প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা উত্তর প্রদেসকী হরদোইদা কিমি ৫৯৪ শাংবা এসেস-কন্ত্রোল গ্রিনফিল্দ গঙ্গা এক্সপ্রেসৱে শঙ্গাখ্রে
ইনফ্রাষ্ট্রকচর প্রোজেক অসিনা উত্তর প্রদেস শীনবা থুংনা চৎথোক-চৎশিন ফগৎহনগনি অমসুং চাউখৎপা য়াংখৎহনগনি: প্রধান মন্ত্রী
চহি লিশিং কয়া মা গঙ্গানা উত্তর প্রদেস অমসুং লৈবাক অসিগী হিংনবগী লম্বী ওইবগুম্না, অনৌবা মতমগী চাউখৎপগী যুগ অসিদা, এক্সপ্রেসৱে অসি মহাক্কী মনাক নক্না ফাউদুনা চৎলি, উত্তর প্রদেস চাউখৎনবগী অনৌবা লম্বী অমা ওইরগনি: প্রধান মন্ত্রী
হন্দক, দিল্লি-দেহরাদুন এক্সপ্রেসৱে লৈবাক মীয়ামদা কৎথোকপগী খুদোংচাবা ঐ ফংখ্রে: প্রধান মন্ত্রী
ঐনা মতম অদুদা হায়খি মদুদি নৌনা শেমগৎপা এক্সপ্রেসৱেশিং অসি চাউখৎলক্লিবা ভারতকী মরাইবক লেপ্নবা মরুওইবা হিংনবা লম্বীশিংনি অমসুং অনৌবা মতমগী লম্বীশিং অসিনা ঙসি ভারতকী অফবা তুংলমচৎ মাংজিল থাদুনা পুরি: প্রধান মন্ত্রী
গঙ্গা এক্সপ্রেসৱেন উত্তর প্রদেসকী মফম অমগা মফম অমগা শম্নবা খক নত্তনা, মসিনা এন.সি.আরগা হেন্না নকশিন্নহন্দুনা মপান নাইদ্রবা খুদোংচাবা কয়া পীরগনি: প্রধান মন্ত্রী
থাগৎখিবা:
29 APR 2026 3:10PM by PIB Imphal
ঙসি প্রধান মন্ত্রী শ্রী নরেন্দ্র মোদীনা উত্তর প্রদেসকী হরদোইদা কিমি ৫৯৪ শাংবা এসেস-কন্ত্রোল গ্রিনফিল্দ গঙ্গা এক্সপ্রেসৱে শঙ্গাখ্রে। থৌরম অদুদা প্রধান মন্ত্রীনা হায়খি মদুদি গঙ্গা তুরেলগী অধ্যাতিক ওইরবা থৌজালদগী অপুনবা লমদম অসি লাই খুরুমফম অমা ওইনা লৈরি। উত্তর প্রদেসকী বর অমা ওইরিবা এক্সপ্রেসৱে অসিসু মা গঙ্গা মশামক্কী থৌজাল অমনি। এক্সপ্রেসৱে অসিনা শেংলবা লাইফমশিং পুং খরগী মনুংদা চৎথোক-চৎশিন য়াহন্দুনা অওনবা পুরক্লগনি।
প্রধান মন্ত্রীনা হায়খি মদুদি মা গঙ্গাগী মুৎপা নাইদ্রবা মরুওইবা অমসুং অনৌবা মতমগী ইনফ্রাষ্ট্রকচরগা মান্নবা অমা লৈরি। রাজ্য অসিগী চাউখৎপগী খোঙচত্ত এক্সপ্রেসৱেগী অচৌবা থৌদাং লৈরি। নৌনা শেমগৎলবা হায়ৱেশিং অসি চাউখৎলক্লিবা ভারতকী মরুওইবা লম্বীশিংনি। অনৌবা মতমগী লম্বীশিং অসি ঙসিদি ভারতকী অফবা তুংলমচৎ ওইরগনি।
হন্দক মহাক্না পাংথোকখিবা অধ্যতিক্কী থবকশিং পল্লদুনা, প্রধান মন্ত্রীনা হায়খি মদুদি এপ্রিল ২৪ দা বেঙ্গলগী হৌরগা ঙরাং কাসি ফাওবদা হৌখিবা নুমিৎ খর মহাক মা গঙ্গাগী মনাক্ত লৈরক্লি অমসুং অমুক হন্না ঙসি অয়ুক লৈরে, মসি লাইনিং অমসুং ইনফ্রাষ্ট্রকচর চাউখৎপগী মশক থোকপা ইতিনফম অমনি। এক্সপ্রেসৱে অসি মা গঙ্গাগী মমিং থোন্নবা রাজ্য সরকারনা ৱারেপ লৌখিবা অসিদা মহাক অপেনবা ফাওই। চাউখৎপগী ঐখোয়গী পান্দম অমসুং ঐখোয়গী হেরিতেচ মশক তাকপগী মমি তারে।
ইনফ্রাষ্ট্রকচর শেমগৎপদা সরকারগী খোঙজেল য়াংখৎলিবা অসি পল্লদুনা, প্রধান মন্ত্রীনা হায়খি মদুদি চহি ৫ ফাদনা লৈবাক অসিগী খ্বাইদগী শাংবা গ্রিন কোরিদোর ওইরিবা গঙ্গা এক্সপ্রেসৱে লোইশিল্লে। য়াম্না য়াংনা মতমগা চুন্নবা থবকশিং পায়খৎনবা মহাক্কী পান্দম লৈরি। মসি হৌজিক পাল্লিবা সরকারগী থবক্কী খোঙজেলনি। মসি হৌজিক পাল্লিবা সরকারগী থবক তৌবগী মওং অদুনি।
এক্সপ্রেসৱেগী মরুওইবা কান্নবা পল্লদুনা, প্রধান মন্ত্রীনা হায়খি মদুদি মসিগী কিমি ৬০০ গী পরিং অসিনা ময়াই থংবা য়ু.পিগী লৌউ-শিংউগী মফমদগী য়ু.পিগী নোংপোক থংবা নাৎকী মফমশিং ফাওরগা নোংচুপ থংবা য়ু.পিগী ললোন-ইতিক্কী মফমশিংগা শম্নগনি, জিলা ১২ গী মীওই করোর কয়া হকথেংননা কান্নবা পীরে। গঙ্গা এক্সপ্রেসৱে অসি ইচম চম্বা য়াংনা থৌনা লম্বী অমা নত্তে। মসি অনৌবা খুদোংচাবশিং, অনৌবা মঙলানশিং অমসুং অনৌবা ওইথোকপশিংগী থোঙ্গাল অমনি।
লৌমীশিংনা চহি লিশাং শীৎনা থেংদুনা লাক্লবা অৱাবশিং পল্লদুনা, প্রধান মন্ত্রীনা হায়খি পুথোক-পুশিনগী ইনফ্রাষ্ট্রকচর অমসুং কোল্দ ষ্টোরেজগী খুদোংচাবশিং মতিক চাদবদগী লৈহাও লৈরবা লমদমশিং অসিগী লৌমীশিং মতম কয়াগী মমাঙদগী অচৌবা কৈথেলশিং য়ৌবা ঙমদবগী অৱাবা মায়োক্নদুনা লাক্লি। লম্বী-থোঙ ফগৎহনবনা অওনবা পুরক্নবগী খুদোংচাবা কয়া লৈরি। মসিনা ঐখোয়গী লৌমীশিংগী শেন্থোক হেনগৎহনগনি। গঙ্গা এক্সপ্রেসৱেন উত্তর প্রদেসকী মফম অমগা মফম অমগা শম্নবা খক নত্তনা, মসিনা এন.সি.আরগা হেন্না নকশিন্নহন্দুনা মপান নাইদ্রবা খুদোংচাবা কয়া পীরগনি লোয়ননা এক্সপ্রেসৱে অসিদা গারিশিং চেনবগা লোয়ননা মসিগী নাকলশিংদা অনৌবা উদ্যোগকী খুদোংচাবশিং শেমগৎলি।
এক্সপ্রেসৱে পরিংদা অনৌবা উদ্যোগকী খুদোংচাবশিং লাক্লিবা অসি পল্লদুনা, প্রধান মন্ত্রীনা হায়খি মদুদি ফার্মাসিউতিকেলশিং, তেক্সতাইলশিং, হেন্দলুমশিং, শাউনগী পোৎথোকশিং অমসুং হেন্দিক্রাফশিংগী মেনুফেকচরিং ক্লষ্টরশিং লাক্নবা হারদোইগুম্বা জিলাশিংদা ইন্দষ্ট্রিয়েল কোরিদোরশিং শেমগৎলি অমসুং নহারোলশিং অনৌবা থবক ফংনবা খুদোংচাবশিং পীরে। মুদ্রা য়োজনা অমসুং ৱান দিষ্ট্রিক ৱান প্রদকগুম্বা স্কিমশিংনা কান্নবা পীবদগী রাজ্য অসিগী নহারোলশিংগী ওন্ত্রেপ্রেন্যুরশিপগী থৌনা অসি থাগৎলি। অপীকপা উদ্যোগশিং অমসুং এম.এস.এম.ইশিং চাউখৎলে অমসুং হেন্না ফবা লম্বী-থোঙনা মখোয়গী অনৌবা লম্বীশিং হাংদোক্লে। মখোয় খুদিংমক পাক-চাউনা লৈবাক মনুং অমসুং মপানগী কৈথেলশিং য়ৌরগনি। মসিনা ইমুং করোর কয়াগী শেন্থোক হেনগৎহনগনি।
প্রধান মন্ত্রীনা হায়খি মতম অমদা বিমারু অমসুং খ্বাইদগী চাউখত্তবা রাজ্য অমা ওইনা খঙনরম্বা উত্তর প্রদেস ঙসিদি দোল্লর ত্রিল্লিয়ন ১ গী ইকোনোমিগা লোয়ননা মাঙলোমদা চঙশিল্লি, রাজ্যগী অচৌবা তৌবা ঙম্বা লৈবদগী চাউনা শেম-শাদুনা অচৌবা পান্দম অমা শৌগৎলি অমসুং লৈবাক অসিগী মশিং য়াম্লবা নহারোলশিংগী তৌবা ঙম্বা লৈরি। মসিগী থৌনা অসি উত্তর প্রদেস মেনুফেকচরিংগী মফম অমা ওইহনবদা শীজিন্নরে, অনৌবা উদ্যোগশিং অমসুং ফেক্তরিশিং লিংখৎলে, য়াম্লবা শেনফমশিং থাদরগনি, শেন-থুম চাউখৎপা য়াংখৎলগনি অমসুং নহারোলশিং থবক ফংনবা খুদোংচাবশিং পীরগনি। উত্তর প্রদেসতা পোৎথোক তঙ্খায় অমা পুথোক্তুনা ভারতনা মালেমদা অনৌবা খ্বাইদগী চাউবা মোবাইল শাবা লৈবাক ওইরে। মসিদা উত্তর প্রদেসনা অচৌবা মতেং অমা পাংলে।
অৱাংবা থাক্কী তেক্নোলোজিগী হিরমশিংদা রাজ্য অসিনা লৌরিবা থৌদাং পল্লদুনা, প্রধান মন্ত্রীনা হায়খি মদুদি হন্দক নোইদাদা উরেপ-উয়ুং তম্বগী থৌরম পাংথোকখ্রবা মতুংদা সেমিকন্দক্তর শাবগী লমদা উত্তর প্রদেস খুমাঙচাউশিল্লে। তুংদা উত্তর প্রদেসকী মীয়ামগীদমক মপান নাইদ্রবা খুদোংচাবশিংগী পাক-চাউরবা হিরমশিং হাংদোক্লে। রাজ্য অসি এ.আইগী ইকোনোমিদসু লুচিংবা অমা ওইবগী ফিবমদা লৈরে।
প্রধান মন্ত্রীনা হায়খি মদুদি উত্তর প্রদেসকী উদ্যোগ চাউখৎপা হায়বসি লৈবাক্কী সেকুরিতিগী মরুওইবা লন অমনি। মফম অসিদা মরুওইবা দিফেন্স মেনুফেকচররশিং থবক তৌবগা লোয়ননা, রাজ্য অসিদা ভারতকী দিফেন্স কোরিদোরশিং থবক তৌরি। ব্রাহ্মোস মিসাইলগুম্বা মালেমদা মমিং চৎলবা সিষ্টেমশিং উত্তর প্রদেসতা শারে। উত্তর প্রদেসকী উদ্যোগ চাউখৎপা অসি ঙসিদি ভারতকী মরুওইবা মপাঙ্গল অমা ওইরে।
প্রধান মন্ত্রীনা হায়খি অপুনবা ওইনা উত্তর প্রদেসকী লম্বী-থোঙগী ইনফ্রাষ্ট্রকচর মতমগা চুনবা মওংদা শেমগৎলে। ইন্তরনেসনেলগী খুদোংচাবা লৈবা ৫ য়াওনা, এয়রপোর্ত ২১ লৈরে। মসিগী মনুংদা গঙ্গা এক্সপ্রেসৱেদগী পুং খর খক লাপ্না লৈবা হন্দক নৌনা শঙ্গাখিবা নোইদা ইন্তরনেসনেল এয়রপোর্ত য়াওরি।
প্রধান মন্ত্রীনা হায়খি মদুদি মতম অমদা রাজ্য অসি ক্রাইম অমসুং আইন লৈতবগী যুগ অমা লৈরম্বা অদুগা য়াম্না খেন্নবা ফিবম অমা হৌজিক লৈরে। ঙসিদি লো অমসুং ওর্দরগী ফিবম অসি তমজনফম অমা ওইরে। হৌজিক উত্তর প্রদেসকী লো অমসুং ওর্দর অসি লৈবাক শীনবা থুংবগী খুদম অমা ওইরে।
ভারতকী সভেত্য অমসুং শেন-থুমগী পান্দমশিংগী মনুংদা উত্তর প্রদেসকী চাউখৎপা থম্লদুনা, প্রধান মন্ত্রীনা হায়খি মদুদি রাজ্য অসিদা লাক্লিবা অওনবশিংদা লৈবাক অসিগী মরুওইবা পান্দমশিং য়াওরি। ৱাশক অমা, বিকসিত ভারত অমগী ৱাশক্ক লোয়ননা, ঙসি লৈবাক শীনবা থুংনা মাঙলোমদা চঙশিল্লি। ৱাশক অসি ঙাক্নবা উত্তর প্রদেসনা মরুওইবা থৌদাং অমা লৌরি।
ভারতনা ফগৎলকপদা মালেমগী তুংদু-লৈতাদবা অমসুং মপানগী অপনবশিং পল্লদুনা, প্রধান মন্ত্রীনা হায়খি মদুদি মপানগী কিহল্লকপা কয়া লৈজরবসু চাউখৎনবগীদমক লৈবাক অসিগী অচেৎপা থাজবা লৈরি। ঐখোয় অশোই-অঙাম থোক্তবা খক নত্তনা চাউখৎপগী অনৌবা মাইপাকপশিংসু শেমগৎলি। ঐখোয়না অত্মনির্ভর ভারত কেম্পেন খুমাঙচাউশিনহল্লে। ঐখোয়না খ্বাইদগী নৌবা ইনফ্রাষ্ট্রকচর শেমগৎলি।
মহাক্কী ৱারোল লোইশিল্লকপদা, প্রধান মন্ত্রীনা হায়খি মদুদি চাউখৎপগী নমুনা অসিদা গঙ্গা এক্সপ্রেসৱে অসি খুদম অমনি। নৌনা ফংলিবা খুদোংচাবশিং অসি মশক থোকপা নুংঙাই য়াইফবা ওন্থোক্কনি হায়বগী থাজবা উত্তর প্রদেসকী মীয়ামদা থম্লি। গঙ্গা এক্সপ্রেসৱেগী কান্নবশিং ঐখোয়গী থোঙজিলদা য়ৌরক্কনি, মখোয়গী থবক শুবা কনবা অমসুং হৈথোই-শিংথোইবনা উত্তর প্রদেসকী মীয়াম্না থবক ওইনা পাংথোক্কনি হায়বগী থাজবা থম্লি।
***
(রিলিজ আই.দি.: 2256686)
ভিজিতর কাউন্তর : 16