انڈین ریلوے نے مغربی ریلوے میں اپنے مواصلاتی ڈھانچے کو مضبوط بنانے کے لیے ایک اہم منصوبے کی منظوری دی ہے، جس کے تحت احمد آباد اور رتلام ڈویژن میں 4×48 آپٹیکل فائبر کیبل (او ایف سی) بیک بون کی فراہمی 398.36 کروڑ روپے کی لاگت سے کی جائے گی۔

یہ منصوبہ ’’انڈین ریلوے کے باقی ماندہ روٹس پر لانگ ٹرم ایوولوشن (ایل ٹی ای) مواصلاتی بیک بون کے ساتھ ’کَوچ‘ کی فراہمی (امبریلا ورک 2024–25)‘‘ کے تحت منظور کیا گیا ہے، جس کی مجموعی منظوری شدہ لاگت 27,693 کروڑ روپے ہے، جو ورکس پروگرام 2024–25 (پی ایچ-33) میں شامل ہے۔ مغربی ریلوے کے لیے ایک ذیلی امبریلا منصوبہ بھی 2,800 کروڑ روپے کی لاگت سے منظور کیا گیا ہے، جس کے تحت اس منصوبے کو شروع کیا گیا ہے۔

منظور شدہ کام کے تحت مغربی ریلوے میں 1929 روٹ کلو میٹر (آر کے ایم) پر 2×48 فائبر او ایف سی کیبل بچھائی جائے گی، جس میں شامل ہیں:

• 1456 روٹ کلو میٹر احمد آباد ڈویژن میں
• 473 روٹ کلو میٹر رتلام ڈویژن میں

مواصلاتی بیک بون میں یہ نمایاں اضافہ ریلوے کے مواصلاتی نظام کی صلاحیت، قابلِ اعتمادیت اور کارکردگی کو بہتر بنائے گا۔ یہ جدید سگنلنگ نظام، بشمول ’کَوچ‘ کے نفاذ میں بھی مددگار ثابت ہوگا اور پورے نیٹ ورک میں بلا رکاوٹ ڈیٹا کی ترسیل کو ممکن بنائے گا۔

یہ اقدام انڈین ریلوے کی جدید کاری، سلامتی میں بہتری اور ڈیجیٹل تبدیلی کی سمت ایک اور اہم قدم ہے، جو آپریشنل کارکردگی کو بہتر بنانے اور مسافروں و مال برداری کی خدمات کو مزید مؤثر بنانے کو یقینی بنائے گا۔

******

ش ح۔ ش ا ر۔ ول

Uno- 5389