క్ర.సం.

అవగాహన ఒప్పంద/ ఒప్పందం/ ఆసక్తి వ్యక్తీకరణ

వివరణ

1

భారత్, ఆస్ట్రియా మధ్య ఆడియోవిజువల్ సహ నిర్మాణ ఒప్పందం

ఇరు దేశాల చలనచిత్ర పరిశ్రమల మధ్య సహకారాన్ని పెంపొందించేలా వ్యవస్థాగత ఏర్పాటుతోపాటు.. ఉమ్మడి చలనచిత్ర నిర్మాణం, సృజనాత్మకంగా ఇచ్చిపుచ్చుకునే ధోరణి, విస్తృత సాంస్కృతిక భాగస్వామ్యం దిశగా ఈ ఒప్పందంతో సానుకూల వాతావరణం ఏర్పడుతుంది.

2

భారత్, ఆస్ట్రియా కంపెనీల కోసం ఫాస్ట్ ట్రాక్ యంత్రాంగాన్ని ఏర్పాటు చేయడంపై ఉమ్మడి ప్రకటన

రెండు దేశాల్లోని పెట్టుబడిదారులు, కంపెనీలు పరస్పరం ఒక వ్యవస్థతో ఒకటి ఎదుర్కొంటున్న సమస్యలను గుర్తించి, పరిష్కరించడానికి ఈ వేగవంతమైన పరిష్కార యంత్రాంగం (ఫాస్ట్ ట్రాక్ మెకానిజం) కృషి చేస్తుంది. అంతేకాకుండా, వ్యాపార నిర్వహణను సులభతరం చేయడంపై పెట్టుబడిదారుల నుంచి వచ్చే సాధారణ సూచనలను చర్చించడానికి వేదికగా కూడా ఉపయోగపడుతుంది.

3

సైనిక వ్యవహారాల్లో సహకారంపై ఆసక్తి వ్యక్తీకరణ పత్రం

సైనిక వ్యవహారాల్లో సహకారంతోపాటు రక్షణ పారిశ్రామిక- సాంకేతిక భాగస్వామ్యాన్ని పెంపొందించేందుకు ఒక సంస్థాగత ఏర్పాటును ఈ ఆసక్తి వ్యక్తీకరణ లేఖ సూచిస్తుంది. 2026 జనవరి 27న కుదిరిన భారత్ – ఈయూ రక్షణ, భద్రత భాగస్వామ్య స్ఫూర్తితో ఇది ముందుకు సాగుతుంది. అలాగే రక్షణ విధానాలపై చర్చలు, శిక్షణ, సామర్థ్యాభివృద్ధికీ ఇది తోడ్పడుతుంది.

4

ఉగ్రవాద నిరోధక సంయుక్త కార్యవర్గంపై ఆసక్తి వ్యక్తీకరణ పత్రం

ఉగ్రవాద నిరోధక సంయుక్త కార్యవర్గం ఏర్పాటు దిశగా కలిసి పనిచేయాలన్న ఇరుపక్షాల లక్ష్యంతోపాటు, భారత్ - ఆస్ట్రియా మధ్య ఉగ్రవాద నిరోధక సహకారాన్ని ఇది ముందుకు తీసుకెళ్తుంది. ఉగ్రవాదంపై పోరాటానికి సంబంధించిన అంశాలపై వ్యూహాత్మక సహకారానికి గల అవకాశాలను ఇది పరిశీలిస్తుంది.

5

ఆస్ట్రియా ఏజీఈఎస్, భారత ఎఫ్ఎస్ఎస్ఏఐ మధ్య ఆహార భద్రతపై అవగాహన ఒప్పందం

ఆహార భద్రత ప్రమాణాలు, శాస్త్రీయ విధానాలను ఇచ్చిపుచ్చుకోవడం, సామర్థ్యాభివృద్ధి, ఆహార నియంత్రణలో అత్యుత్తమ పద్ధతులను పరస్పరం పంచుకోవడం, రిస్కును అంచనా వేయడంలో సహకారాన్ని ఈ అవగాహన ఒప్పందం ప్రోత్సహిస్తుంది. తద్వారా వ్యవసాయ, ఆహార ఉత్పత్తుల్లో వాణిజ్యాన్ని ప్రోత్సహిస్తూ, భద్రతా ప్రమాణాలకు అత్యధిక ప్రాధాన్యమిస్తుంది.

6

వృత్తి విద్య - శిక్షణ, నైపుణ్యాభివృద్ధి, వృత్తిపరమైన అర్హతల గుర్తింపునకు సంబంధించి ఉమ్మడి ఆసక్తి వ్యక్తీకరణ పత్రం

వృత్తి విద్య - శిక్షణ (అప్రెంటీస్‌షిప్), నైపుణ్యాభివృద్ధి రంగాల్లో ఆదానప్రధానాలను మెరుగుపరచడం, విజ్ఞానాన్ని ఇచ్చిపుచ్చుకోవడం, అలాగే భారతీయ వృత్తి విద్యా అర్హతలను ఆస్ట్రియా ప్రమాణాలకు అనుగుణంగా గుర్తించేలా ప్రోత్సహించడంలో ఈ ఉమ్మడి ఆసక్తి వ్యక్తీకరణ పత్రం దోహదపడుతుంది.