প্রধান মন্ত্রী শ্রী নরেন্দ্র মোদীনা এপ্রিল ৮, ২০১৫দা হৌদোকখিবা প্রধান মন্ত্রী মুদ্রা য়োজনা (পি.এম.এম.ৱাই.) না ভারতকী গ্রাসরুৎ ওন্ত্রর্প্রিনরশিংবু মপাঙ্গল কনখৎহনবদা মায় পাকপগী চহি ১১ মপুং ফারক্লি। মসিগী খোঙথাং অসি শেল-থুমগী অয়াবা ফংহনবদা লৈরিবা অৱাৎপা অদু কোকহন্নবা শেমগৎপনি। মসিনা করপোরেত অমসুং লৌউ-শিংউগী নত্তবা শেন্মিৎলোনগী থবকশিংদা অপীকপা ললোন-ইতিক্কী থবকশিংদা মতেং পাংনবা লুপা লাখ ২০ ফাওবগী লায়রবা, কোলেতরেল য়াওদবা লোনশিং পীরি।

মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.) না ইন্দস্ত্রীএল ইকোসিস্তেমগী মপাঙ্গল ওইরি। মখোয়না অচৌবা কোর্পোরেসনশিংদা মরুওইবা পার্তনর ওইনা থবক তৌরি অমসুং তংদু লৈতাবা শেন্মিৎলোন চাউখৎপা পুরক্লি। অনৌবা ইন্দস্ত্রীশিংদা মখোয়গী য়ুম্ফম হোংদোক্তুনা অমসুং মখোয়গী পোত্থোকশিং ফগৎহন্দুনা, হায়রিবা ইন্তর্প্রাইজেসশিং অসিনা লোকেল কঞ্জুমরশিং অমসুং মালেমগী কৈথেল অনিমক্কী মথৌ তাবশিং কান্নবা মওংদা কোকহল্লি।

দিজিতেল ইন্নোবেসনশিং অমসুং দেতা এনালাইতিক্সনা অপীকপা ফার্মশিংদা কেপিতেল ফংহনবদা হেন্না লায়হল্লিবা অসিনা মরম ওইদুনা বিজিনেস ফাইনান্সিংগী লমদম অসি য়াম্না থুনা চাউখৎলক্লি। মসিগী খুমাং চাউশিল্লকপগী য়ুম্ফম অমা হায়রগদি পি.এম.এম.ৱাই.না ওইরি। মসি স্ত্রেতেজিক ওইবা সরকারগী খোঙথাং অমনি। মসিগী মমিদি "ফন্দ দি অনফন্দিদ"গীনি। মসিনা ত্রেদিস্নেল বেঙ্কিং সিস্তেমশিংনা চৎনবীগী মতুং ইন্না য়েংহৌদবা মীওইশিংদা ক্রেদিৎ ফংহনগনি।

পি.এম.এম.ৱাই.গী ১১শুবা চহি মাই পাক্না মপুং ফারকপগী থৌরমদা, কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতি নির্মলা সিতারমন্না প্রধান মন্ত্রীগা উনখি। নির্মলা সিতারমননা হায়খি, "হৌখিবা চহী তরা অসিদা, ভারতনা কোতি কয়াগী মীচম প্রজাশিংনা অনৌবা থাজবা অমসুং থৌনাগা লোয়ননা ওন্ত্রপ্রিনরশিপতা চংশিল্লকপা উবা ফংলে। মসিগী ময়াইদা প্রধান মন্ত্রীনা এপ্রিল ০৮, ২০১৫দা হৌদোকখিবা প্রধান মন্ত্রী মুদ্রা য়োজনা (পি.এম.এম.ৱাই.) গী খোঙথাং অমা লৈ, মসি দিজাইন তৌদুনা "শেলগী মতেং ফংদবশিংদা শেল থাদবা"দা মীৎয়েং থমখি।

চহি ১১গী মতুংদা, স্কিম অসিনা এম.এস.এম.ই.শিং অমসুং লৈবাক অসিদা লৈরিবা মশিং য়াম্লবা ইন্দিভিজুএল ওন্ত্রপ্রিন্যুরশিংগীদমক ক্রেদিৎ লেন্দস্কেপ শেমগৎপদা অচৌবা থৌদাং লৌরি। মখোয়শিং অসি ফোরমেল বেঙ্কিং সিস্তেমদগী হান্ননা থাদোকখ্রিবা এন্ত্রিপ্রেন্যুওরশিংনি। মসিগী খোঙথাং অসিগা লোইননা, ক্রেদিৎকী থোঙ লোনবগী অথিংবা লৌথোক্তুনা, এন্ত্রিপ্রেন্যুওরশিপ অসি তশেংনা দেমোক্রেতাইজ তৌখ্রে।" নির্মলা সিতারমননা মখা তাখি।

পি.এম.এম.ৱাই.গী থৌদাং অসি মীওই মিল্লিয়ন কয়াদা শক্তি পীনবা অমসুং ইনক্লুসিব গ্রোথকী মিৎয়েং অদু মপুং ফাহন্নবগীদমক শন্দোক্না তাক্লদুনা, কেন্দ্রগী শেল-থুম মন্ত্রীনা হায়খি, অপুনবা ওইনা, লুপা করোর ৫৭.৭৯ হেন্না লোন পীখ্রে, মসিদা লুপা করোর লাখ ৪০.০৭গী শেনফম পীখ্রে। লোনশিংগী শরুক অহুম থোকপগী অনি নুপী ওন্ত্রপ্রিনরশিংদা অয়াবা পীখ্রে। লোন পুম্নমক্কী চাউরাক্না শরুক মঙা থোকপগী অমা অহানবা ওইনা ইন্তর্প্রিনর ওইরিবা মীওইশিংদা পীখি। অপুনবা ওইনা, মসিনা অনৌবা ওন্ত্রপ্রিনরশিংদা পীবা লুপা করোর লাখ ১২গী শেনফমগা লোইননা লুপা করোর ১২.১৫গী শেনফম ওইরি।

কেন্দ্রগী শেল-থুম মন্ত্রীনা বেঙ্কশিং, তোঙান-তোঙানবা শেল-থুমগী ইন্সতিত্যুসনশিং অমসুং স্তেকহোল্দরশিংদা স্কিম অসি মীপুম খুদিংমক্তা য়ৌহন্নবা অমসুং মসিবু মায় পাকহনবগীদমক থাগৎপা ফোংদোকখি।

পি.এম. মুদ্রা য়োজনা অসিনা ২০৪৭ ফাওবদা বিক্সিত ভারত ওইনবা ঐখোয়গী জাতিগী খোঙচৎ অসিদা ওন্ত্রপ্রিনরশিংবু এক্তিব পার্তিসিপেন্ত ওইহন্নবা মপাঙ্গল কনখৎহল্লগনি। নির্মলা সিতারমননা হায়খি।

থৌরম অদুদা ফাইনান্সকী কেন্দ্রগী রাজ্য মন্ত্রী (এম.ও.এস.) শ্রী পঙ্কজ চৌধরীনা হায়খি, "প্রধান মন্ত্রী মুদ্রা য়োজনা (পি.এম.এম.ৱাই.) অসি মাইক্রো-এন্তর্প্রিনরশিপ প্রোমোৎ তৌনবা পান্দম থম্লিবা খ্বাইদগী মরু ওইবা খোংথাং অমনি। ইনক্লুসিব গ্রোথ ফংবদা মরুওইবা থৌদাং লৌরিবা মরম্না ফাইনান্সিএল ইনক্লুসন অসি সরকারগী খ্বাইদগী মরুওইবা অমা ওইরি। পি.এম.এম.ৱাই.না অপীকপা ওন্ত্রপ্রিনরশিংদা বেঙ্কশিং, এন.বি.এফ.সি.শিং অমসুং এম.এফ.আই.শিংদগী লোনগী তেংবাং ফংহন্নবা প্লেৎফোর্ম অমা পীরি। মসিনা ক্রেদিৎ ইনক্লুজনবু থৌগৎলি।

মুদ্রা য়োজনা অসি প্রধান মন্ত্রী শ্রী নরেন্দ্র মোদীনা এপ্রিল ৮, ২০১৫দা হৌদোকখি। স্কিম অসি হৌদোক্লদুনা প্রধান মন্ত্রীনা হায়খি মদুদি ভারতকী অপীকপা ওন্ত্রপ্রিনরশিংবু মতেং পীনবা অসি ভারতকী শেন্মিৎলোন চাউখৎহনবদা অমসুং চাউখৎহনবদা মতেং পাংনবা খ্বাইদগী কান্নরবা পাম্বৈ অমনি। স্কিম অসিনা এন্ত্রিপ্রেন্যুওর কয়াদা মরুওইবা শেল-থুমগী তেংবাং পীদুনা মখোয়গী ব্যুজিনেসশিং লিংখৎপা অমসুং চলাইবদা মতেং পাংলি অমসুং মখোয়দা শেল-থুমগী সেক্যুরিতীগী ৱাখল্লোন অমা পোকহল্লি।"

এম.ও.এস.না মখা তাখি, "মসিনা লৈবাক শীনবা থুংনা, মরুওইনা সমাজগী শোত্থরবা কাংলুপশিংগীদমক, সেদ্যুল কাস্ত/সেদ্যুল ত্রাইবশিং, অতৈ পিছৱার্দ ক্লাসশিং (লোন বেনিফিসরীশিংগী ৫১%), অমসুং নুপীশিং (লোন বেনিফিসরীশিংগী ৬৭%) য়াওনা, সেল্ফ-ইমপ্লোইমেন্তকী খুদোংচাবশিং শেমগৎলে।"

মুদ্রাগী ইম্পেক্তকী মতাংদা পল্লদুনা এম.ও.এস.না হায়খি মদুদি মুদ্রা য়োজনাগী মরুওইবা পান্দমদি "ফন্দ লৈজদবশিংদা শেল থাদবনি।" স্কিম অসিনা ভারতকী অপীকপা ওন্ত্রপ্রিনরশিংবু ইনফোর্মেল লোন পীবশিংনা শেন থাদবগী থৌওং মায় পাক্না লোইশিনখ্রে। হৌখিবা চহি ১১দা, মসিনা লুপা কোতি লাখ ৫৭.৭গী লোনগী খুত্থাংদা লুপা কোতি লাখ ৪০ হেন্না পীরকখ্রে। মসিনা লোন লৌরিবশিংগী মরক্তা অনৌবা থাজবা অমা পীরক্লি। মসিনা ফাইনান্সিএল ইনক্লুজনগী খুত্থাংদা ইনক্লুসিব গ্রোথকী খুত্থাংদা ২০৪৭ ফাওবদা ভারতপু দিবেলপ তৌরবা লৈবাক অমা ওইহন্নবা সরকারগী অচেৎপা ফিরেপ অদু ময়েক শেংনা উৎলি।

ঐখোয়না মুদ্রা স্কিমগী মরুওইবা ৱাখল্লোনশিংগী খুত্থাংদা শেল-থুমগী লমদা চাওখৎপা পুরকপা চহি তরামঙাগী পালন পাংথোক্লিঙৈদা, স্কিম অসিগী মরুওইবা মগুনশিং অমসুং মরুওইবা মাইলস্তোনশিং য়েংমিন্‌নসি:

লৈবাক অসিদা ফাইনান্সিএল ইনক্লুজন প্রোগ্রাম ইমপ্লিমেন্ত তৌবা অসি য়ুম্ফম অহুমদা য়ুম্ফম ওই, মখোয় অদুদি,

১। বেঙ্ক লৈতবশিংদা বেঙ্কিং পীবা

২। সেক্যুরিতী লৈতবা অমসুং

৩। শেল থাদবা ঙমদবশিংদা শেল থাদবা

মথক্তা পনখ্রিবা পান্দম অহুম অসি তেক্নোলোজী শীজিন্নদুনা অমসুং স্তেকহোল্দর মশিং য়াম্বা পুন্না থবক তৌমিন্নদুনা ফংহল্লি।

ফাইনান্সিয়েল ইনক্লুজনগী য়ুম্বী অহুমগী মনুংদা অমা ওইরিবা - ফাইনান্সিয়েল ইনক্লুজন লৈতবশিংদা শেল থাদবা অসি পি.এম.এম.ৱাই.গী খুত্থাংদা ফাইনান্সিএল ইনক্লুজন ইকোসিস্তেমদা ময়েক শেংলি। মসি অপীকপা/অচীকপা ইন্তর্প্রিনরশিংদা ক্রেদিৎকীদমক্তা কোলেতরেল ফ্রী এক্সেস ফংহন্নবা পান্দমগা লোয়ননা ইমপ্লিমেন্ত তৌরি।

পি.এম.এম.ৱাই.গী মরুওইবা মগুনশিং:

১। মুদ্রা লোন অসি কাংলুপ মরিদা পীরি, মখোয় অদুদি,  'সিসু', 'কিশোর', 'তরুন' অমসুং 'তারুনপ্লস'নি। মসিদা লোন লৌরিবশিংগী চাউখৎপগী তাঙ্কক অমসুং শেল থাদবগী মথৌ তাবশিং তাক্লি: -

• শিশু: লুপা 50,000/- ফাওবগী লোন পীবা
• কিশোর: লুপা 50,000/-দগী হেনবা অমসুং লুপা লাখ 5 ফাওবগী লোন পীবা
• তরুন: লুপা লাখ ৫দগী লুপা লাখ ১০ ফাওবগী লোন পীবা
• তরুন প্লস: লুপা লাখ ১০গী মথক্তা অমসুং লুপা লাখ ২০ ফাওবগী লোন পীবা

২। লোনশিং অসিনা পোল্ট্রি, দেরি অমসুং বিকিপিং অসিনচিংবা লৌউ-শিংউগা মরী লৈনবা থবকশিং য়াওনা মেন্যুফেকচরিং, ত্রেদ অমসুং সর্ভিস সেক্তরশিংদা তর্ম ফাইনান্সিং অমসুং ৱার্কিং কেপিতেলগী মথৌ তাবশিং কুপশিল্লি।

৩। শেন্দোইগী চাং অসি আর.বি.আই.গী চৎন-কাঙলোনশিংগা লোয়ননা ফ্লেক্সিবল ওইবা শেল শিংবগী মতমগা লোয়ননা চলাইরি।

২৭.০৩.২০২৬ ফাওবদা প্রধান মন্ত্রী মুদ্রা য়োজনা (পি.এম.এম.ৱাই.) গী মখাদা ফংখিবা ফলশিং-

নুপী লোন লৌরিবশিং: শিশু কাংলুপকী মখাদা পুন্না লুপা করোর লাখ ৯.০২, কিশোর কাংলুপকী মখাদা লুপা করোর লাখ ৬.২২ অমসুং তরুন কাংলুপকী মখাদা লুপা করোর লাখ ১.০৯ পীখি।

মাইনোরিতী বোরোৱরঃ থাদোক্লিবা শেনফম অসি শিশুগী মখাদা লুপা করোর লাখ ১.৩৩ য়ৌখি, কিশোরগী মখাদা লুপা করোর লাখ ১.৫৪, অমসুং তরুনগী মখাদা লুপা করোর লাখ ০.৬২ য়ৌখি। 

অনৌবা এন্ত্রিপ্রেন্যুওরশিং/ একাউন্তশিং:

শিশু কাংলুপ: একাউন্ত করোর ৮.৮০দা লুপা করোর লাখ ২.৪৭গী অয়াবা পীখ্রে অমসুং লুপা করোর লাখ ২.৪২গী শেনফম পীখ্রে।

কিশোর কাংলুপ: একাউন্ত করোর ২.৭৯দা লুপা করোর লাখ ৫.০৯গী অয়াবা পীখ্রে অমসুং লুপা করোর লাখ ৪.৮৭গী শেনফম পীখ্রে।

তরুন কাংলুপ: একাউন্ত লাখ ৫৫দা লুপা করোর লাখ ৪.৮২গী অয়াবা পীখ্রে অমসুং লুপা করোর লাখ ৪.৬৭গী শেনফম পীখ্রে।

কাংলুপকী মতুং ইনা খিয়াদোকপাঃ (কাইথখ্রবা লোন মশীং অমসুং শেনফম)

             চহি-চহিগী কাইথবা শেনফম মখাদা পীরি

পি.এম.এম.ৱাই.গী চহী তরারোম মপুং ফারকপদা, ভারতনা লৈজদ্রবশিংবু ফোর্মেল ইকোনোমীদা পুশিনবগীদমক্তা লেপ্লিবা অচেৎপা মিসন অদু ময়েক শেংলে। "বেঙ্কিং দি অনবেঙ্ক", "সেক্যুরিতী লৈতবশিংদা সেক্যুরিতী পীবা" অমসুং "ফন্দিং দি অনফন্দিং" হায়রিবা মরুওইবা প্রিন্সিপলশিংদা মীৎয়েং থমদুনা সরকারনা শেল-থুমগী অৱাবা কোকহন্নবা অমসুং এস্পিরেতিব বিজিনেস মপুশিংগী আশাশিং অদু তশেং তশেং ওইহন্নবা হোৎনরি।

 ***