প্রধান মন্ত্রী শ্রী নরেন্দ্র মোদীনা ২০২৬গী এপ্রিল ১৪দা উত্তরাখন্দ অমসুং উত্তর প্রদেশতা চৎকনি। অয়ুক্কী পুং ১১.১৫ রোম তাবদা, প্রধান মন্ত্রীনা দিল্লী-দেহরাদুন ইকোনোমিক কোরিদোরগী অৱাংবা সেক্সন্দা ৱাইল্দলাইফ কোরিদোর য়েংশিন্নবা উত্তর প্রদেশকী সহারানপুরদা চৎকনি। অয়ুক্কী পুং ১১.৪০ রোম তাবদা, প্রধান মন্ত্রীনা দেরাদুনগী মনাক্তা লৈবা জয় মা দাত কালী লাইশঙদা দর্শন অমসুং পূজা পাংথোক্কনি। মসিগী মতুংদা, নুমিদাং পুং ১২.৩০ রোম তাবদা, প্রধান মন্ত্রীনা দিল্লী-দেহরাদুন ইকোনোমিক কোরিদোর শঙ্গারগনি।

কিলোমিতর ২১৩ শাংবা, লম্বী তরুক্না শাবা, এক্সেস কন্ত্রোল তৌরবা দিল্লী-দেহরাদুন ইকোনোমিক কোরিদোর অসি লুপা করোর ১২,০০০ হেন্না চাদিং তৌদুনা শেমগৎখ্রে। কোরিদোর অসিনা দিল্লী, উত্তর প্রদেশ অমসুং উত্তরাখন্দগী রাজ্যশিং ফাওদুনা চৎকনি অমসুং দিল্লী অমসুং দেহরাদুনগী মরক্তা চৎথোক-চৎশিন তৌবগী মতম হৌজিক্কী ওইনা পুং ৬দগী পুং ২.৫দা হন্থহল্লগনি।

প্রোজেক্ত অসি ইমপ্লিমেন্ত তৌবদা ইন্তর্চেঞ্জ ১০, রেলৱে ওভর ব্রিজ (আর.ও.বি.) অহুম, মরুওইবা ব্রিজ মরি অমসুং হাই-স্পিদ কনেক্তিবিতী ফংহন্নবা লম্বীগী নাকলদা লৈবা খুদোংচাবশিং ১২ শাবসু য়াওরি। কোরিদোর অসি এদভান্স ত্রাফিক মেনেজমেন্ত সিস্তেম (এ.তি.এম.এস.) গা লোয়ননা লম্বী চৎপা মীওইশিংগীদমক হেন্না সেফ অমসুং হেন্না ইফিসিএন্ত ওইবা খোঙচৎকী এক্সপরিয়েন্স অমা পীরি।

লমদম অসিদা লৈরিবা ইকোলোজিকেল সেন্সিতিবিতী, মরাং কায়রবা বাইওদাইবর্সিতী অমসুং ৱাইল্দ লাইফ অসি য়েংলগা, কোরিদোর অসি মীওইবা অমসুং শা-ঙাগী মরক্তা থোকপা চয়েৎনবশিং হন্থহন্নবা পান্দম থমদুনা মওং কুপ্পা কয়াগা লোয়ননা দিজাইন তৌখ্রে। লম্লক্কী শা-ঙাশিং নীংথিনা চত্থোক চৎশিন তৌনবগীদমক, প্রোজেক্ত অসিদা লম্লক্কী শা-ঙা ঙাক-শেনবগী তোঙান-তোঙানবা মচাক-মথুমশিং য়াওরি। মসিগী মনুংদা এসিয়াগী খ্বাইদগী শাংবা অমা ওইরিবা কিলোমীতর ১২ শাংবা ৱাইল্দলাইফ এলিভেটেদ কোরিদোর অমা য়াওরি। কোরিদোর অসিদা এনিমেল পাস ৮, এলিফান্ত অন্দরপাস অনি অমমম মিতর ২০০, অমসুং দাত কালী লাইশঙগী মনাক্তা মিতর ৩৭০ শাংবা তনেল অমা য়াওরি।

দিল্লী-দেহরাদুন ইকোনোমিক কোরিদোর অসিনা মরুওইবা তুরিজম অমসুং ইকোনোমিক সেন্তরশিংগী মরক্তা কনেক্তিবিতী হেঙ্গৎহন্দুনা রিজনেল ইকোনোমিক গ্রোথ মপাঙ্গল কনখৎহনবদা মরুওইবা থৌদাং অমা লৌগনি। প্রোজেক্ত অসিনা প্রধান মন্ত্রীগী মীৎয়েং অদু উৎলি। প্রধান মন্ত্রীনা হায় স্পীদ কনেক্তিবিতীগা লোইননা অকোয়বগী ফিবম ফগৎহন্নবা অমসুং নাগরিকশিংগী পুন্সি মহিং ফগৎহন্নবা ইনফ্রাস্ত্রকচর শেমগৎনবা মীৎয়েং অদু উৎলি।

***