অৱাং নোংপোক লমদমগী চাওখৎ-থৌরাং মন্ত্রালয়গী সেক্রেতরি সঞ্জয় জাজুনা ত্রিপুরাদা নুমিৎ হুম্নিগী খোঙচৎ অমদা ঙসি নুমিদাংৱাইরম অগর্তলাদা থুংখ্রে। নুমিদাংৱাইরমদা মহাক্না কৈলাশহরদা লৈবা আর্কিওলোজিকেল অমসুং তুরিস্ত মফম উনাকোতিদা চৎখি। মহাক্না লমদম অসিগী শিংথানিংঙাই ওইবা শিল-লাংবা আর্কিতেকচর অমসুং স্কল্পচরশিং অসি থিজিনখি অমসুং মফম অসিগী পুৱারি, হেরিতেজগী মরুওইবা অমসুং মরি লৈনবা লিজেন্সকি মতাংদা পাওদমখি। মহাক্না উনাকোতি হেঙ্গৎহন্নবা পায়খৎলিবা খোঙথাংশিংসু য়েংশিনখি অমসুং আর্কিওলোজিকেল সর্ভে ওফ ইন্দিয়ানা পায়খৎলিবা থবকশিংগী মতাংদসু ৱা হংখি।

খোঙচৎ অদুদা মহাক্কা লোয়ননা দোনরগী দিরেক্তর বিবেক গোয়ল, স্তেতক প্লানিং দিপার্তমেন্তকি সেক্রেতরি এল.তি. দার্লোং, অমসুং উনাকোতি দিস্ত্রিক্ত মেজিস্ত্রেৎ দা. তামল মজুমদারগা লোয়নখি। মহাক্না উনাকোতিদা য়ৌরকপা মতমদা ভারতকি আর্কিওলোজিকেল সর্ভে ওফ ইন্দিয়াগী ওফিসিএলশিং অমসুং দিস্ত্রিক্ত এদমিনিস্ত্রেসন্না নুংঙাইনা তরাম্না ওকখি।

উনাকোতিদা শৈভাইতকী তির্থদা চৎলবা মতুংদা শ্রী জাজুনা হায়খি মদুদি মহাক্কি নুমিৎ হুম্নিগী ত্রিপুরা খোঙচৎ অসি কেন্দ্র সরকারনা শেল থাদদুনা হৌজিক চত্থরিবা অমসুং লোয়রবা প্রোজেক্তশিংগী প্রোগ্রেস অদু য়েংশিন্নবা পান্দমগা লোয়ননা হৌখিবনি। মহাক্না উনাকোতিগী আর্কিতেকচর অমসুং স্কল্পচরগী হেরিতেজ অসিবু য়াম্না থাগৎপা ফোঙদোকখি।

মতুংদা শ্রী জাজুনা নোংপোক ত্রিপুরা জিলাগী ধরমনগর সবদিভিজনগী ফুলৱারিদা লৈবা অগর থাবা খুঙ্গং অমদা চৎখি। মহাক্না অগার থারিবশিংগা ৱারি শানখি অমসুং রাজ্য অসিদা আগার থাবগী চাওরবা মঙম অদু থোইদোকপা মওংদা হায়খি। অগর থাবশিংনা থেংনরিবা তোঙান-তোঙানবা ইসুশিং কোকহন্নবা কেন্দ্র সরকারগী তাস্ক ফোর্স অমা শেম্বগী মতাংদা মহাক্না পনখি। মহাক্না মখা তানা হায়খি মদুদি তাস্ক ফোর্সকি রিকমেন্দেসনশিংদা য়ুমফম ওইরগা অগরগী লৌউ-শিংউ পাকথোক-চাউথোকনবা ইনিসিয়েতিব কয়া অমা পায়খৎলি।

নোংমাইজিং নুমিত্তা শ্রী জাজু সেপাহিজালা ৱাইল্দলাইফ সেঙ্কচুয়রিদা চৎকনি অমসুং বিশ্রামগঞ্জদা লৈবা পি.এম.-দিভাইন থিজিনগনি। মদুগী মতুংদা মহাক নিরমহলগী লম্বিদা চত্তুনা মতাবারিদা লৈবা ত্রিপুরা সুন্দরি লাইশঙদা চৎকনি। হয়েং মহাক মহারানি বেরেজ য়েংশিনগনি অমসুং চাবিমুরা অমসুং দম্বুরদা লৈবা য়ুবীগী লমদা চৎকনি।

কেন্দ্রীয় সরকারের উত্তর পূর্ব উন্নয়ণ মন্ত্রক বা ডোনার এর সচিব শ্রী সঞ্জয় জাজু তিন দিনের রাজ্য সফরের উদ্দেশ্যে আজ দুপুরে আগরতলায় পৌঁছেন@PIBDoNER @PIBGuwahati @aaiagtairport @MIB_India pic.twitter.com/BGgo5rRPTq

— PIB in Tripura (@PIBAgartala) April 25, 2026

***