شمال مشرقی خطے کی ترقی کی وزارت (ڈی او این ای آر) کے سکریٹری سنجے جاجو ریاست تریپورہ کے تین روزہ دورے پر آج دوپہر اگرتلہ پہنچے ۔ دوپہر  میں  انہوں نے کیلاشہر میں واقع آثار قدیمہ اور سیاحتی مقام اوناکوٹی کا دورہ کیا ۔ انہوں نے پہاڑی ڈھلوانوں پر کندہ چٹانوں کو تراش کر بنائے  گئے منفرد فن تعمیر اور مجسموں کا مشاہدہ کیا اور انہیں اس جگہ کی تاریخ ، ورثے کی اہمیت اور اس سے وابستہ افسانوں کے بارے میں بتایا گیا ۔ انہوں نے اوناکوٹی کوفروغ دینے کے لیے کیے گئے اقدامات کا بھی جائزہ لیا اور بھارت کے محکمہ آثار قدیمہ کے ذریعے کیے جانے والے کاموں کے بارے میں معلومات حاصل کی ۔

دورے کے دوران ، ان کے ساتھ ڈی او این ای آر  کے ڈائریکٹر وویک گوئل ، ریاستی منصوبہ بندی محکمہ کے سکریٹری ایل ٹی دارلانگ،  اناکوٹی کے ضلع مجسٹریٹ ڈاکٹر تمل مجومدار  دیگر افراد موجود تھے۔ اوناکوٹی پہنچنے پر بھارت کے محکمہ آثار قدیمہ اور ضلع انتظامیہ کے عہدیداروں نے ان کا پرتپاک استقبال کیا ۔

شیو تیرتھ استھل اوناکوٹی کا دورہ کرنے کے بعد ، جناب جاجو نے کہا کہ تریپورہ کے ان کے تین روزہ دورے کا مقصد مرکزی حکومت کی طرف سے مالی اعانت سے جاری اور مکمل کیے گئے پروجیکٹوں کی پیش رفت کا جائزہ لینا ہے۔ انہوں نے اوناکوٹی کے فن تعمیراور مجسمہ سازی کے ورثے پر  گہری تحسین کا اظہار کیا ۔

بعد میں ، جناب جاجو نے شمالی تریپورہ ضلع کے دھرم نگر سب ڈویژن کے پھول باری میں اگر (عود) کی کاشت کرنے والے  گاؤں کا دورہ کیا ۔ انہوں نے عود کے  کاشتکاروں کے ساتھ بات چیت کی اور ریاست میں عود  کی کاشت کے وسیع امکانات کا ذکر کیا ۔ انہوں نے عود کے کسانوں کو درپیش مختلف مسائل کو حل کرنے کے لیے مرکزی حکومت کی ٹاسک فورس کے قیام کا ذکر کیا ۔ انہوں نے مزید کہا کہ ٹاسک فورس کی سفارشات کی بنیاد پر عود  کی کاشت کو بڑھانے کے لیے کئی اقدامات کیے جا رہے ہیں ۔

اتوار کو جناب جاجو سپاہی جالا وائلڈ لائف سینکچری کا دورہ کریں گے اور بشرام گنج میں پی ایم-ڈیوائن پروجیکٹ کا معائنہ کریں گے ۔ اس کے بعد وہ ماتاباری میں تریپورہ سندری مندر کا دورہ کرنے کے لیے نیر محل کے راستے سفر کریں گے ۔ کل وہ مہارانی بیراج کا معائنہ کریں گے اور چابیمورا اور ڈمبور میں ناریل کے باغ کی طرف بھی جائیں گے ۔

কেন্দ্রীয় সরকারের উত্তর পূর্ব উন্নয়ণ মন্ত্রক বা ডোনার এর সচিব শ্রী সঞ্জয় জাজু তিন দিনের রাজ্য সফরের উদ্দেশ্যে আজ দুপুরে আগরতলায় পৌঁছেন@PIBDoNER @PIBGuwahati @aaiagtairport @MIB_India pic.twitter.com/BGgo5rRPTq

— PIB in Tripura (@PIBAgartala) April 25, 2026

***

(ش ح۔م ش۔م ش)

U:6385

(ریلیز آئی ڈی: 2256117) وزیٹر کاؤنٹر : 4