ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ନୀତି ଆୟୋଗର ପୁନର୍ଗଠନ ପାଇଁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ
प्रविष्टि तिथि:
25 APR 2026 10:46PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନୀତି ଆୟୋଗର ପୁନର୍ଗଠନ ପାଇଁ ଶୁଭେଚ୍ଛା ଜଣାଇଥିଲେ। ସେ ଉଲ୍ଲେଖ କରିଥିଲେ ଯେ ନୀତି ଆୟୋଗ ଭାରତର ନୀତି ନିର୍ଦ୍ଧାରଣ ଢାଞ୍ଚାରେ ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ଭାବେ ଉଭା ହୋଇଛି, ଯାହା ସମବାୟ ସଂଘୀୟ ବ୍ୟବସ୍ଥାକୁ ପ୍ରୋତ୍ସାହିତ କରୁଛି, ପ୍ରମୁଖ ସଂସ୍କାରଗୁଡ଼ିକୁ ତ୍ୱରାନ୍ୱିତ କରୁଛି ଏବଂ ନାଗରିକମାନଙ୍କ ପାଇଁ 'ସହଜ ଜୀବନଶୈଳୀ ’ ବୃଦ୍ଧି କରୁଛି। ଏହି ଅନୁଷ୍ଠାନ ବିଭିନ୍ନ କ୍ଷେତ୍ରରେ ନବସୃଜନ ଏବଂ ଦୀର୍ଘକାଳୀନ ରଣନୈତିକ ଚିନ୍ତାଧାରା ପାଇଁ ଏକ ଗତିଶୀଳ ମଞ୍ଚ ଭାବେ କାର୍ଯ୍ୟ ଜାରି ରଖିଛି।
ନୀତି ଆୟୋଗର ପୁନର୍ଗଠନ ଅବସରରେ ପ୍ରଧାନମନ୍ତ୍ରୀ ଶ୍ରୀ ଅଶୋକ କୁମାର ଲାହିରୀଙ୍କୁ ଉପାଧ୍ୟକ୍ଷ ଭାବେ ନିଯୁକ୍ତି ପାଇଁ ଶୁଭେଚ୍ଛା ଜଣାଇଥିଲେ। ପୂର୍ଣ୍ଣକାଳୀନ ସଦସ୍ୟ ଭାବେ ନିଯୁକ୍ତ ହୋଇଥିବାରୁ ସେ ଶ୍ରୀ ରାଜୀବ ଗୌବା ଜୀ, ପ୍ରଫେସର କେ. ଭି. ରାଜୁ ଜୀ, ପ୍ରଫେସର ଗୋବର୍ଦ୍ଧନ ଦାସ ଜୀ, ପ୍ରଫେସର ଅଭୟ କରାଣ୍ଡିକର ଜୀ ଏବଂ ଡକ୍ଟର ଏମ୍. ଶ୍ରୀନିବାସ ଜୀଙ୍କୁ ମଧ୍ୟ ଅଭିନନ୍ଦନ ଜଣାଇଥିଲେ।
ପ୍ରଧାନମନ୍ତ୍ରୀ 'ଏକ୍ସ ’ ରେ ପୋଷ୍ଟ କରିଛନ୍ତି:
"ନୀତି ଆୟୋଗ ଭାରତର ନୀତି ନିର୍ଦ୍ଧାରଣ ଢାଞ୍ଚାରେ ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ଭାବେ ଉଭା ହୋଇଛି, ଯାହା ସମବାୟ ସଂଘୀୟ ବ୍ୟବସ୍ଥାକୁ ପ୍ରୋତ୍ସାହିତ କରୁଛି, ସଂସ୍କାରକୁ ଆଗକୁ ବଢ଼ାଉଛି ଏବଂ 'ସହଜ ଜୀବନଯାପନ' କୁ ପ୍ରୋତ୍ସାହିତ କରୁଛି। ଏହା ବିଭିନ୍ନ କ୍ଷେତ୍ରରେ ନବସୃଜନ ଏବଂ ଦୀର୍ଘକାଳୀନ ରଣନୈତିକ ଚିନ୍ତାଧାରା ପାଇଁ ଏକ ଗତିଶୀଳ ମଞ୍ଚ ଭାବେ କାର୍ଯ୍ୟ କରୁଛି।
ସରକାର ନୀତି ଆୟୋଗର ପୁନର୍ଗଠନ କରିଛନ୍ତି। ଉପାଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଥିବାରୁ ଶ୍ରୀ ଅଶୋକ କୁମାର ଲାହିରୀ ଜୀଙ୍କୁ ମୋର ଶୁଭେଚ୍ଛା। ନୀତି ଆୟୋଗର ପୂର୍ଣ୍ଣକାଳୀନ ସଦସ୍ୟ ହୋଇଥିବାରୁ ଶ୍ରୀ ରାଜୀବ ଗୌବା ଜୀ, ପ୍ରଫେସର କେ. ଭି. ରାଜୁ ଜୀ, ପ୍ରଫେସର ଗୋବର୍ଦ୍ଧନ ଦାସ ଜୀ, ପ୍ରଫେସର ଅଭୟ କରଣ୍ଡିକର ଜୀ ଏବଂ ଡକ୍ଟର ଏମ୍. ଶ୍ରୀନିବାସ ଜୀଙ୍କୁ ମଧ୍ୟ ମୋର ଶୁଭେଚ୍ଛା।
ସମସ୍ତଙ୍କୁ ଆଗକୁ ଏକ ଫଳପ୍ରଦ ଏବଂ ପ୍ରଭାବଶାଳୀ କାର୍ଯ୍ୟକାଳ କାମନା କରୁଛି "
@NITIAayog
HS
(रिलीज़ आईडी: 2256505)
आगंतुक पटल : 26
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Bengali
,
Bengali-TR
,
Assamese
,
Manipuri
,
Punjabi
,
Gujarati
,
Telugu
,
Kannada
,
Malayalam