আয়ুশ মন্ত্রালয়না ২০২৬গী এপ্রিল ১০দা বিজ্ঞান ভবনদা মালেমগী হোমিওপেথী নুমিৎকী পালন তৌগনি, থৌরম অসিদা নুমিৎ নিনিগী ইন্তরেক্তিব ফোরমসু পাংথোক্কনি। ইন্তরেক্তিব ফোরম অসিনা মকোক থোংবা পোলিসী মেকরশিং, রিসর্চ তৌবশিং, প্রেক্তিসনরশিং অমসুং দেলিগেৎশিংবু পুনশিন্নদুনা সস্তেনেবল হেল্থকেয়র সিস্তেমশিং শেমগৎপদা হোমিওপেথিগী হেনগৎলক্লিবা থৌদাং অদুগী মতাংদা খন্ন-নৈন্নবা শেম শারি।

“হোমিওপেথী ফোর সস্তেনেবল হেল্থ”গী থিমদা য়ুম্ফম ওইরিবা চহি অসিগী পালন থৌরম অসিনা হোমিওপেথীনা মতৌ করম্না হকশেলগী লমদা হোলিস্তিক ওইবা, শেল চংদবা অমসুং অকোইবগী ফিভমদা থৌদাং লৈবা এপ্রোচ অমা পীবগে হায়বদু উবা ফংলগনি - মসি য়ুনিভর্সেল হেল্থ কভরেজ অমসুং য়ুনাইতেদ নেসন্স সস্তেনেবল দিবেলপমেন্ত গোলশিং, মরুওইনা অফবা হকশেল অমসুং য়াইফনবা এস.দি.জি. ৩গুম্বা মালেমগী মরু ওইবা ৱাফমশিংগা চুন্নরি।

থৌরম অদুদা আয়ুশ মন্ত্রালয়গী রাজ্য মন্ত্রী (ইন্দিপেন্দেন্ত চার্জ), অমসুং হকশেল অমসুং য়াইফ য়ুম্বালগী রাজ্য মন্ত্রী শ্রী প্রতাপরাও য়াদব অমসুং আয়ুশ মন্ত্রালয়গী সেক্রেতরী বৈদ্য রাজেশ কোতেচা, লৈবাক শিনবা থুংদগী লাকপা মকোক থোংবা সরকারগী ওফিসিএলশিং অমসুং শক্নাইরবা এক্সপর্তশিং শরুক য়াগনি।

সেন্ত্রেল কাউন্সিল ফোর রিসর্চ ইন হোমিওপেথী (সি.সি.আর.ঐচ.) না শিনবা প্রোগ্রাম অসিনা হোমিওপেথিগী লমদা মরুওইবা রিসর্চকী খুমাং চাউশিল্লকপা, পব্লিক হেল্থ ইনিসিএতিবশিং অমসুং পোলিসী দিবেলপমেন্তশিং উৎকনি। মসিদা সাইন্তিফিক ভেলিদেসন, ইথিকেল স্তেন্দর্দশিং মপাঙ্গল কনখৎহনবা অমসুং হোমিওপেথীবু মেনস্ত্রীম হেল্থকেয়র সিস্তেমশিংদা পুনশিনবগী মতাংদা খন্ন-নৈনগনি।

হেল্থকেয়রগী মমল হেনগৎলকপা, ক্রোনিক ওইবা লায়না-লাইচৎকী চৈথেং হেনগৎলকপা অমসুং এন্তিমাইক্রোবিএল রেসিস্তেন্সীগুম্বা অৱাবা হেনগৎলক্লিবা অসিগী মতাংদা, থৌরম অসিনা হোমিওপেথিগী পোতেন্সিএলবু ইকোলোজিকেল ফুতপ্রিন্ত মশিং য়াম্না লৈতনা, রিসোর্সশিংবু মওং চুম্না শীজিন্নদুনা অমসুং হকচাংগী মপুং ওইবা হীলিং মেকানিজমশিংদা মীৎয়েং থমদুনা শেম্বা সস্তেনেবল মেদিকেল সিস্তেম অমা ওইনা উৎকনি।

অখন্নবা সেসনশিংনা প্রিভেন্তিব অমসুং প্রোমোতিব হেল্থকেয়রদা হোমিওপেথীগী থৌদাং, লাইফস্তাইল অমসুং ক্রোনিক ওইবা লায়নাশিং মেনেজমেন্ত, অমসুং কনভেন্সনেল ফার্মাকোথেরাপীদা মখা পোনবা হন্থহনবদা মসিগী কন্ত্রিব্যুসন নৈনগনি। অকোয়রোনগা চান্নবা ফার্মাস্যুতিকেলগী থবকশিং, বাইওদাইভর্সিতী কঞ্জর্বেসন, অমসুং ত্রেদিস্নেল নোলেজবু মোদর্ন সাইন্তিফিক রিসর্চকা পুনশিন্নবগী মরুওইবা অদুদা খন্ন-নৈনগনি।

চহি কয়াদগী হোমিওপেথী অসি ভারত অমসুং মালেমগী ওইনা, মরুওইনা কম্ম্যুনিতী হেল্থকেয়র অমসুং পব্লিক হেল্থ ইন্তরভেন্সনশিংদা, হেন্না-হেন্না য়ানবা হেনগৎলক্লি। আয়ুশ মন্ত্রালয়না ইভিদেন্সতা য়ুম্ফম ওইবা থবকশিং, হেন্না ফবা এক্সেসিবিলিতী, অমসুং নেস্নেল হেল্থ প্রোগ্রামশিংদা পুনশিনবগী থোংদা মসিনা য়ৌশিনবা অসি পাকথোক চাউথোকহন্নবা থবক পায়খৎলি।

মালেমগী হোমিওপেথী নুমিৎ ২০২৬না ত্রেদিস্নেল সিস্তেম ওফ মেদিসিন প্রমোৎ তৌবদা ভারতকী লুচিংবা অদু মখা তানা মপাঙ্গল কনখৎহল্লগনি অমসুং রেসিলিয়েন্ত, ইনক্লুসিব অমসুং সস্তেনেবল হেল্থকেয়র ইকোসিস্তেম অমা শেমগৎনবা হোৎনবা অসিদা অনৌবা ইথিল পীরগনি হায়না পানরি।

থৌরম অসিনা স্তেকহোল্দরশিংগী মরক্তা দাইলোগ, কোলাবোরেসন অমসুং ইন্নোবেসন পুক্নিং থৌগৎনবা প্লেৎফোর্ম অমা ওইনা মথৌ তৌগনি। মসিনা হেল্থকেয়র অসি ইফেক্তিব ওইবতা নত্তনা ইক্বিতেবল, এনভাইরনমেন্তকী মতাংদা খঙবা অমসুং তুং কোইনা চৎকদবা তুংলমচৎ অমগী লম্বী য়াৎকনি।

***