ইলেক্সন কমিসন
লেজিস্লেতিব এসেমব্লীগী জেনরেল ইলেক্সন অমসুং বাই-ইলেক্সন ২০২৬
দ্রাই-দেগী ইমপ্লিমেন্তেসন
থাগৎখিবা:
20 APR 2026 3:02PM by PIB Imphal
- ইলেক্সন কম্মিসন ওফ ইন্দিয়ানা (ECI)না ২০২৬গী মার্চ ১৫দা আসাম, কেরলা, পুদুচেরী, তামিল নাদু অমসুং ৱেস্ত বেঙ্গলগী লেজিস্লেতিব এসেমব্লীশিংগী জেনরেল ইলেক্সন অমসুং রাজ্য ৬তা বাই-ইলেক্সন পাংথোক্নবগী তাঙ্কক লাউথোকখ্রে।
- তামিল নাদু অমসুং ৱেস্ত বেঙ্গলদা (ফেজ-I) ২০২৬গী এপ্রিল ২৩ (শগোলশেল)দা অমসুং ৱেস্ত বেঙ্গলদা (ফেজ-II) ২০২৬গী এপ্রিল ২৯ (য়ুমশকৈশা)দা পাংথোক্কনি। পোল্লিং তৌরিবা রাজ্য অমসুং য়ুনিয়ন তেরিতোরী পুম্নমক্তা ভোত মশিং থিবগী থৌরম অসি ২০২৬গী মে ৪ (নিংথৌকাবা)দা পাংথোক্কনি।
- রিপ্রজেন্তেসন ওফ পিপল এক্ত, ১৯৫১গী সেক্সন ১৩৫সি.দা পোলিং এরিয়া অমগী মনুংদা পোলিং এরিয়া অদুদা পোল্লিং লোইশিন্নবগীদমক লেপ্লিবা মতম অদুগী পুং ৪৮গী মনুংদা, হোতেল, রেস্তোরেন্ত হাউস, তেবর্ন, দুকান নত্ত্রগা মীয়ামগী নত্ত্রগা লনাইগী ওইবা মফম অমহেক্তদা স্পিরিচুৱস, ফর্মেন্ত তৌরবা নত্ত্রগা য়ু থকপা য়াবা লিকর নত্ত্রগা মসিগা মান্নবা মখলগী অতোপ্পা পোৎশক অমহেক্তবু য়োল্লোই, পীরোই নত্ত্রগা য়েন্থোক্লোই হায়না পল্লি।
- মথক্তা পনখ্রিবা লেজিস্লেতিব এসেমব্লীগী জেনরেল ইলেক্সন পাংথোক্লিবা মফম অদুগী পোল্লিংগী নুমিৎ অদুগী মতাংদা পোল্লিং লোইশিনবগীদমক লেপখিবা মতমগী পুং 48গী মনুংদা ফিমগা চুনবা মওংদা মরি লৈনবা রাজ্য/য়ুনিয়ন তেরিতোরীগী আইনগী মখাদা ‘দ্রাই দে’ হায়না লাউথোক্কনি অমসুং নোতিফাই তৌগনি। মসিদা করিগুম্বা লৈরবদি, রি-পোল তৌগদবা নুমিৎশিংশু য়াওগনি।
- কম্মিসননা ভোত মশিং থিবগী নুমিৎ হায়বদি ২০২৬গী মে ৪ (নিংথৌকাবা) অসি পোল্লিং তৌরিবা রাজ্য/য়ু.তি.গী মরী লৈনবা আইনগী মখাদা 'দ্রাই দে' ওইনা লাউথোক্কনি।
- মথক্তা পনখ্রিবা নুমিৎশিং অসিদা লিকর দুকানশিং, হোতেলশিং, রেস্তোরেন্তশিং, ক্লবশিং অমসুং লিকর য়োনবা নৎত্রগা পীবা অতৈ ইস্তাব্লিসমেন্তশিংদা কনাগুম্বা অমত্তদা য়ু য়োনবা/ পীবা য়ারোই।
- নন-প্রোপ্রিতেরী ক্লবশিং, স্তার হোতেলশিং, রেস্তোরেন্তশিং অসিনচিংবা অমসুং তোঙান-তোঙানবা মখলগী লাইসেন্সকী মখাদা থবক তৌরিবা হোতেলশিংনা হায়রিবা নুমিৎশিং অসিদা য়ু পীবা/য়োনবা য়ারোই।
- লনাই মীওইশিংনা মথক্তা পনখ্রিবা মতম অসিগী মনুংদা য়ু থাদোকপা/লৌশিনবা হন্থহনগনি অমসুং লাইসেন্স লৈতবা মফমশিংদা য়ু থাদোকপদা এক্সাইজ লোদা পীরিবা অথিংবশিং অদু অকনবা মওংদা চৎনহনগনি।
***
(রিলিজ আই.দি.: 2253887)
ভিজিতর কাউন্তর : 15
রিলিজ অসি মসিদা পাবীয়ু:
Malayalam
,
English
,
Urdu
,
हिन्दी
,
Bengali
,
Bengali-TR
,
Assamese
,
Gujarati
,
Tamil
,
Telugu
,
Kannada