প্রধানমন্ত্রীগী লোইশঙ
শ্রী নিতিস কুমারনা রাজ্য সভাগী এম.পি ওইনা ৱাশক লৌখিবদা মহাক্কী মফমদা প্রধান মন্ত্রীনা য়াইফ পাউজেল পীখ্রে
থাগৎখিবা:
10 APR 2026 2:07PM by PIB Imphal
শ্রী নিতিস কুমারনা রাজ্য সভাগী মেম্বর ওইনা ৱাশক লৌবগী থৌরমদা ঙসি প্রধান মন্ত্রী শ্রী নরেন্দ্র মোদীনা মহাক্কী মফমদা য়াইফ পাউজেল পীখ্রে।
প্রধান মন্ত্রীনা হায়খি মদুদি মহাক্কী লৈবাক ঙাকপা হৈবগীদমক শ্রী নিতিস কুমার লৈবাক অসিগী খ্বাইদগী হৈথোই-শিংথোইবা লুচিংবা অমনি অমসুং বিহারগী চাউখৎ-থৌরাংদা শিংথাবা য়ানা থবক পায়খৎপগীদমক মীয়াম্না পাক-শন্না খঙনরি। মহাক সংসদতা অমুক হল্লকপা উবদা হরাওই, অহল ওইরবা লেজিসলেচর অমসুং হান্নগী য়ুনিয়ন মিনিষ্টর ওইনা মহাক্কী খঙবা-হৈবা অদুনা হাওসকী ইকায়খুম্নবা শিংথাবা য়ানা হেনগৎহনগনি।
প্রধান মন্ত্রীনা এক্সতা হায়খি;
“নিতিস কুমার জিনা লৈবাক অসিদা খ্বাইদগী হৈথোই-শিংথোইবা লুচিংবা অমনি। অফবা লৈঙাক পুরক্নবা মহাক্না পাংথোকখিবা থবক মালেম শীনবা থুংনা থাগৎনখ্রে। বিহার চাউখৎনবা মহাক্না শিংথাবা য়ানা থবক পায়খৎখি। মহাক সংসদতা অমুক হল্লকপা উবদা হরাওই। সংসদকী মেম্বর অমসুং য়ুনিয়ন মিনিষ্টর ওইনা মহাক চহি কয়া মীয়ামগী থবক তৌরকখ্রে। মহাক্কী রাজনিতিগী হৈথোই-শিংথোইবা অদুনা মখা তানা সংসদকী ইকায়খুম্নবা হেনগৎহনগনি হায়না ঐনা থাজৈ। রাজ্য সভাগী এম.পি ওইনা ৱাশক লৌখিবদা মহাক্কী মফমদা থাগৎপা ফোঙদোকচরি অমসুং মহাক্কী তুংগী থবক-থৌরমগীদমক য়াইফ পাউজেল পীজরি”।
नीतीश कुमार जी देश के सबसे अनुभवी नेताओं में से एक हैं। सुशासन को लेकर उनकी प्रतिबद्धता की हर तरफ सराहना हुई है। उन्होंने बिहार के विकास में अमिट योगदान दिया है। उन्हें एक बार फिर संसद में देखना बहुत सुखद होगा। सांसद और केंद्रीय मंत्री के रूप में भी उन्होंने कई वर्षों तक अपनी…
— Narendra Modi (@narendramodi) April 10, 2026
***
(রিলিজ আই.দি.: 2250738)
ভিজিতর কাউন্তর : 24
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Kannada
,
Malayalam