ભારતીય રેલવેએ પશ્ચિમ રેલવેમાં તેના સંચાર માળખા (communication infrastructure) ને મજબૂત કરવા માટે ₹398.36 કરોડના કુલ ખર્ચે અમદાવાદ અને રતલામ ડિવિઝનમાં 4×48 ઓપ્ટિકલ ફાઈબર કેબલ (OFC) બેકબોનની જોગવાઈની મંજૂરી સાથે એક મહત્વપૂર્ણ પ્રોજેક્ટ મંજૂર કર્યો છે.

આ પ્રોજેક્ટ "ભારતીય રેલવેના બાકીના રૂટ પર લોંગ ટર્મ ઇવોલ્યુશન (LTE) ના સંચાર બેકબોન સાથે કવચની જોગવાઈ (અમ્બ્રેલા વર્ક 2024-25)" શીર્ષક હેઠળના અમ્બ્રેલા વર્ક હેઠળ મંજૂર કરવામાં આવ્યો છે, જે વર્કસ પ્રોગ્રામ 2024-25 (PH-33) હેઠળ ₹27,693 કરોડની એકંદર મંજૂર કિંમત ધરાવે છે. પશ્ચિમ રેલવે માટે ₹2,800 કરોડના ખર્ચે પેટા-અમ્બ્રેલા કાર્ય પણ મંજૂર કરવામાં આવ્યું છે, જે અંતર્ગત આ પ્રોજેક્ટ હાથ ધરવામાં આવ્યો છે.

મંજૂર કરાયેલા કાર્યના ભાગરૂપે, પશ્ચિમ રેલવેમાં 1929 રૂટ કિલોમીટર (RKm) પર 2×48 ફાઈબર OFC કેબલ નાખવામાં આવશે. જેમાં નીચેનાનો સમાવેશ થાય છે:

• અમદાવાદ ડિવિઝનમાં 1456 RKm
• રતલામ ડિવિઝનમાં 473 RKm

સંચાર બેકબોનમાં આ નોંધપાત્ર વધારો રેલવે સંચાર પ્રણાલીની ક્ષમતા, વિશ્વસનીયતા અને કાર્યક્ષમતામાં વધારો કરશે. તે આધુનિક સિગ્નલિંગ પ્રણાલીઓને પણ ટેકો આપશે, જેમાં 'કવચ' ના અમલીકરણનો સમાવેશ થાય છે, જે સમગ્ર નેટવર્કમાં સીમલેસ ડેટા ટ્રાન્સમિશનને સક્ષમ બનાવશે.

આ પહેલ ભારતીય રેલવેના આધુનિકીકરણ, સુરક્ષા વૃદ્ધિ અને ડિજિટલ પરિવર્તન તરફનું બીજું એક પગલું છે, જે મુસાફરો અને નૂર કામગીરી (freight operations) માટે સુધારેલી ઓપરેશનલ કાર્યક્ષમતા અને બહેતર સેવા વિતરણની ખાતરી આપે છે.

SM/NP/JD