আয়ুশ মন্ত্রালয়গী মোরার্জী দেসাই নেস্নেল ইন্সতিত্যুত ওফ য়োগ (এম.দি.এন.আই.ৱাই.) না ঙসি মহারাস্ত্রগী বুলধনা দিস্ত্রিক্তকী লোনারদা লৈবা ছত্রপতি শ্রী শিবাজী মহারাজ উদয়ানদা য়োগ মহোৎসব ২০২৬ পাংথোকখ্রে। থৌরম অসিনা এসিয়া বুক ওফ রেকোর্দসতা ত্রিকোনাসনা পাংথোকপা খ্বাইদগী চাউবা মীতিন ওইনা চনদুনা মশক থোকপা মাইলস্তোন অমা ওইখি।

লোনারগী পুৱারী ওইরবা শহর অসিবু পুন্না মশা মউ ফনা লৈমিন্নবগী মফম অমা ওইহন্নবা কমন য়োগ প্রোতোকোল (সি.ৱাই.পি.) পাংথোক্নবা শরুক য়ারিবা মীওই ৫০০০ রোম অয়ুক অঙনবদা পুনখি। য়ুনিতী, হকশেল অমসুং য়াইফ-থৌরাং হেনগৎহন্নবা শক্তি লৈরবা মেদিয়ম অমা ওইনা য়োগবু মালেম পুম্বনা লৌশিনবা হেনগৎলক্লিবা অসি অচৌবা শরুক য়াবগী থৌরম অসিনা উৎখি।

কেন্দ্রগী আয়ুশ অমসুং হকশেল অমসুং ইমুং মনুংগী য়াইফ-থৌরাংগী রাজ্য মন্ত্রী শ্রী প্রতাপরাও যাদবনা থৌরম অসি ২০২৬কী ইন্তর্নেস্নেল দে ওফ য়োগ (আই.দি.ৱাই.) মহাক্না হায়খি মদুদি জিওলোজিকেল্লি মরু ওইবা লোনার রিজন অসিদা থৌরম অসি পাংথোকপা অসিনা হোলিস্তিক হেল্থ অমসুং হার্মোনিগী মায়কৈদা মালেম পুম্বনা খঙলকপগী খুদম অমনি। য়োগগী মরুওইবা অদু পল্লদুনা মহাক্না হায়খি মদুদি মসিগী থৌওং অসিনা হকচাংগী হকশেল, ৱাখলগী ফিবম অমসুং পুক্নিংগী তংদু লৈতবা হেনগৎহল্লি।

রেকোর্দ থম্লিবা ত্রিকোনাসনা পর্ফোমেন্সকী মরুওইবা অদু পল্লদুনা শ্রী জাদবনা হায়খি মদুদি এচিবমেন্ত অসিনা য়োগগী মগুন ওইরিবা অপুনবা শরুক য়াবা অমসুং শেয়র ৱেলনেসকী স্পিরিত অদু উৎলি। মহাক্না আয়ুশ আহারাগী মরুওইবা অদুসু পনখি। মহাক্না ইম্ম্যুনিতী হেনগৎহনবদা অমসুং হকশেল ফগৎহনবদা ত্রেদিস্নেল অমসুং নেচরেল ফুদশিং হায়বদি মিল্লেৎ, রাগি, নোকোস ওইল অমসুং হিদাক-লাংথকশিংগী থৌদাং অদুসু পনখি।

মীফম অদুদা ৱা ঙাংলদুনা শ্রীমতি আয়ুশ মন্ত্রালয়গী জোইন্ত সেক্রেতরী মোনালিসা দাশনা য়োগ অসি মালেমদা ভারতনা পীবা খ্বাইদগী মমল য়াম্লবা কন্ত্রিব্যুসন অমনি হায়না ফোঙদোকখি। মসিনা ৱাখল, হকচাং অমসুং স্পিরিতকী মরক্তা তংদু লৈতাবা পুন্সি মহিং অমা উৎলি হায়না মহাক্না ফোংদোকখি।

প্রোগ্রাম অসিদা প্রোফেসর মোদীনা লুচিংদুনা কম্মন যোগ প্রোতোকোলগী লাইব দেমোন্সত্রেসন অমা পাংথোকখি। (দাক্তর) কাশিনাথ সামগান্দি, দিরেক্তর, এম.দি.এন.আই.ৱাই. সেসন অসিদা যোগাসন, প্রানায়াম অমসুং ধ্যান য়াওখি। মসিনা শরুক য়ারিবশিংদা যোগগী মপুং ফাবা কান্নবশিং ফংহনখি।

২০২৬কী য়োগ মহোৎসবনা আয়ুশ মন্ত্রালয়গী মরুওইবা থৌরাং কয়া অমা উৎখি। মসিগী মনুংদা "য়ুগ ফোর এয়র ত্রেবেল" প্রোতোকোল, "নোন-ককম্ম্যুনিকেবল দিজিজশিংগীদমক য়োগ প্রোতোকোল ১০" অমসুং য়োগপু নুমিৎ খুদিংগী পুন্সিদা য়াওহন্নবা য়োগ ৩৬৫ কেম্পেন য়াওরি। নুমিৎ ১৪নিগী ওইনা লেম্না গাইদেদ তৌরবা যোগ চত্থবগী টোল ফ্রী হেল্পলাইন (1800-315-7008) অমা লৈ হায়নসু পনখি।

থৌরম অসিনা ২০২৬দা পাংথোক্কদৌরিবা ১২শুবা ইন্তর্নেস্নেল দে ওফ য়োগ (আই.দি.ৱাই.) থৌরম অদুদা আয়ুশ মন্ত্রালয়গী মকোক থোংবা ওফিসিএলশিং, দিস্ত্রিক্ত এদমিনিস্ত্রেসনগী মীহুৎশিং অমসুং অতোপ্পা শক্নাইরবা মীথুংলেনশিং শরুক য়াখি।

হৌখিবা এদিসন তরামঙাদা, ইন্তর্নেস্নেল দে ওফ য়োগ অসি চহি খুদিংগী হেনগৎলক্লিবা ইন্তর্নেস্নেল পার্তিসিপেন্সীগা লোয়ননা হকশেল অমসুং য়াইফ-থৌরাংগীদমক মালেমগী খ্বাইদগী চাউবা খোঙজং অমা ওইরক্লি। লাক্কদৌরিবা ১২শুবা এদিসন অসিদা নন-কনফেক্সিব দিজিজশিং থেংননবা, জেরিয়াত্রিক হেল্থ প্রমোৎ তৌনবা অমসুং আর্তিফিসিএল ইন্তেলিজেন্স য়াওনা অনৌবা তেক্নোলোজীশিংগা য়োগগা পুনশিন্ননবা হোৎনবদা মীৎয়েং থমগনি।

আয়ুশ মন্ত্রালয়না জন ভাগিদারীগী খুত্থাংদা য়োগবু মীয়ামগী খোংজং অমা ওইনা শৌগৎনবা, লৈবাক শীনবা থুংনা অমসুং মালেমগী থাক্তা শরুক য়াবা হেনগৎহন্নবা অমসুং আই.দি.ৱাই. ২০২৬কী মাংওইননা মসিগী অচেৎপা ফিরেপ অদু অমুক হন্না ফোংদোকখি।

 ***