سماجی انصاف اور تفویض اختیارات کا محکمہ سماج کے متنوع طبقات کی ترقی کے لیے مختلف قوانین اور فلاحی اسکیموں کے نفاذ کی نگرانی کرتا ہے ، جن میں درج فہرست ذاتوں (ایس سی) دیگر پسماندہ طبقات (او بی سی)، بزرگ شہری ، شراب نوشی اور نشہ آور اشیا کے استعمال کے شکار لوگ ، خواجہ سرا ، بھیک مانگنے میں مصروف افراد ، غیر مطلع شدہ  اور خانہ بدوش قبائل (ڈی این ٹی) ہاتھ سے صفائی کرنے والے کارکنان (بشمول کوڑا چننے والے) اور معاشی طور پر کمزور طبقات (ای ڈبلیو ایس) شامل ہیں ۔ سماجی انصاف اور تفویض اختیارات کے مرکزی وزیر ڈاکٹر وریندر کمار نے کہا ہے کہ حکومت ہدف شدہ  سرگرمیوں اور فلاحی اقدامات کے ذریعے معاشرے کے تمام طبقوں کے لیے جامع ترقی اور سماجی انصاف کو یقینی بنانے کے  تئیں  پرعزم ہے ۔

محکمہ کے ذریعہ درج فہرست ذاتوں سے تعلق رکھنے والے پسماندہ طلبا کو تعلیمی طور پر بااختیار کرنے  پر مرکوز متعدد اسکیمیں نافذ کی جاتی ہیں ۔ مالی سال 26-2025 کے دوران 75 لاکھ سے زیادہ درج فہرست ذات (ایس سی) مستفیدین کو 7,981.47 کروڑ روپے کی رقم تقسیم کی گئی ہے ۔

ایس سی اور دیگر کے لئے پری میٹرک اسکالرشپ اسکیم کے تحت 21فیصد اضافہ ، ایس سی کے لئے پوسٹ میٹرک اسکالرشپ اسکیم کے تحت 11.23فیصد اضافہ ، ایس سی طلباء کے لئے اعلیٰ جماعتوں کی تعلیم کی مرکزی شعبے کی اسکالرشپ کے تحت 13.5فیصد کا اضافہ اور مالی سال 25-2024 کے مقابلے میں ایس سی کے لئے ہائی اسکولوں میں طلباء کے لئے رہائشی تعلیم کی اسکیم (شریشٹھ) اسکیم کے تحت 16فیصد اضافہ کیا گیا ہے ۔

***

(ش ح۔م ش۔م ش)

U:6244