کریئٹ اِن انڈیا چیلنج (سی آئی سی) کے پہلے سیزن کے تحت ’ انوویٹ ٹو ایجوکیٹ ‘   چیلنج کا مقصد   ، تعلیم اور ٹیکنالوجی کو تخلیقی طور پر آپس میں جوڑ کر اختراع کی حوصلہ افزائی کرنا تھا ۔ یہ چیلنج طلباء ، اسٹارٹ اپس اور اختراع کاروں کے ذریعہ ہینڈ ہیلڈ لرننگ ڈیوائسز کے ڈیزائن اور ترقی پر مرکوز تھا ۔

چیلنج سے متعلق فریم ورک نے شرکاء کو ایسے حل تیار کرنے کی ترغیب دی   ، جو اختراع پر مبنی  اور قابلِ رسائی ہوں    اور ان  میں بصارت سے محروم اور نیورو ڈائیورجنٹ سیکھنے والے   بچوں سمیت ،  وہ بچے شامل ہوں ، جن کی سیکھنے کی متنوع ضروریات ہیں   ۔ اس پہل میں   لوگوں نے ملک بھر سے شرکت کی ، جس میں مختلف پس منظر سے تعلق رکھنے والے طلباء اور اختراع کار شامل تھے ۔ ایک صنعتی ایسوسی ایشن نے وزارت کے تعاون سے اس چیلنج کو انجام دیا اور اسکولوں ، یونیورسٹیوں وغیرہ میں آؤٹ ریچ سرگرمیاں انجام دیں ۔  اس کا مقصد تمام  متعلقہ فریقوں کی وسیع تر شرکت کو یقینی بنانا تھا ۔

چیلنج کے رہنما خطوط میں  ، 1,000 روپے کی حد کے اندر ہارڈ ویئر اجزاء کا استعمال کرتے ہوئے ہینڈ ہیلڈ ڈیوائسز کو ڈیزائن اور تیار کرنے کے لیے لاگت کا معیار مقرر کیا گیا ہے ۔ اس کا مقصد  ، تعلیمی ٹیکنالوجی کے حل میں کم خرچ  ،  قابل رسائی اور کفایت شعاری سے متعلق اختراعات کو فروغ دینا تھا ۔ ابتدائی طور پر منتخب شرکاء کے ساتھ رہنمائی اور ورکشاپ  اجلاس کے بعد ، حل کو مزید بہتر اور موثر بنایا گیا ۔

1800   سے زیادہ  اندراج میں سے کل 10 فائنلسٹ منتخب کیے گئے ۔ شارٹ لسٹ کی گئی ٹیموں کو کریئٹو اسفیئر ، ویوز 2025  میں اپنے پروٹو ٹائپ کی نمائش کرنے اور صنعت  کاروں کے ساتھ رابطے کے مواقع فراہم کیے گئے ۔

اس کے علاوہ ،  پہلی تین جیتنے والی ٹیموں کو  ، ان کی اختراع اور کوشش کے اعتراف میں 50,000 روپے تک کی انعامی رقم سے نوازا گیا ۔ ڈیزائن اور پروٹو ٹائپ کی نمائش رسائی ، انٹرایکٹو لرننگ اور ٹیکنالوجی سے چلنے والی تعلیم کے متنوع طریقوں کی عکاسی کرتی ہے ۔

اجلاس کے بعد ، 10 فائنلسٹ ٹیموں میں سے ، 4 ٹیمیں اسٹارٹ اپ میں تبدیل ہو چکی ہیں  اور ان میں سے 2 اسٹارٹ اپ ویویکس اسٹارٹ اپ ایکسلریٹر پروگرام کے ذریعے انکیوبیشن کی تلاش کر رہے ہیں ۔ ویوز بازار آؤٹ ریچ ایونٹس کے ذریعے ، فاتحین کو اپنے پیش کئے گئے حل کو   فروغ دینے کے لیے ممکنہ سرمایہ کاروں کے ساتھ بات چیت کرنے کے مواقع فراہم کیے گئے ہیں ۔

یہ معلومات  اطلاعات و نشریات  کے وزیر مملکت ڈاکٹر ایل مروگن نے آج لوک سبھا میں ایک تحریری جواب میں جناب بسوراج بومائی کے  ذریعے پوچھے گئے سوالات کے جواب میں  فراہم کیں ۔

 

.......................

) ش ح –    ا ع خ    -  ع ا )

U.No. 5238

(ریلیز آئی ڈی: 2247887) وزیٹر کاؤنٹر : 5