্বান অমসুং রুরেল এরিয়া অনিমক্তা পাক শন্না য়ৌহনগনি। হকথেংননা, ওফিসিএল কম্ম্যুনিকেসন তৌবা য়াহন্দুনা, মসিনা দিজাস্তর মেনেজমেন্তবু মপাঙ্গল কনখৎহল্লি, খোঙজেল য়াংনা রেস্পোন্স পীহল্লি, পেনিক হন্থহল্লি, অমসুং মীয়ামগী থাজবা অমসুং কমপ্লাইএন্স হেনগৎহল্লি।

সি.এ.পি.দা য়ুম্ফম ওইবা এস.এ.সি.ঐচ.ই.তি. প্লেৎফোর্মগী মখাদা সেল ব্রোদকাস্ত সোলুসন (সি.বি.এস.) গী পান-ইন্দিয়া ত্রাইএলশিং মায় পাক্না লোইশিনখ্রে। রাজ্য অমসুং য়ু.তি. পুম্নমক্তা ত্রেনিংশিং পাংথোকখ্রে। সিস্তেম অসি দিজাস্তরশিংগী মতমদা ইফেক্তিব ওইরে হায়না উৎখ্রে, অমসুং অন্ধ্র প্রদেশ, ওরিশা অমসুং উত্তরাখন্দগী মীওই লাখ কয়াদা য়ৌহনখ্রে, অমসুং হৌজিক্তি চার ধাম য়াত্রাগীদমকসু শীজিন্নরি। সি-দি.ও.তি.না য়ুনাইতেদ নেসন্সকী “আর্লি ৱার্নিং ফোর ওল" ইনিসিয়েতিবকা চুনবা মোরিসিয়স, কম্বোদিয়া, এল সালভাদর অমসুং শ্রী লঙ্কাগুম্বা লৈবাকশিংদা ইন্তর্নেস্নেল ওইনা মায় পাক্না উৎখ্রে।

***