કેન્દ્રીય ગૃહ અને સહકારિતા મંત્રી શ્રી અમિત શાહે જણાવ્યું હતું કે નાર્કો સિન્ડિકેટ વિરુદ્ધ મોદી સરકારની 'ઝીરો ટોલરન્સ' નીતિને અનુરૂપ, NCB એ આજે તુર્કીથી કુખ્યાત ડ્રગ સ્મગલર મોહમ્મદ સલીમ ડોલાને પાછા લાવવામાં મોટી સફળતા મેળવી છે.

X પ્લેટફોર્મ પર એક પોસ્ટમાં કેન્દ્રીય ગૃહ અને સહકારિતા મંત્રી શ્રી અમિત શાહે જણાવ્યું હતું કે મોદી સરકારની નાર્કો સિન્ડિકેટ વિરુદ્ધ ઝીરો ટોલરન્સની નીતિ હેઠળ NCB એ આજે તુર્કીથી કુખ્યાત ડ્રગ સ્મગલર મોહમ્મદ સલીમ ડોલાને પાછા લાવવામાં મોટી સફળતા મેળવી છે. તેમણે કહ્યું કે મોદી સરકારના ડ્રગ કાર્ટેલને સંપૂર્ણપણે ખતમ કરવાના મિશન હેઠળ, આપણી નાર્કોટિક્સ વિરોધી એજન્સીઓએ વૈશ્વિક એજન્સીઓના એક મજબૂત નેટવર્ક દ્વારા સરહદો પાર પણ પોતાની પકડ બનાવી લીધી છે. શ્રી શાહે કહ્યું કે ડ્રગ માફિયાઓ ગમે ત્યાં છુપાઈ જાય, હવે તેમના માટે કોઈ પણ જગ્યા સુરક્ષિત નથી.

પ્રધાનમંત્રી શ્રી નરેન્દ્ર મોદીના નેતૃત્વ અને કેન્દ્રીય ગૃહ મંત્રી શ્રી અમિત શાહના માર્ગદર્શન હેઠળ, સલીમ ડોલાની વાપસી સરકારના તમામ નાર્કોટિક્સ ભગોડાઓ અને સંગઠિત અપરાધ સિન્ડિકેટના સભ્યોને કાયદાના કટહેરામાં લાવવાના મજબૂત ઈરાદાને દર્શાવે છે.

NCB એ આંતરરાષ્ટ્રીય અને ભારતીય ગુપ્તચર એજન્સીઓ સાથે મળીને, 'ઓપરેશન ગ્લોબલ-હન્ટ' હેઠળ વોન્ટેડ ડ્રગ સ્મગલર મોહમ્મદ સલીમ ડોલાને તુર્કીથી પાછા લાવવામાં સફળતા મેળવી છે. આજે સવારે નવી દિલ્હીના IGI એરપોર્ટ પર પહોંચતા જ NCB એ તેને કસ્ટડીમાં લીધો હતો.

સલીમ ડોલા (59 વર્ષ, મુંબઈ નિવાસી) વિરુદ્ધ માર્ચ, 2024માં ભારતની વિનંતી પર INTERPOL રેડ નોટિસ જારી કરવામાં આવી હતી. ભારતમાં માદક દ્રવ્યોની તસ્કરીના અનેક કેસોમાં કેસ ચલાવવા માટે તેની શોધ હતી અને તે ભારતીય કાયદા અમલીકરણ એજન્સીઓની પકડની બહાર હતો. છેલ્લા કેટલાક વર્ષોમાં, ડોલાએ મધ્ય પૂર્વ, આફ્રિકા અને યુરોપના અનેક દેશોમાં ફેલાયેલું એક મોટું આંતરરાષ્ટ્રીય ડ્રગ સ્મગલિંગ સિન્ડિકેટ ઉભું કર્યું હતું. ડોલાના બે દાયકાના ગુનાહિત ઇતિહાસમાં મહારાષ્ટ્ર અને ગુજરાતમાં હેરોઈન, ચરસ, મેફેડ્રોન, મેન્ડ્રેક્સ અને મેથામફેટામાઈનનો મોટો જથ્થો પકડાયાના કેસોમાં ડોલાની સીધી ભૂમિકા છે. ભારતમાં નીચલા સ્તરના વિતરણ નેટવર્ક માટે હોલસેલ સપ્લાયર તરીકે સલીમ ડોલાની ભૂમિકા સતત સામે આવતી રહી છે. આ ઉપરાંત, ગુજરાત ATS અને મુંબઈ પોલીસને પણ તેની શોધ હતી.

આ અગાઉ, તેના પુત્ર તાહિલ સલીમ ડોલા અને અન્ય સહયોગીઓને 2025માં UAE થી પ્રત્યાર્પણ/વાપસી બાદ મુંબઈ પોલીસે ધરપકડ કરી હતી. આ પ્રયાસ તુર્કીના સત્તાધિશો, INTERPOL અને ભારતીય એજન્સીઓ વચ્ચેના શ્રેષ્ઠ સહયોગ અને સંકલિત કાર્યવાહીનું એક ઉત્તમ ઉદાહરણ છે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com