ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଖ୍ୟାତ ଗାୟିକା ଆଶା ଭୋସଲେ ଜୀଙ୍କ ବିୟୋଗରେ ଶୋକ ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ତାଙ୍କର ଅସାଧାରଣ ସଙ୍ଗୀତ ଯାତ୍ରା ଏବଂ କାଳଜୟୀ ପ୍ରତିଭା ଉପରେ ଆଲୋକପାତ କରିଛନ୍ତି
ପୋଷ୍ଟ କରାଯିବା ଦିନାଙ୍କ:
12 APR 2026 2:20PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଆଶା ଭୋସଲେ ଜୀଙ୍କ ବିୟୋଗରେ ଗଭୀର ଦୁଃଖ ପ୍ରକାଶ କରି ତାଙ୍କୁ ଭାରତର ସବୁଠାରୁ ପ୍ରତିଷ୍ଠିତ ଏବଂ ବହୁମୁଖୀ ସ୍ୱର ଭାବେ ସ୍ୱୀକାର କରିଛନ୍ତି।
ପ୍ରଧାନମନ୍ତ୍ରୀ କହିଥିଲେ ଯେ ତାଙ୍କର ଅସାଧାରଣ ସଙ୍ଗୀତ ଯାତ୍ରା, ଯାହା ଦଶନ୍ଧି ଦଶନ୍ଧି ଧରି ବ୍ୟାପ୍ତ ଥିଲା, ଦେଶର ସାଂସ୍କୃତିକ ଐତିହ୍ୟକୁ ସମୃଦ୍ଧ କରିଥିଲା ଏବଂ ସାରା ବିଶ୍ୱର ଅସଂଖ୍ୟ ହୃଦୟକୁ ଛୁଇଁଥିଲା। ଶ୍ରୀ ମୋଦୀ ଉଲ୍ଲେଖ କରିଥିଲେ ଯେ ତାଙ୍କ ହୃଦୟସ୍ପର୍ଶୀ ଗୀତ ହେଉ କିମ୍ବା ଜୀବନ୍ତ ରଚନା ମାଧ୍ୟମରେ, ତାଙ୍କ ସ୍ୱର ଏକ କାଳଜୟୀ ଉଜ୍ଜ୍ୱଳତା ବହନ କରିଥିଲା ଏବଂ ତାଙ୍କ ସହିତ ତାଙ୍କର ବାର୍ତ୍ତାଳାପକୁ ସେ ସର୍ବଦା ମନେ ରଖିବେ।
ପ୍ରଧାନମନ୍ତ୍ରୀ ତାଙ୍କ ପରିବାର, ପ୍ରଶଂସକ ଏବଂ ସଙ୍ଗୀତ ପ୍ରେମୀଙ୍କ ପ୍ରତି ଗଭୀର ସମବେଦନା ଜ୍ଞାପନ କରିଛନ୍ତି। ଶ୍ରୀ ମୋଦୀ କହିଥିଲେ ଯେ ସେ ପିଢ଼ି ପରେ ପିଢ଼ି ପ୍ରେରଣାଦାୟୀ ହୋଇ ରହିବେ ଏବଂ ତାଙ୍କ ଗୀତ ଲୋକମାନଙ୍କ ଜୀବନରେ ସବୁଦିନ ପାଇଁ ପ୍ରତିଧ୍ୱନିତ ହେବ।
ପ୍ରଧାନମନ୍ତ୍ରୀ 'ଏକ୍ସ ’ ରେ ଲେଖିଛନ୍ତି:
"ଆଶା ଭୋସଲେ ଜୀଙ୍କ ବିୟୋଗରେ ଗଭୀର ଦୁଃଖିତ, ଯିଏକି ଭାରତର ସବୁଠାରୁ ପ୍ରତିଷ୍ଠିତ ଏବଂ ବହୁମୁଖୀ ସ୍ୱରମାନଙ୍କ ମଧ୍ୟରୁ ଅନ୍ୟତମ। ଦଶନ୍ଧି ଦଶନ୍ଧି ଧରି ତାଙ୍କର ଅସାଧାରଣ ସଙ୍ଗୀତ ଯାତ୍ରା ଆମର ସାଂସ୍କୃତିକ ଐତିହ୍ୟକୁ ସମୃଦ୍ଧ କରିଛି ଏବଂ ସମଗ୍ର ବିଶ୍ୱରେ ଅସଂଖ୍ୟ ହୃଦୟକୁ ଛୁଇଁଛି। ତାହା ତାଙ୍କର ହୃଦୟସ୍ପର୍ଶୀ ଗୀତ ହେଉ କିମ୍ବା ଜୀବନ୍ତ ରଚନା, ତାଙ୍କ ସ୍ୱର କାଳଜୟୀ ଉଜ୍ଜ୍ୱଳତା ବହନ କରିଥିଲା । ତାଙ୍କ ସହିତ ମୋର ହୋଇଥିବା ବାର୍ତ୍ତାଳାପକୁ ମୁଁ ସର୍ବଦା ମନେ ରଖିବି।
ତାଙ୍କ ପରିବାର, ପ୍ରଶଂସକ ଏବଂ ସଙ୍ଗୀତ ପ୍ରେମୀଙ୍କ ପ୍ରତି ମୋର ସମବେଦନା। ସେ ପିଢ଼ି ପରେ ପିଢ଼ି ପ୍ରେରଣା ଜାରି ରଖିବେ ଏବଂ ତାଙ୍କ ଗୀତ ସର୍ବଦା ଲୋକଙ୍କ ଜୀବନରେ ପ୍ରତିଧ୍ୱନିତ ହେବ ।’’
HS
(ରିଲିଜ ଆଡି: 2252480)
ପରିଦର୍ଶକ କାଉଣ୍ଟର : 6
ଏହି ରିଲିଜ ପଢନ୍ତୁ :
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Manipuri
,
Punjabi
,
Gujarati
,
Telugu
,
Kannada
,
Malayalam