ಮಾದಕವಸ್ತು ಸಿಂಡಿಕೇಟ್ ವಿರುದ್ಧ ಶೂನ್ಯ ಸಹಿಷ್ಣುತೆಯ ನರೇಂದ್ರ ಮೋದಿ ಸರ್ಕಾರದ ನೀತಿಗೆ ಅನುಗುಣವಾಗಿ, ಕುಖ್ಯಾತ ಮಾದಕವಸ್ತು ಕಳ್ಳಸಾಗಣೆದಾರ ಮೊಹಮ್ಮದ್ ಸಲೀಂ ಡೋಲಾ ಅವರನ್ನು ಟರ್ಕಿಯಿಂದ ಮರಳಿ ಪಡೆಯುವಲ್ಲಿ ಎನ್ ಸಿಬಿ ಇಂದು ಪ್ರಮುಖ ಪ್ರಗತಿಯನ್ನು ಸಾಧಿಸಿದೆ ಎಂದು ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಹೇಳಿದರು.

ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್ ಶಾ ಅವರು ಎಕ್ಸ್ ಪ್ಲಾಟ್ ಫಾರ್ಮ್ ನಲ್ಲಿ ಪೋಸ್ಟ್ ಮಾಡಿದ್ದು, "ಮಾದಕವಸ್ತು ಸಿಂಡಿಕೇಟ್ ವಿರುದ್ಧ ಶೂನ್ಯ ಸಹಿಷ್ಣುತೆ, ಕುಖ್ಯಾತ ಮಾದಕವಸ್ತು ಕಳ್ಳಸಾಗಣೆದಾರ ಮೊಹಮ್ಮದ್ ಸಲೀಮ್ ಡೋಲಾ ಅವರನ್ನು ಟರ್ಕಿಯಿಂದ ಮರಳಿ ಪಡೆಯುವಲ್ಲಿ ಎನ್ ಸಿ ಬಿ ಇಂದು ಪ್ರಮುಖ ಪ್ರಗತಿಯನ್ನು ಸಾಧಿಸಿದೆ. ಮಾದಕವಸ್ತು ಕಾರ್ಟೆಲ್ ಗಳನ್ನು ನಿರ್ದಯವಾಗಿ ಹೊಡೆದುರುಳಿಸುವ ನರೇಂದ್ರ ಮೋದಿ ಸರ್ಕಾರದ ಧ್ಯೇಯದ ಅಡಿಯಲ್ಲಿ, ನಮ್ಮ ಮಾದಕವಸ್ತು ವಿರೋಧಿ ಸಂಸ್ಥೆಗಳು ಜಾಗತಿಕ ಏಜೆನ್ಸಿಗಳ ದೃಢವಾದ ಜಾಲದ ಮೂಲಕ ಗಡಿಯುದ್ದಕ್ಕೂ ತಮ್ಮ ಉಗುರುಗಳನ್ನು (ಜಾಲವನ್ನು) ವಿಸ್ತರಿಸಿವೆ. ಈಗ ಅವರು ಎಲ್ಲಿ ಅಡಗಿಕೊಂಡರೂ, ಡ್ರಗ್ ಕಿಂಗ್ ಪಿನ್ ಗಳಿಗೆ ಯಾವುದೇ ಸ್ಥಳವು ಸುರಕ್ಷಿತವಲ್ಲ.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ನಾಯಕತ್ವದಲ್ಲಿ ಮತ್ತು ಕೇಂದ್ರ ಗೃಹ ಸಚಿವ ಶ್ರೀ ಅಮಿತ್ ಶಾ ಅವರ ಮಾರ್ಗದರ್ಶನದಲ್ಲಿ ಸಲೀಂ ಡೋಲಾ ಅವರ ಯಶಸ್ವಿ ವಾಪಸಾತಿಯು ಎಲ್ಲಾ ಮಾದಕವಸ್ತುಗಳಿಂದ ಗುರುತಿಸಿಕೊಂಡು ಪರಾರಿಯಾದವರು ಮತ್ತು ಸಂಘಟಿತ ಅಪರಾಧ ಸಿಂಡಿಕೇಟ್ ಗಳ ಸದಸ್ಯರನ್ನು ಪ್ರಪಂಚದಾದ್ಯಂತ ಪಟ್ಟುಬಿಡದೆ ಬೆನ್ನಟ್ಟುವ ಮೂಲಕ ನ್ಯಾಯದ ಕಟಕಟೆಗೆ ತರುವ ಸರ್ಕಾರದ ದೃಢ ಸಂಕಲ್ಪವನ್ನು ಪ್ರತಿಬಿಂಬಿಸುತ್ತದೆ.

ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್ ಸಿ ಬಿ) ಅಂತಾರಾಷ್ಟ್ರೀಯ ಮತ್ತು ಭಾರತೀಯ ಗುಪ್ತಚರ ಸಂಸ್ಥೆಗಳ ನಿಕಟ ಸಮನ್ವಯದೊಂದಿಗೆ ಟರ್ಕಿಯಿಂದ ವಾಂಟೆಡ್ ಡ್ರಗ್ಸ್ ಕಳ್ಳಸಾಗಣೆದಾರ ಮೊಹಮ್ಮದ್ ಸಲೀಮ್ ಡೋಲಾನನ್ನು 'ಆಪರೇಷನ್ ಗ್ಲೋಬಲ್-ಹಂಟ್' ಅಡಿಯಲ್ಲಿ ವಾಪಸ್ ಕರೆದೊಯ್ದಿದೆ. ಇಂದು ಮುಂಜಾನೆ ನವದೆಹಲಿಯ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಆತನನ್ನು ಎನ್ ಸಿಬಿ ವಶಕ್ಕೆ ತೆಗೆದುಕೊಂಡಿತು.

2024ರ ಮಾರ್ಚ್ ನಲ್ಲಿ ಭಾರತದ ಕೋರಿಕೆಯ ಮೇರೆಗೆ ಇಂಟರ್ ಪೋಲ್ ರೆಡ್ ನೋಟಿಸ್ ಗೆ  ಒಳಗಾದ ಸಲೀಂ ಡೋಲಾ (ಮುಂಬೈನ 59) ಭಾರತದಲ್ಲಿ ಅನೇಕ ಮಾದಕವಸ್ತು ಕಳ್ಳಸಾಗಣೆ ಪ್ರಕರಣಗಳಲ್ಲಿ ವಿಚಾರಣೆಗಾಗಿ ಬೇಕಾಗಿದ್ದನು ಮತ್ತು ಭಾರತೀಯ ಕಾನೂನು ಜಾರಿ ಸಂಸ್ಥೆಗಳಿಂದ ತಲೆಮರೆಸಿಕೊಂಡಿದ್ದನು. ವರ್ಷಗಳಲ್ಲಿ ಡೋಲಾ ಮಧ್ಯಪ್ರಾಚ್ಯ, ಆಫ್ರಿಕಾ ಮತ್ತು ಯುರೋಪಿನ ಹಲವಾರು ದೇಶಗಳಲ್ಲಿ ವ್ಯಾಪಿಸಿರುವ ಪ್ರಮುಖ ಬಹುರಾಷ್ಟ್ರೀಯ ಮಾದಕವಸ್ತು ಕಳ್ಳಸಾಗಣೆ ಸಿಂಡಿಕೇಟ್ ಅನ್ನು ಸ್ಥಾಪಿಸಿದರು. ಮಹಾರಾಷ್ಟ್ರ ಮತ್ತು ಗುಜರಾತ್ ನಲ್ಲಿ ಹೆರಾಯಿನ್, ಚರಸ್, ಮೆಫೆಡ್ರೋನ್, ಮ್ಯಾಂಡ್ರಾಕ್ಸ್ ಮತ್ತು ಮೆಥಾಂಫೆಟಮೈನ್ ನ ಅನೇಕ ಹೆಚ್ಚಿನ ಮೌಲ್ಯದ ವಶಪಡಿಸಿಕೊಂಡ ಪ್ರಕರಣಗಳಲ್ಲಿ ನೇರ ಪಾಲ್ಗೊಳ್ಳುವಿಕೆಯನ್ನು ಅವರ ಎರಡು ದಶಕಗಳ ಸುದೀರ್ಘ ಅಪರಾಧ ಹಿನ್ನೆಲೆಗಳು ಒಳಗೊಂಡಿವೆ. ಭಾರತದಲ್ಲಿ ಕೆಳಹಂತದ ವಿತರಣಾ ಜಾಲಗಳಿಗೆ ಬೃಹತ್ ಪೂರೈಕೆದಾರನಾಗಿ ಡೋಲಾ ಅವರ ಪಾತ್ರ ಸತತವಾಗಿ ಹೊರಹೊಮ್ಮಿತು. ಇದಲ್ಲದೆ, ಆತನನ್ನು ಎಟಿಎಸ್ ಗುಜರಾತ್ ಮತ್ತು ಮುಂಬೈ ಪೊಲೀಸರು ಸಹ ಬೇಕಾಗಿದ್ದಾರೆ. ಇದಕ್ಕೂ ಮೊದಲು, 2025ರಲ್ಲಿ ಯುಎಇಯಿಂದ ಗಡೀಪಾರು / ಹಸ್ತಾಂತರದ ನಂತರ ಅವರ ಮಗ ತಾಹಿಲ್ ಸಲೀಮ್ ಡೋಲಾ ಮತ್ತು ಇತರ ಸಹಚರರನ್ನು ಮುಂಬೈ ಪೊಲೀಸರು ಬಂಧಿಸಿದ್ದರು. ಈ ಪ್ರಯತ್ನವು ಟರ್ಕಿಯೆ, ಇಂಟರ್ ಪೋಲ್ ಮತ್ತು ಭಾರತೀಯ ಏಜೆನ್ಸಿಗಳ ನಡುವಿನ ನಿಕಟ ಸಹಕಾರ ಮತ್ತು ಸಂಘಟಿತ ಕ್ರಮಕ್ಕೆ ಉದಾಹರಣೆಯಾಗಿದೆ.

*****