કેન્દ્રશાસિત પ્રદેશ લદ્દાખમાં સહકારી સંચાલિત ગ્રામીણ વિકાસને મજબૂત કરવા અને ડેરી ક્ષેત્રને પ્રોત્સાહન આપવા તરફના એક મહત્વપૂર્ણ પગલામાં, માનનીય કેન્દ્રીય ગૃહ મંત્રી અને સહકારિતા મંત્રી શ્રી અમિત શાહ 1 મે, 2026ના રોજ સેન્ટ્રલ ઇન્સ્ટિટ્યૂટ ઓફ બુદ્ધિસ્ટ સ્ટડીઝ (CIBS), લેહ ખાતે યોજાનાર એક કાર્યક્રમમાં મુખ્ય પહેલોની શ્રેણીનું ઉદ્ઘાટન કરશે. આ પ્રસંગે કેન્દ્રીય મત્સ્યોદ્યોગ, પશુપાલન અને ડેરી મંત્રી શ્રી રાજીવ રંજન સિંહ ઉર્ફે લલન સિંહ અને લદ્દાખના લેફ્ટનન્ટ ગવર્નર શ્રી વિનય કુમાર સક્સેના પણ ઉપસ્થિત રહેશે.

આ કાર્યક્રમ મિલ્ક પ્રોસેસિંગ ક્ષમતા વધારવા, કોલ્ડ-ચેઈન સિસ્ટમમાં સુધારો કરવા અને સ્થાનિક ડેરી ખેડૂતો માટે બજાર જોડાણો વિસ્તારવાના હેતુથી અનેક ડેરી ઇન્ફ્રાસ્ટ્રક્ચર પ્રોજેક્ટ્સના ઉદ્ઘાટન અને શિલાન્યાસનો સાક્ષી બનશે. આ કાર્યક્રમમાં પ્રદેશમાં સહકારી ડેરી કામગીરીને આધુનિક બનાવવા માટે તૈયાર કરાયેલ ડિજિટલ અને સંસ્થાકીય પહેલોનું લોન્ચિંગ પણ કરવામાં આવશે.

આ કાર્યક્રમ દરમિયાન, માનનીય મંત્રી કારગિલમાં 10 TLPD ડેરી પ્લાન્ટનો શિલાન્યાસ કરશે અને લેહમાં દહીં અને પનીર ઉત્પાદન સહિત નવા ડેરી પ્રોસેસિંગ યુનિટનું ઉદ્ઘાટન કરશે. વધુમાં, દૂધ સંગ્રહ અને પરિવહન માળખાને મજબૂત બનાવવા માટે બલ્ક મિલ્ક કુલર સિસ્ટમ શરૂ કરવામાં આવશે.

સહકારી ક્ષેત્રમાં ડિજિટલ સશક્તિકરણના વિઝનને વધુ મજબૂત બનાવતા, પ્રાપ્તિ પ્રક્રિયાઓને સુવ્યવસ્થિત કરવા અને ખેડૂતોને ચૂકવણીમાં પારદર્શિતા સુનિશ્ચિત કરવા માટે એન્ડ્રોઇડ-આધારિત ઓટોમેટેડ મિલ્ક કલેક્શન સિસ્ટમ (AMCS) એપ્લિકેશન લોન્ચ કરવામાં આવશે.

આ કાર્યક્રમમાં મોબાઈલ મિલ્ક ટેસ્ટિંગ લેબોરેટરીને પણ લીલી ઝંડી બતાવવામાં આવશે, જેનો ઉદ્દેશ્ય ગુણવત્તાની ખાતરી કરવાનો અને પાયાના સ્તરે ડેરી ખેડૂતોને મદદ કરવાનો છે. અગ્રણી બ્રાન્ડ્સ હેઠળ ડેરી ઉત્પાદનોના માર્કેટિંગને વધારવા માટે મુખ્ય હિતધારકો વચ્ચે સમજૂતી કરાર (MoU) પર હસ્તાક્ષર કરવામાં આવશે, જેનાથી સ્થાનિક ઉત્પાદકો માટે બજાર પહોંચ અને મૂલ્ય પ્રાપ્તિમાં સુધારો થશે.

ખેડૂત કલ્યાણ અને સહકારી મજબૂતીકરણ પર સરકારના ધ્યાન મુજબ, કાર્યક્રમ દરમિયાન પ્રદેશના પ્રગતિશીલ ડેરી ખેડૂતોનું સન્માન કરવામાં આવશે. આ પહેલ સહકારી સંસ્થાઓને સશક્ત બનાવીને, ગ્રામીણ આજીવિકામાં વધારો કરીને અને દેશના દૂરના વિસ્તારોમાં સર્વસમાવેશક આર્થિક વૃદ્ધિને પ્રોત્સાહન આપીને “સહકાર સે સમૃદ્ધિ” ના વિઝનને સાકાર કરવાની સરકારની પ્રતિબદ્ધતા દર્શાવે છે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com