পশ্চিম এছিয়াৰ বিকাশশীল পৰিস্থিতিৰ প্ৰতি লক্ষ্য ৰাখি ভাৰত চৰকাৰে সমন্বিত ব্যৱস্থাৰ জৰিয়তে মূল খণ্ডসমূহত প্ৰস্তুতি আৰু ধাৰাবাহিকতা নিশ্চিত কৰাত সক্ৰিয়ভাৱে জড়িত হৈ আছে। তলৰ তথ্যবোৰৰ জড়িয়তে শক্তি যোগান, সামুদ্ৰিক কাৰ্য্যকলাপ, আৰু অঞ্চলটোৰ ভাৰতীয় নাগৰিকসকলক সহায় কৰাটো নিশ্চিত কৰাৰ বাবে গ্ৰহণ কৰা পদক্ষেপসমূহৰ ৰূপৰেখা দাঙি ধৰা হৈছে:

শক্তি যোগান আৰু ইন্ধনৰ উপলব্ধতা

হৰমুজ প্ৰণালীৰ বৰ্তমান পৰিস্থিতিৰ পোহৰত পেট্ৰলিয়াম আৰু প্ৰাকৃতিক গেছ মন্ত্ৰালয়ে সমগ্ৰ দেশতে পেট্ৰলিয়াম সামগ্ৰী আৰু এল পি জিৰ নিৰৱচ্ছিন্ন উপলব্ধতা নিশ্চিত কৰাৰ বাবে পদক্ষেপ গ্ৰহণ কৰিছে। মন্ত্ৰালয়ৰ মতে:

পৰামৰ্শ আৰু নাগৰিক সজাগতা

• নাগৰিকসকলক পেট্ৰ’ল, ডিজেল, আৰু এল পি জিৰ আতংকিত ক্ৰয়ৰ পৰা আঁতৰি থাকিবলৈ পৰামৰ্শ দিয়া হৈছে, কিয়নো চৰকাৰে পেট্ৰ’ল, ডিজেলআৰু এল পি জিৰ উপলব্ধতা নিশ্চিত কৰাৰ বাবে সকলো প্ৰচেষ্টা চলাইছে।
• উৰাবাতৰিৰ পৰা সাৱধান হওক আৰু সঠিক তথ্যৰ বাবে কেৱল চৰকাৰী উৎসৰ ওপৰত নিৰ্ভৰ কৰক।
• এল পি জি গ্ৰাহকসকলক ডিজিটেল বুকিং প্লেটফৰ্ম ব্যৱহাৰ কৰিবলৈ আৰু বিতৰকসকলৰ ওচৰলৈ যোৱাৰ পৰা বিৰত থাকিবলৈ অনুৰোধ জনোৱা হৈছে।
• নাগৰিকক বিকল্প ইন্ধন যেনে পিএনজি আৰু বৈদ্যুতিক বা ইণ্ডাকচন কুকটপ ব্যৱহাৰ কৰিবলৈ উৎসাহিত কৰা হয়।
• সাম্প্ৰতিক পৰিস্থিতিৰ সময়ত সকলো নাগৰিককে দৈনন্দিন ব্যৱহাৰত শক্তি সংৰক্ষণ কৰিবলৈ আহ্বান জনোৱা হৈছে।

চৰকাৰী প্ৰস্তুতি আৰু যোগান ব্যৱস্থাপনা

• বৰ্তমানৰ ভূ-ৰাজনৈতিক পৰিস্থিতিৰ মাজতো চৰকাৰে ঘৰুৱা এল পি জি, ঘৰুৱা পি এন জি, আৰু চি এন জি (পৰিবহণ) ১০০% যোগান নিশ্চিত কৰিছে।
• বাণিজ্যিক এল পি জিৰ বাবে চিকিৎসালয় আৰু শিক্ষানুষ্ঠানক অগ্ৰাধিকাৰ দিয়া হৈছে। তদুপৰি ঔষধ, তীখা, অটোম’বাইল, বীজ, কৃষি আদি খণ্ডকো অগ্ৰাধিকাৰ দিয়া হৈছে। ইয়াৰ উপৰি২০২৬ চনৰ ২ আৰু ৩ মাৰ্চৰ গড় দৈনিক যোগানৰ ভিত্তিত প্ৰব্ৰজিত শ্ৰমিকসকলক ৫ কিলোগ্ৰাম এফটিএলৰ যোগানো দুগুণ কৰা হৈছে।
• চৰকাৰে ইতিমধ্যে যোগান আৰু চাহিদা দুয়োটা দিশতে কেইবাটাও যুক্তিবাদীকৰণ ব্যৱস্থা ৰূপায়ণ কৰিছে; ইয়াৰ ভিতৰত শোধনাগাৰৰ উৎপাদন বৃদ্ধি কৰা, চহৰ অঞ্চলত ২১ দিন আৰু গ্ৰাম্য অঞ্চলত ৪৫ দিনলৈ বুকিং ব্যৱধান বৃদ্ধি কৰা, যোগানৰ বাবে বিভিন্ন খণ্ডক অগ্ৰাধিকাৰ দিয়া আদি অন্যতম।
• এল পি জিৰ চাহিদাৰ চাপ কমোৱাৰ বাবে কেৰাচিন আৰু কয়লাৰ দৰে বিকল্প ইন্ধন উপলব্ধ কৰা হৈছে।
• কয়লা মন্ত্ৰালয়ে কোল ইণ্ডিয়া আৰু চিংগাৰেনী কলিয়াৰীক ক্ষুদ্ৰ তথা মজলীয়া গ্ৰাহকক বিতৰণৰ বাবে ৰাজ্যসমূহক অতিৰিক্ত কয়লা আবণ্টন দিবলৈ নিৰ্দেশ দিছে।
• ৰাজ্যসমূহক ঘৰুৱা আৰু বাণিজ্যিক গ্ৰাহকসকলক নতুন পিএনজি সংযোগ প্ৰদানৰ প্ৰক্ৰিয়াটো সুশৃংখলিত কৰিবলৈ পৰামৰ্শ দিয়া হৈছে।

ৰাজ্য/কেন্দ্ৰীয় শাসিত অঞ্চলৰ সৈতে সমন্বিত প্ৰচেষ্টা আৰু প্ৰতিষ্ঠানিক ব্যৱস্থা

• ৰাজ্য চৰকাৰসমূহক অত্যাৱশ্যকীয় সামগ্ৰী আইন, ১৯৫৫ আৰু এল পি জি নিয়ন্ত্ৰণ আদেশ, ২০০০ৰ অধীনত যোগান নিৰীক্ষণ আৰু জমা আৰু ক’লা বিপণনৰ বিৰুদ্ধে ব্যৱস্থা গ্ৰহণৰ ক্ষমতা প্ৰদান কৰা হৈছে।
• পেট্ৰ’ল, ডিজেল, আৰু এল পি জিকে ধৰি অত্যাৱশ্যকীয় সামগ্ৰীৰ যোগানৰ পৰিস্থিতি নিৰীক্ষণ আৰু নিয়ন্ত্ৰণ কৰাত ৰাজ্য/কেন্দ্ৰীয় শাসিত অঞ্চল চৰকাৰসমূহৰ মূল ভূমিকা আছে। ভাৰত চৰকাৰে কেইবাখনো চিঠি আৰু ভিডিঅ’ কনফাৰেন্স (ভিচি)ৰ জৰিয়তে সকলো ৰাজ্য/কেন্দ্ৰীয় শাসিত অঞ্চললৈ এই কথা পুনৰাবৃত্তি কৰিছে।
• ভাৰত চৰকাৰে ২৭.০৩.২০২৬ আৰু ০২.০৪.২০২৬ তাৰিখৰ পত্ৰৰ জৰিয়তে নাগৰিকসকলক পৰ্যাপ্ত ইন্ধনৰ উপলব্ধতাৰ বিষয়ে আশ্বস্ত কৰিবলৈ সক্ৰিয় ৰাজহুৱা যোগাযোগৰ প্ৰয়োজনীয়তাৰ ওপৰত গুৰুত্ব আৰোপ কৰিছে। ৰাজ্য/কেন্দ্ৰীয় শাসিত অঞ্চলৰ সৈতে নিয়মীয়াকৈ পৰ্যালোচনা বৈঠক অনুষ্ঠিত কৰা হৈছে। এই প্ৰসংগত ০২.০৪.২০২৬ (এম অ’ পি এন জিৰ সচিবৰ অধ্যক্ষতাত) আৰু ০৬.০৪.২০২৬ তাৰিখে (এম অ’ পি এন জিৰ সচিবৰ অধ্যক্ষতাততথ্য আৰু সম্প্ৰচাৰ তথা গ্ৰাহক পৰিক্ৰমা সচিবসকলৰ সৈতে) সভা আহ্বান কৰা হয়, য’ত তলত উল্লেখ কৰা বিষয়সমূহৰ ওপৰত গুৰুত্ব আৰোপ কৰা হয়।
  • দৈনিক সংবাদ মেল আৰু নিয়মীয়াকৈ ৰাজহুৱা পৰামৰ্শ জাৰি কৰা।
  • ছ’চিয়েল মিডিয়াত প্ৰচাৰিত ভুৱা বাতৰি/ভুল তথ্য সক্ৰিয়ভাৱে নিৰীক্ষণ আৰু খণ্ডন কৰা।
  • জিলা প্ৰশাসনৰ দ্বাৰা দৈনিক বলৱৎকাৰী অভিযান তীব্ৰতৰ কৰা আৰু তেল বিপণন কোম্পানী (অ’এমচি)ৰ সৈতে সমন্বয়ত অভিযান আৰু পৰিদৰ্শন অব্যাহত ৰখা।
  • তেওঁলোকৰ ৰাজ্য/কেন্দ্ৰীয় শাসিত অঞ্চলৰ ভিতৰত বাণিজ্যিক এল পি জি আবণ্টনৰ আদেশ জাৰি কৰা।
  • ৰাজ্য/কেন্দ্ৰীয় শাসিত অঞ্চললৈ আবণ্টিত অতিৰিক্ত এছ কে অ’ (কেৰাচিন)ৰ বাবে এছ কে অ’ আবণ্টনৰ আদেশ জাৰি কৰা।
  • পিএনজি (পাইপেড প্ৰাকৃতিক গেছ) আৰু বিকল্প ইন্ধন গ্ৰহণক প্ৰসাৰ কৰা।
  • বিশেষকৈ ঘৰুৱা প্ৰয়োজনীয়তাৰ বাবে এলপিজি যোগানক অগ্ৰাধিকাৰ দিয়া আৰু যোগানৰ স্থিৰতা নিশ্চিত কৰিবলৈ ৫ কিলোগ্ৰাম এফটিএল চিলিণ্ডাৰৰ লক্ষ্য নিৰ্ধাৰণ কৰা বিতৰণ গ্ৰহণ কৰা।
• সকলো ৰাজ্য/কেন্দ্ৰীয় শাসিত অঞ্চলে মজুত আৰু ক’লা বিপণন ৰোধ কৰিবলৈ নিয়ন্ত্ৰণ কক্ষ আৰু জিলা নিৰীক্ষণ সমিতি গঠন কৰিছে।
• কেইবাখনো ৰাজ্য/কেন্দ্ৰীয় শাসিত অঞ্চলে সংবাদ বিবৃতি জাৰি/সংগঠন কৰি আছে।

বলৱৎকাৰী আৰু নিৰীক্ষণ

• এল পি জিৰ অবৈধ মজুত আৰু ক’লা বিপণন ৰোধৰ বাবে সমগ্ৰ দেশতে বলৱৎকাৰী ব্যৱস্থা চলি আছে। কালি দেশৰ ২১০০ৰো অধিক স্থানত এই অভিযান চলোৱা হয়।
• পি এছ ইউৰ তেল বিপণন কোম্পানীসমূহে আকস্মিক পৰিদৰ্শন শক্তিশালী কৰিছে আৰু কালিলৈকে ৩১০টা এল পি জি বিতৰকক জৰিমনা বিহা হৈছে আৰু ৭০টা এল পি জি বিতৰক প্ৰতিষ্ঠানক নিলম্বন কৰা হৈছে।

এল পি জি যোগান

ঘৰুৱা এল পি জি যোগান পৰিস্থিতি:

• বৰ্তমানৰ ভূ-ৰাজনৈতিক পৰিস্থিতিৰ বাবে এল পি জি যোগানৰ ওপৰত প্ৰভাৱ অব্যাহত আছে।
• ঘৰুৱা পৰিয়ালক এল পি জি যোগান ধৰাত অগ্ৰাধিকাৰ দিয়া হৈছে।
• এল পি জি বিতৰকত ষ্টক আউট হোৱাৰ কোনো খবৰ পোৱা নাই।
• কালি উদ্যোগ পৰ্যায়ত অনলাইন এল পি জি চিলিণ্ডাৰ বুকিং প্ৰায় ৯৮% লৈ বৃদ্ধি পাইছে।
• চিলিণ্ডাৰ ডাইভাৰচন ৰোধ কৰিবলৈ ডেলিভাৰী প্ৰমাণীকৰণ ক'ড (DAC)-ভিত্তিক ডেলিভাৰী প্ৰায় ৯৪% লৈ বৃদ্ধি কৰা হৈছে। গ্ৰাহকৰ পঞ্জীয়নভুক্ত মোবাইল নম্বৰত DAC প্ৰেৰণ কৰা হয়।
• ২৫.০৪.২০২৬ তাৰিখলৈকে ৫১.৮ লাখৰো অধিক ঘৰুৱা এল পি জি চিলিণ্ডাৰ ডেলিভাৰী কৰা হৈছে।

বাণিজ্যিক এল পি জি যোগান আৰু আবণ্টন ব্যৱস্থা :

• মুঠ বাণিজ্যিক এল পি জি আবণ্টন সংকটৰ পূৰ্বৰ স্তৰৰ প্ৰায় ৭০% লৈ বৃদ্ধি কৰা হৈছে, য’ত ১০% সংস্কাৰ ভিত্তিক আবণ্টনও অন্তৰ্ভুক্ত কৰা হৈছে।
• ভাৰত চৰকাৰে ০৬.০৪.২০২৬ তাৰিখৰ এখন পত্ৰৰ জৰিয়তে জনাইছে যে প্ৰতিখন ৰাজ্যৰ প্ৰব্ৰজিত শ্ৰমিকক বিতৰণৰ বাবে উপলব্ধ ৫ কেজি এফটিএল চিলিণ্ডাৰৰ দৈনিক পৰিমাণ দুগুণ বৃদ্ধি কৰা হৈছে। এই বৃদ্ধি ২০২৬ চনৰ ২-৩ মাৰ্চৰ ভিতৰত প্ৰব্ৰজিত শ্ৰমিকসকলক কৰা গড় দৈনিক যোগান (চিলিণ্ডাৰৰ সংখ্যা)ৰ ওপৰত ভিত্তি কৰি কৰা হৈছে, যিটো ২১.০৩.২০২৬ তাৰিখৰ পত্ৰখনত উল্লেখ কৰা ২০% সীমাৰ ওপৰত। এই ৫ কেজি এফটিএল চিলিণ্ডাৰসমূহ ৰাজ্য চৰকাৰৰ হাতত থাকিব আৰু কেৱল তেওঁলোকৰ ৰাজ্যৰ ভিতৰত প্ৰব্ৰজিত শ্ৰমিকসকলক যোগান ধৰাৰ বাবে ব্যৱহাৰ কৰা হ’ব; তেল বিপণন কোম্পানী (অ’এমচি)ৰ সহযোগত।
• ২০২৬ চনৰ ১ এপ্ৰিলৰ পৰা ১৯.৪৪ লাখতকৈ অধিক ৫ কেজি এফটিএল চিলিণ্ডাৰ বিক্ৰী হৈছে।
• কালি সমগ্ৰ দেশতে প্ৰায় ৮২,০০০ ৫ কেজি এফটিএল চিলিণ্ডাৰ বিক্ৰী হয়।
• ২০২৬ চনৰ ৩ এপ্ৰিলৰ পৰা পিএছইউ অ’এমচিয়ে ৫ কিলোগ্ৰাম এফটিএল চিলিণ্ডাৰৰ বাবে ৮৯৫০টাতকৈও অধিক সজাগতা শিবিৰৰ আয়োজন কৰিছে, য’ত ১,৪২,০০০ৰো অধিক ৫ কিলোগ্ৰামৰ এফটিএল চিলিণ্ডাৰও বিক্ৰী কৰা হৈছে।
• কালি ১৯০ টাতকৈও অধিক শিবিৰৰ জৰিয়তে ৩৮৪৬ টা ৫ কেজি এফটিএল চিলিণ্ডাৰ বিক্ৰী কৰা হয়।
• আই অ’ চি এল, এইচ পি চি এল আৰু বি পি চি এলৰ কাৰ্যবাহী সঞ্চালকৰে গঠিত তিনিজনীয়া সমিতিয়ে ৰাজ্য/কেন্দ্ৰীয় শাসিত অঞ্চলসমূহত বাণিজ্যিক এল পি জি বিতৰণৰ পৰিকল্পনা কৰিবলৈ ৰাজ্যিক কৰ্তৃপক্ষ আৰু উদ্যোগ সংস্থাসমূহৰ সৈতে সমন্বয় সাধন কৰি আছে।
• ২৬ এপ্ৰিল মাহত (২৫.০৪.২০২৬ লৈকে) মুঠ ১,৬৪,৬৫৫ মেট্ৰিক টন (৮৬.৬৬ লাখতকৈ অধিক ১৯ কিলোগ্ৰাম এল পি জি চিলিণ্ডাৰৰ সমতুল্য) বাণিজ্যিক এল পি জি বিক্ৰী কৰা হৈছিল।
• ২৫.০৪.২০২৬ তাৰিখলৈকে ৯১৩১ মেট্ৰিক টন বাণিজ্যিক এল পি জি (প্ৰায় ৪.৮০ লাখ ১৯ কেজি চিলিণ্ডাৰৰ সমতুল্য) বিক্ৰী কৰা হৈছে।

প্ৰাকৃতিক গেছ যোগান আৰু পিএনজি সম্প্ৰসাৰণৰ পদক্ষেপ

• গ্ৰাহকক অগ্ৰাধিকাৰ দিয়া হৈছে, ডি-পিএনজি আৰু চিএনজি-পৰিবহণৰ বাবে ১০০% যোগান নিশ্চিত কৰা হৈছে।
• সাৰ উদ্যোগলৈ মুঠ গেছৰ আবণ্টন ছমাহৰ গড় ব্যৱহাৰৰ প্ৰায় ৯৫% লৈ বৃদ্ধি কৰা হৈছে।
• ইয়াৰ উপৰিও চিজিডি নেটৱৰ্কৰ জৰিয়তে যোগানকে ধৰি অন্যান্য ঔদ্যোগিক আৰু বাণিজ্যিক খণ্ডলৈ গেছৰ যোগান ৮০% বৃদ্ধি কৰা হৈছে।
• চিজিডি সত্তাসমূহক তেওঁলোকৰ সকলো জিএ (ভৌগোলিক অঞ্চল)ত হোটেল, ৰেষ্টুৰেণ্ট, আৰু কেণ্টিনৰ দৰে বাণিজ্যিক প্ৰতিষ্ঠানৰ বাবে পিএনজি সংযোগক অগ্ৰাধিকাৰ দিবলৈ পৰামৰ্শ দিয়া হৈছে, যাতে বাণিজ্যিক এলপিজিৰ উপলব্ধতাৰ সম্পৰ্কে উদ্বেগসমূহ সমাধান কৰিব পৰা যায়।
• আইজিএল, এমজিএল, গেইল গেছ, আৰু বিপিচিএলকে ধৰি চিজিডি কোম্পানীসমূহে ঘৰুৱা আৰু বাণিজ্যিক পিএনজি সংযোগৰ বাবে প্ৰৰোচনা আগবঢ়াইছে।
• ৰাজ্য/কেন্দ্ৰীয় শাসিত অঞ্চল আৰু কেন্দ্ৰীয় মন্ত্ৰালয়সমূহক চিজিডি নেটৱৰ্ক সম্প্ৰসাৰণৰ বাবে প্ৰয়োজনীয় অনুমোদনৰ প্ৰক্ৰিয়া ক্ষিপ্ৰ কৰিবলৈ অনুৰোধ কৰা হৈছে।
• ভাৰত চৰকাৰে ১৮.০৩.২০২৬ তাৰিখৰ পত্ৰৰ ভিত্তিত সকলো ৰাজ্য/কেন্দ্ৰীয় শাসিত অঞ্চললৈ অতিৰিক্ত ১০% বাণিজ্যিক এল পি জি আবণ্টনৰ প্ৰস্তাৱ দিছে, যদিহে তেওঁলোকে এল পি জিৰ পৰা পি এন জিলৈ দীৰ্ঘম্যাদী পৰিৱৰ্তনক সমৰ্থন কৰে।
• ২২খন ৰাজ্য/কেন্দ্ৰীয় শাসিত অঞ্চলে পিএনজি সম্প্ৰসাৰণ সংস্কাৰৰ সৈতে জড়িত অতিৰিক্ত বাণিজ্যিক এলপিজি আবণ্টন লাভ কৰিছে।
• পথ পৰিবহণ আৰু ঘাইপথ মন্ত্ৰালয়ে ২৪.০৩.২০২৬ তাৰিখৰ পত্ৰৰ ভিত্তিত চিজিডি আন্তঃগাঁথনিৰ আবেদনসমূহ অগ্ৰাধিকাৰ ভিত্তিত প্ৰক্ৰিয়াকৰণৰ বাবে ৩ মাহৰ নিৰ্দিষ্ট সময়ৰ বাবে ‘চুটি সময়সীমাৰ সৈতে চিজিডি আন্তঃগাঁথনিৰ বাবে দ্ৰুত অনুমোদন কাঠামো’ গ্ৰহণ কৰিছে।
• ভাৰত চৰকাৰে ২৪.০৩.২০২৬ তাৰিখৰ ভাৰতীয় গেজেটৰ জৰিয়তে অত্যাৱশ্যকীয় সামগ্ৰী আইন, ১৯৫৫ৰ অধীনত ‘প্ৰাকৃতিক গেছ আৰু পেট্ৰলিয়াম সামগ্ৰী বিতৰণ (পাইপলাইন আৰু অন্যান্য সুবিধাসমূহ স্থাপন, নিৰ্মাণ, পৰিচালনা আৰু সম্প্ৰসাৰণৰ দ্বাৰা) আদেশ, ২০২৬’ অধিসূচনা কৰিছে। এই আদেশে সমগ্ৰ দেশতে পাইপলাইন স্থাপন আৰু সম্প্ৰসাৰণৰ বাবে এক সুশৃংখলিত আৰু সময়সীমাবদ্ধ কাঠামো প্ৰদান কৰে, অনুমোদন লাভ আৰু ভূমিৰ প্ৰৱেশত হোৱা পলমৰ সমাধান কৰে, আৰু আৱাসিক অঞ্চলকে ধৰি প্ৰাকৃতিক গেছৰ আন্তঃগাঁথনিৰ দ্ৰুত উন্নয়ন সক্ষম কৰে। ইয়াৰ দ্বাৰা পিএনজি নেটৱৰ্কৰ বিকাশ ত্বৰান্বিত হ’ব, শেষ মাইলৰ সংযোগ উন্নত হ’ব, আৰু পৰিষ্কাৰ ইন্ধনলৈ পৰিৱৰ্তন হ’ব, যাৰ ফলত শক্তিৰ সুৰক্ষা শক্তিশালী হ’ব আৰু ভাৰতৰ গেছ ভিত্তিক অৰ্থনীতি আগুৱাই নিব বুলি আশা কৰা হৈছে।
• পিএনজিআৰবিয়ে চিজিডি সত্তাসমূহক ডি-পিএনজি সংযোগ জাৰি কৰাৰ কাম ক্ষিপ্ৰ কৰিবলৈ নিৰ্দেশ দিছে। ইয়াৰ উপৰিও পিএনজি সম্প্ৰসাৰণৰ গতি বজাই ৰাখিবলৈ ‘ৰাষ্ট্ৰীয় পিএনজি ড্ৰাইভ ২.০’ ৩০.০৬.২০২৬ লৈকে বৃদ্ধি কৰা হৈছে।
• স্বচ্ছ, অধিক সুৰক্ষিত আৰু আত্মনিৰ্ভৰশীল শক্তিৰ ভৱিষ্যতৰ প্ৰসাৰৰ বাবে ভাৰত চৰকাৰে ‘ৰাজ্যিক চিবিজি নীতি’ৰ আৰ্হি খচৰা প্ৰস্তুত কৰিছে। এই আৰ্হি নীতিৰ লক্ষ্য হৈছে ৰাজ্যসমূহে চিবিজি উন্নয়নৰ বাবে নিজৰ বিনিয়োগকাৰী-বন্ধুত্বপূৰ্ণ আৰু ৰূপায়ণমুখী পৰিৱেশ তন্ত্ৰ গঢ়ি তুলিবলৈ এক বিস্তৃত আৰু নমনীয় পথ প্ৰদৰ্শক কাঠামো প্ৰদান কৰা। এই নীতি গ্ৰহণ কৰা ৰাজ্যসমূহক বাণিজ্যিক এল পি জিৰ অতিৰিক্ত আবণ্টনৰ পৰৱৰ্তী খণ্ডত অগ্ৰাধিকাৰ দিয়া হ’ব।
• এম অ ই এফ চি চি-এ ০৭.০৪.২০২৬ তাৰিখৰ আদেশৰ জৰিয়তে চিপিচিবিক ১৫ দিনৰ ভিতৰত চিজিডি নেটৱৰ্ক/আন্তঃগাঁথনিৰ বাবে ‘প্ৰতিষ্ঠা কৰিবলৈ সন্মতি’ বা ‘অপাৰেচন কৰিবলৈ সন্মতি’ জাৰি কৰিবলৈ এছপিচিবি/পিচিচিসমূহক প্ৰয়োজনীয় নিৰ্দেশনা জাৰি কৰিবলৈ নিৰ্দেশ দিছে।
• ২০২৬ চনৰ মাৰ্চৰ পৰা আজিলৈকে প্ৰায় ৫.৪৫ লাখ পিএনজি সংযোগৰ বাবে গেছ যোগান আৰম্ভ হৈছে আৰু অতিৰিক্ত ২.৬২ লাখ সংযোগৰ বাবে আন্তঃগাঁথনি সৃষ্টি কৰা হৈছে, যাৰ ফলত মুঠ সংযোগৰ সংখ্যা ৮.০৭ লাখ হৈছে। ইয়াৰ উপৰি প্ৰায় ৬.১৪ লাখ গ্ৰাহকে নতুন সংযোগৰ বাবে পঞ্জীয়ন কৰিছে।
• ২৫.০৪.২০২৬ তাৰিখলৈকে ৪২,৫০০ৰো অধিক পিএনজি গ্ৰাহকে এমৱাইপিএনজিডি.ইন ৱেবছাইটৰ জৰিয়তে নিজৰ এলপিজি সংযোগ আত্মসমৰ্পণ কৰিছে।

খাৰুৱা তেলৰ উপলব্ধতা আৰু শোধনাগাৰৰ কাৰ্য্যকলাপ

• সকলো শোধনাগাৰে সম্পূৰ্ণ ক্ষমতাৰে কাম কৰি আছে আৰু ইয়াত পৰ্যাপ্ত খাৰুৱা তেলৰ মজুত আছে; পেট্ৰ’ল আৰু ডিজেলৰ পৰ্যাপ্ত মজুতও ৰখা হৈছে।
• ঘৰুৱা ব্যৱহাৰৰ প্ৰয়োজনীয়তা পূৰণৰ বাবে শোধনাগাৰত ঘৰুৱা এল পি জি উৎপাদন বৃদ্ধি কৰা হৈছে।
• ঘৰুৱা বজাৰলৈ পেট্ৰ’কেমিকেল ফিডষ্টকৰ নিৰৱচ্ছিন্ন যোগান নিশ্চিত কৰিবলৈ আন্তঃমন্ত্ৰালয়ৰ ‘যৌথ কৰ্মগোট’ (জেডব্লিউজি) গঠন কৰা হৈছে। ইয়াৰ পিছত ভাৰত চৰকাৰে ০১.০৪.২০২৬ তাৰিখৰ আদেশৰ ভিত্তিত তেল শোধনাগাৰ কোম্পানীসমূহক (পেট্ৰ’কেমিকেল কমপ্লেক্সকে ধৰি) উচ্চ প্ৰযুক্তি কেন্দ্ৰই (চি এইচ টি) চিনাক্ত কৰা অত্যাৱশ্যকীয় খণ্ডসমূহলৈ কিছুমান নূন্যতম পৰিমাণৰ চি ৩ আৰু চি ৪ ষ্ট্ৰিম প্ৰদান কৰাৰ অনুমতি প্ৰদান কৰিছে।
• ঔষধ বিভাগ, ৰাসায়নিক আৰু পেট্ৰ’কেমিকেল বিভাগ (ডিচিপিচি), আৰু উদ্যোগ আৰু আভ্যন্তৰীণ বাণিজ্য প্ৰসাৰ বিভাগ (ডিপিআইআইটি)ৰ পৰা পোৱা অনুৰোধৰ ভিত্তিত ঔষধ আৰু ৰাসায়নিক খণ্ডৰ কোম্পানীসমূহৰ বাবে এলপিজি পুলৰ পৰা প্ৰতিদিনে ১০০০ মেট্ৰিক টন আবণ্টন দিয়া হৈছে।
• ২০২৬ চনৰ ৯ এপ্ৰিলৰ পৰা মুম্বাই, কোচি, বিশাখাপট্টনম, চেন্নাই, আৰু মথুৰাৰ শোধনাগাৰে ৰাসায়নিক আৰু ফাৰ্মা উদ্যোগক ৭৬০০ মেট্ৰিক টনতকৈ অধিক প্ৰপাইলিন বিক্ৰী কৰিছে।

খুচুৰা ইন্ধনৰ উপলব্ধতা আৰু মূল্য নিৰ্ধাৰণৰ ব্যৱস্থা

• সমগ্ৰ দেশতে খুচুৰা বিপণীসমূহ স্বাভাৱিকভাৱে চলি আছে।
• মধ্যপ্ৰাচ্যৰ সংকটৰ ফলত খাৰুৱা তেলৰ মূল্য অস্বাভাৱিকভাৱে বৃদ্ধি পাইছে; কিন্তু গ্ৰাহকক সুৰক্ষা দিবলৈ ভাৰত চৰকাৰে পেট্ৰল আৰু ডিজেলৰ আবকাৰী শুল্ক প্ৰতি লিটাৰত ১০ টকা হ্ৰাস কৰিছে।
• ১১.০৪.২০২৬ তাৰিখৰ গেজেট অধিসূচনাৰ জৰিয়তে ভাৰত চৰকাৰে ডিজেলৰ ওপৰত ৰপ্তানি শুল্ক প্ৰতি লিটাৰত ৫৫.৫০ টকা আৰু এ টি এফৰ ৰপ্তানি শুল্ক প্ৰতি লিটাৰত ৪২ টকালৈ বৃদ্ধি কৰি ঘৰুৱা বজাৰত এই সামগ্ৰীসমূহৰ উপলব্ধতা নিশ্চিত কৰিছে।
• উৰাবাতৰিৰ বাবে কিছুমান খুচুৰা বিপণীত আতংকিত ক্ৰয় দেখা গৈছে। খবৰ অনুসৰি সমগ্ৰ দেশৰ সকলো পেট্ৰ’ল পাম্পতে পেট্ৰ’ল আৰু ডিজেলৰ পৰ্যাপ্ত মজুত উপলব্ধ। পেট্ৰ’ল আৰু ডিজেলৰ নিয়মীয়া খুচুৰা মূল্য অপৰিৱৰ্তিত হৈ আছে, আৰু পিএছইউ অ’এমচিৰ খুচুৰা বিপণীসমূহত কোনো মূল্যবৃদ্ধি হোৱা নাই।

কেৰাচিনৰ উপলব্ধতা আৰু বিতৰণৰ সৈতে জড়িত ব্যৱস্থা

• নিয়মীয়া আবণ্টনৰ উপৰিও ৰাজ্য/কেন্দ্ৰীয় শাসিত অঞ্চলসমূহক ৪৮,০০০ কেল কেৰাচিনৰ অতিৰিক্ত আবণ্টন প্ৰদান কৰা হৈছে।
• ১৮খন ৰাজ্য/কেন্দ্ৰীয় শাসিত অঞ্চলে এছ কে অ’ আবণ্টনৰ আদেশ জাৰি কৰিছে, আনহাতে হিমাচল প্ৰদেশ আৰু লাডাখে ইয়াৰ প্ৰয়োজন নাই বুলি উল্লেখ কৰিছে।

সামুদ্ৰিক সুৰক্ষা আৰু জাহাজ চলোৱা সম্পৰ্কীয় ব্যৱস্থা

বন্দৰ, জাহাজ আৰু জলপথ মন্ত্ৰালয়ে অঞ্চলটোত চলাচল কৰা ভাৰতীয় জাহাজ আৰু নাৱিকসকলৰ সুৰক্ষা সুনিশ্চিত কৰাৰ বাবে প্ৰয়োজনীয় ব্যৱস্থা গ্ৰহণ কৰিছে। মন্ত্ৰালয়ে উল্লেখ কৰিছে যে:

• নাৱিকসকলৰ কল্যাণ আৰু জাহাজ চলোৱাৰ মসৃণ প্ৰবাহ নিশ্চিত কৰিবলৈ মন্ত্ৰালয়ে বৈদেশিক পৰিক্ৰমা মন্ত্ৰালয়, ভাৰতীয় মিছন, আৰু সামুদ্ৰিক খণ্ডৰ অংশীদাৰসকলৰ সৈতে অহৰহ সমন্বয় ৰক্ষা কৰি আছে।
• অঞ্চলটোত উপস্থিত থকা সকলো ভাৰতীয় নাৱিক নিৰাপদ, আৰু যোৱা ২৪ ঘণ্টাত কোনো ভাৰতীয় পতাকা থকা জাহাজৰ সৈতে জড়িত কোনো কাণ্ডৰ খবৰ পোৱা নাই।
• ডিজি শ্বিপিং কণ্ট্ৰল ৰুমে আৰম্ভণিৰ পৰাই ৭,৭৫৫টাতকৈও অধিক কল আৰু ১৬,৫১৮টা ইমেইল চম্ভালিছে। যোৱা ২৪ ঘন্টাত ৫৭টা ফোন আৰু ১৯২টা ইমেইল লাভ কৰিছে।
• ডি জি শ্বিপিঙে এতিয়ালৈকে ২,৭৬৪ জনতকৈ অধিক ভাৰতীয় নাৱিকক নিৰাপদে উভতি অহাৰ সুবিধা প্ৰদান কৰিছে, য’ত বিগত ২৪ ঘণ্টাত উপসাগৰীয় অঞ্চলৰ বিভিন্ন স্থানৰ পৰা উভতি অহা ২৪ জন নাৱিককে ধৰি।
• সমগ্ৰ ভাৰতবৰ্ষত বন্দৰৰ কাম-কাজ স্বাভাৱিক হৈ আছে, যানজঁটৰ কোনো খবৰ পোৱা নাই।

অঞ্চলটোত ভাৰতীয় নাগৰিকৰ সুৰক্ষা

বৈদেশিক পৰিক্ৰমা মন্ত্ৰালয়ে উপসাগৰীয় আৰু পশ্চিম এছিয়া অঞ্চলৰ উন্নয়নসমূহ তীক্ষ্ণভাৱে নিৰীক্ষণ কৰি আছে, আৰু অঞ্চলটোত বাস কৰা ভাৰতীয় সম্প্ৰদায়ৰ সুৰক্ষা, নিৰাপত্তা, আৰু মংগল নিশ্চিত কৰাৰ ক্ষেত্ৰত বিশেষ গুৰুত্ব প্ৰদান কৰিছে। এই সন্দৰ্ভত জনোৱা হৈছিল যে:

• ভাৰতীয় দূতাবাস আৰু মিছনসমূহে ২৪ ঘণ্টীয়া হেল্পলাইন চলাই আছে আৰু ভাৰতীয় নাগৰিকসকলক সক্ৰিয়ভাৱে সহায় কৰি আছে। স্থানীয় চৰকাৰৰ সৈতে অহৰহ সংস্পৰ্শত থাকে।
• সময়ে সময়ে আপডেট কৰা পৰামৰ্শ জাৰি কৰা হৈছে, য’ত স্থানীয় চৰকাৰৰ নিৰ্দেশনা, বিমান আৰু ভ্ৰমণৰ অৱস্থা, কনছুলাৰ সেৱা, আৰু আমাৰ সম্প্ৰদায়ক সহায় কৰিবলৈ গ্ৰহণ কৰা বিভিন্ন কল্যাণমূলক ব্যৱস্থাৰ তথ্য অন্তৰ্ভুক্ত কৰা হৈছে।
• ভাৰতীয় দূতাবাসে অঞ্চলটোৰ ভাৰতীয় সম্প্ৰদায়ৰ লগতে বিভিন্ন সংঘ, সংস্থা, পেছাদাৰী গোট, ভাৰতীয় কোম্পানী, আৰু অন্যান্য অংশীদাৰসকলৰ সৈতে সক্ৰিয়ভাৱে জড়িত হৈ আছে।
• অঞ্চলটোত কাম কৰা ভাৰতীয় নাৱিকসকলৰ কল্যাণক চৰকাৰে অত্যন্ত অগ্ৰাধিকাৰ দিছে। ভাৰতীয় দূতাবাসসমূহে অঞ্চলটোত চলি থকা জাহাজসমূহত ভাৰতীয় ক্ৰু সদস্যসকলক সকলো ধৰণৰ সহায় আগবঢ়াইছে; ইয়াৰ ভিতৰত স্থানীয় কৰ্তৃপক্ষ আৰু সংস্থাসমূহৰ সৈতে সমন্বয় সাধন কৰা, কনছুলাৰ সহায় আগবঢ়োৱা, আৰু ভাৰতলৈ ঘূৰাই অনাৰ বাবে তেওঁলোকৰ অনুৰোধৰ সুবিধা প্ৰদান কৰা আদি অন্তৰ্ভুক্ত।
• ২৮ ফেব্ৰুৱাৰীৰ পৰা এই অঞ্চলৰ পৰা প্ৰায় ১২,৯৬,০০০ যাত্ৰী ভাৰতলৈ যাত্ৰা কৰিছে।
• সংযুক্ত আৰব আমিৰশ্বাহীত (ইউ এ ই) বিমান সংস্থাসমূহে ইউ এ ই আৰু ভাৰতৰ মাজত সীমিত সংখ্যক বাণিজ্যিক বিমান চলাচল কৰি আছে, কাৰ্য্যকৰী আৰু নিৰাপত্তাৰ বিবেচনাৰ প্ৰতি লক্ষ্য ৰাখি; আজি ইউ এ ই আৰু ভাৰতৰ মাজত প্ৰায় ১১০খন বিমান চলাচল কৰাৰ সম্ভাৱনা আছে।
• চৌদি আৰৱ আৰু ওমানৰ বিভিন্ন বিমানবন্দৰৰ পৰা ভাৰতৰ বিভিন্ন গন্তব্যস্থানলৈ বিমান সেৱা অব্যাহত আছে।
• কাটাৰৰ আকাশমাৰ্গ আংশিকভাৱে মুকলি, আৰু কাটাৰ এয়াৰৱেজে ভাৰতৰ বিভিন্ন গন্তব্যস্থানলৈ বিমান সেৱা চলাই আছে।
• কুৱেইটৰ আকাশমাৰ্গ মুকলি। কুৱেইটৰ পৰা ভাৰতলৈ সীমিত সংখ্যক বিমান সেৱা পুনৰ আৰম্ভ কৰিছে জাজিৰা এয়াৰৱেজ আৰু কুৱেইট এয়াৰৱেজে।
• বাহৰেইনৰ আকাশমাৰ্গ মুকলি। বাহৰেইনৰ পৰা ভাৰতৰ বিভিন্ন গন্তব্যস্থানলৈ বিমান সেৱা চলাই আছে গালফ এয়াৰে।
• ইৰাকৰ আকাশমাৰ্গ মুকলি, অঞ্চলটোৰ ভিতৰৰ বিভিন্ন গন্তব্যস্থানলৈ সীমিত সংখ্যক বিমান সেৱা উপলব্ধ; এই বিমানসমূহ ভাৰতলৈ আগলৈ যাত্ৰাৰ বাবে ব্যৱহাৰ কৰিব পাৰি।
• ইৰাণৰ আকাশমাৰ্গ মালবাহী আৰু চাৰ্টাৰ্ড বিমানৰ বাবে আংশিকভাৱে মুকলি। ভাৰতীয় নাগৰিকসকলক ইৰাণ ভ্ৰমণৰ পৰা বিৰত থাকিবলৈ পৰামৰ্শ দিয়া হৈছে, আৰু ইতিমধ্যে ইৰাণত থকাসকলক আমাৰ দূতাবাসৰ সহায়ত স্থল সীমাৰেদি ইৰাণৰ পৰা ওলাই যাবলৈ আহ্বান জনোৱা হৈছে। আজিলৈকে তেহৰাণত থকা ভাৰতীয় দূতাবাসে ইৰাণৰ পৰা ২৪৪৫ জন ভাৰতীয় নাগৰিকক স্থল সীমান্ত পথেৰে উলিয়াই অনাৰ সুবিধা প্ৰদান কৰিছে।
• ইজৰাইলঃ ইজৰাইলৰ আকাশমাৰ্গ মুকলি, আৰু অঞ্চলটোৰ বিভিন্ন গন্তব্যস্থানলৈ সীমিত বিমান সেৱা পুনৰ আৰম্ভ হৈছে, যিবোৰ ভাৰতলৈ আগবাঢ়ি যোৱাৰ বাবে ব্যৱহাৰ কৰিব পাৰি।

*********

TM/KD