پنچایتی راج کی وزارت نے آج نئی دہلی میں قومی پنچایتی راج دیوس منانے کے لیے ایک قومی تقریب کا اہتمام کیا، جو 73ویں آئینی ترمیم ایکٹ کے 33 سال مکمل ہونے کی یادگار ہے، جس نے پورے بھارت میں پنچایتی راج اداروں (پی آر آئیز) کو آئینی درجہ عطا کیا۔

گرام پنچایتوں کے منتخب نمائندوں کے ساتھ ساتھ ہریانہ، اتر پردیش اور اتراکھنڈ کے افسران نے اس قومی تقریب میں شرکت کی۔

وزیرِ اعظم جناب نریندر مودی نے پنچایتی راج دیوس کے موقع پر ملک بھر کے عوامی نمائندوں کو مبارکباد دی۔

جناب مودی نے کہا ’’عوامی خدمت اور قوم کی خدمت کے لیے آپ کا جذبہ واقعی سب کے لیے ایک تحریک ہے‘‘

وزیرِ اعظم کا تحریری پیغام قومی تقریب میں پڑھ کر سنایا گیا اور تمام ریاستوں اور مرکز کے زیر انتظام علاقوں میں پی آر آئیز اور دیہی مقامی اداروں کے منتخب نمائندوں اور عملے میں وسیع پیمانے پر پھیلایا گیا۔

  

 

पंचायती राज दिवस के अवसर पर देशभर के जनप्रतिनिधियों का हार्दिक अभिनंदन! जनसेवा के साथ राष्ट्रसेवा के प्रति आप सभी का समर्पण हर किसी को प्रेरित करने वाला है।

प्रजासुखे सुखं राज्ञः प्रजानां च हिते हितम्।

नात्मप्रियं प्रियं राज्ञः प्रजानां तु प्रियं प्रियम्॥ pic.twitter.com/gb0K3Rr709

— Narendra Modi (@narendramodi) April 24, 2026

 

پنچایتی راج کے وزیرِ مملکت پروفیسر ایس پی سنگھ باگھیل نے مجمع سے خطاب کیا اور یہ تصدیق کی کہ پی آر آئیز دیہی علاقوں میں بھارت کی پائیدار ترقی کی ریڑھ کی ہڈی ہیں۔

انھوں نے کہا کہ  پنچایتوں کو بااختیار بنانا، گاؤں، کسانوں اور مقامی کمیونٹیز کی ترقی پر مبنی وکست بھارت کے وژن کو پورا کرنے کے لیے مرکزی اہمیت رکھتا ہے۔

صلاحیت سازی کے پروگراموں کے مثبت اثرات کو نمایاں کرتے ہوئے، انھوں نے کہا کہ اس سے منتخب نمائندوں، خاص طور پر خواتین میں قیادت اور فیصلہ سازی میں نمایاں تبدیلی آئی ہے۔

انھوں نے نچلی سطح پر خدمات کی فراہمی کو مضبوط بنانے میں شفاف نظامِ حکمرانی اور ڈائریکٹ بینیفٹ ٹرانسفر کے کردار کو بھی سراہا۔

پروفیسر باگھیل نے تمام پنچایتی نمائندوں پر زور دیا کہ وہ خدمت، دیانتداری اور ترقی پر مبنی قیادت کی اقدار کو برقرار رکھیں، اور اعتماد ظاہر کیا کہ ایک مضبوط پنچایتی راج نظام آتم نربھربھارت کی سب سے مضبوط بنیاد ہے۔

 

 پنچایتی راج کے سیکرٹری جناب ویویک بھارد واج نے سولہویں مالیاتی کمیشن کی سفارشات کے ذریعے دیہی مقامی اداروں کی نمایاں مالی بااختیاری کو نمایاں کیا۔

انھوں نے نشان دہی کی کہ تجویز کردہ گرانٹ، پندرہویں مالیاتی کمیشن کے تحت مختص رقم کے مقابلے میں تقریباً 84 فیصد اضافے کی نمائندگی کرتی ہے، جو حکومت کی تیسری سطح کے حق میں مالی وفاقیت کی فیصلہ کن مضبوطی کی عکاسی کرتی ہے۔

جناب بھارد واج نے بنیادی گرانٹس اور کارکردگی گرانٹس کے درمیان 80:20 کے تناسب کی تفصیل بیان کی، جو یقینی وسائل کے بہاؤ اور اپنے ذرائع سے آمدنی کے حصول، مالی نظم و ضبط اور مقامی حکمرانی کے معیار میں بہتری کے لیے مراعات کے درمیان توازن قائم کرتا ہے۔

انھوں نے سولہویں مالیاتی کمیشن کی تجویز کردہ کارکردگی گرانٹ کی فراہمی پر توجہ دلائی، جو پنچایتوں کی اپنے ذرائع سے آمدنی کے حصول سے مشروط ہے، اور پی آر آئیز پر زور دیا کہ وہ اپنے ذاتی ذرائع سے آمدنی بڑھانے کے لیے ٹھوس اقدامات کریں تاکہ کارکردگی گرانٹس حاصل کی جا سکیں۔

 

پنچایتی راج کے ایڈیشنل سیکرٹری جناب سشیل کمار لوہانی نے 73ویں ترمیم کے بعد پنچایتی راج کی تین دہائیوں پر غور کیا، اور مقامی قیادت کو مضبوط بنانے میں منظم صلاحیت سازی، تربیتی پروگراموں اور دورہ جاتی تعلیم کے کردار پر زور دیا۔

انھوں نے ای-گرام سواراج، سبھا سار جیسے ڈیجیٹل پلیٹ فارمز کے کارکردگی، شفافیت اور جوابدہی کو آگے بڑھانے میں کردار کو نمایاں کیا اور آتم نربھرحکمرانی کو گہرا کرنے کے لیے گرام سبھاؤں میں زیادہ شرکت کی حوصلہ افزائی کی۔

اس موقع پر مالی سال 2023-24 کے لیے پنچایت ایڈوانسمنٹ انڈیکس (پی اے آئی) 2.0 رپورٹ جاری کی گئی۔

پی اے آئی پائیدار ترقیاتی اہداف کی مقامی کاری (ایل ایس ڈی جیز) کے تحت نو موضوعات میں گرام پنچایت کی کارکردگی کا جائزہ لینے کے لیے بھارت کا پہلا ملک گیر ڈیٹا پر مبنی فریم ورک ہے۔

پی اے آئی 2.0 اپنے پیشرو کا نمایاں طور پر بہتر ورژن ہے، جس نے اشاریوں کو 516 سے کم کر کے 150 کر دیا ہے اور 33 ریاستوں اور مرکز کے زیر انتظام علاقوں میں 97.30 فیصد گرام پنچایتوں کی غیر معمولی شرکت درج کی ہے، جو پی اے آئی ورژن 1.0 کے تحت حاصل کردہ 80.79 فیصد کے مقابلے میں نمایاں بہتری ہے۔

یہ انڈیکس شواہد پر مبنی منصوبہ بندی، کارکردگی کی نگرانی اور پنچایتوں کی مراعات کے لیے ایک اہم آلہ کے طور پر کام کرتا ہے، اور براہِ راست وکست پنچایتوں کی سمت وکست بھارت کے وژن کو آگے بڑھاتا ہے۔

تقریب کے دوران پنچایت دھروہر اقدام کے تحت تین مصور شدہ اشاعتیں بھی جاری کی گئیں، جن میں تریپورہ کی دیہی ورثہ پر ایک مونوگراف، تروپتی کی دیہی ورثہ پر ایک مونوگراف، اور ’اتر کاشی: سومیا کاشی: ہمالیائی ورثے کی روح‘ شامل ہیں۔

پنچایتی راج دیوس ملک بھر میں ریاستی، ضلعی، بلاک اور گرام پنچایت سطح پر منایا گیا جس میں گرام سبھائیں منعقد کی گئیں، جس سے شراکتی جمہوریت کی روح کا اعادہ ہوا۔

***

(ش ح – ع ا)

U. No. 6287

(ریلیز آئی ڈی: 2255423) وزیٹر کاؤنٹر : 12