ಪ್ರಕಟಣಾ ದಿನಾಂಕ:
01 APR 2026 2:05PM by PIB Bengaluru
ಕೇಂದ್ರ ಬಜೆಟ್ 2026-27ರ ಘೋಷಣೆಯ ಅನುಸಾರವಾಗಿ, ಜಾಗತಿಕ ವ್ಯಾಪಾರ ಅಡಚಣೆಗಳಿಂದಾಗಿ ವಿಶೇಷ ಆರ್ಥಿಕ ವಲಯಗಳಲ್ಲಿನ (ಎಸ್ ಇ ಝಡ್) ಉತ್ಪಾದನಾ ಘಟಕಗಳು ಎದುರಿಸುತ್ತಿರುವ ಆತಂಕಗಳನ್ನು ಪರಿಹರಿಸಲು ಪರೋಕ್ಷ ತೆರಿಗೆಗಳು ಮತ್ತು ಕಸ್ಟಮ್ಸ್ ಕೇಂದ್ರೀಯ ಮಂಡಳಿ (ಸಿಬಿಐಸಿ) ಇಂದು ಎಸ್ ಇ ಝಡ್ (SEZ) ಗಳಲ್ಲಿನ ಅರ್ಹ ಉತ್ಪಾದನಾ ಘಟಕಗಳಿಂದ ದೇಶೀಯ ಸುಂಕ ಪ್ರದೇಶಕ್ಕೆ (ಡಿಟಿಎ) ರಿಯಾಯಿತಿ ದರಗಳಲ್ಲಿ ಮಾರಾಟ ಮಾಡಲು ಅನುಕೂಲವಾಗುವಂತೆ ವಿಶೇಷ ಒಂದು-ಬಾರಿ ಪರಿಹಾರ ಕ್ರಮವನ್ನು ಪರಿಚಯಿಸಿದೆ.
ಎಸ್ ಇಝಡ್ ಘಟಕಗಳು ಡಿಟಿಎ ಗೆ ತೆರವುಗೊಳಿಸಿದ ಉತ್ಪಾದಿತ ಸರಕುಗಳಿಗೆ ಕಸ್ಟಮ್ಸ್ ಕಾಯ್ದೆ 1962 ರ ಸೆಕ್ಷನ್ 25 ರ ಅಡಿಯಲ್ಲಿ ಹೊರಡಿಸಲಾದ ವಿನಾಯಿತಿ ಅಧಿಸೂಚನೆಯ ಮೂಲಕ ಕೇಂದ್ರ ಬಜೆಟ್ ಘೋಷಣೆಯನ್ನು ಜಾರಿಗೆ ತರಲಾಗುತ್ತಿದೆ ಮತ್ತು ಇದು 2026ರ ಏಪ್ರಿಲ್ 1 ರಿಂದ 2027ರ ಮಾರ್ಚ್ 31 ರವರೆಗೆ ಜಾರಿಯಲ್ಲಿರುತ್ತದೆ (ಅಧಿಸೂಚನೆ ಸಂಖ್ಯೆ 11/2026- ಕಸ್ಟಮ್ಸ್ ದಿನಾಂಕ 31.03.2026).
ಈ ಪರಿಹಾರ ವಿಂಡೋದ ಅಡಿಯಲ್ಲಿ ಅರ್ಹ ಎಸ್ ಇಝಡ್ ಘಟಕಗಳಿಗೆ ರಿಯಾಯಿತಿ ದರಗಳನ್ನು ನಿರ್ಧರಿಸುವಾಗ ಡಿಟಿಎ ಯಲ್ಲಿ ಕಾರ್ಯನಿರ್ವಹಿಸುವ ಘಟಕಗಳಿಗೆ ಸಮಾನ ಅವಕಾಶವನ್ನು ಖಚಿತಪಡಿಸಿಕೊಳ್ಳಲು ಸೂಕ್ತ ಕಾಳಜಿ ವಹಿಸಲಾಗಿದೆ.
ಈ ಪರಿಹಾರ ವಿಂಡೋದಲ್ಲಿ, ಈ ಕೆಳಗಿನ ವಿವರಗಳ ಪ್ರಕಾರ ಅಧಿಸೂಚಿತ ಸರಕುಗಳಿಗೆ ಕಸ್ಟಮ್ಸ್ ಸುಂಕದ ರಿಯಾಯಿತಿ ದರಗಳನ್ನು ನಿಗದಿಪಡಿಸಲಾಗಿದೆ:
|
ಹಾಲಿ ಇರುವ ಸೀಮಾ ಸುಂಕ (ಬಿಸಿಡಿ, ಎಐಡಿಸಿ, ಆರೋಗ್ಯ ಸೆಸ್ ಸೇರಿ)
|
ಪರಿಹಾರ ಅವಕಾಶದಡಿಯಲ್ಲಿ ಅರ್ಹ ಎಸ್ ಇ ಝಡ್ ಘಟಕಗಳಿಗೆ ರಿಯಾಯಿತಿ ದರ
|
|
ಶೇ.7.5
|
ಶೇ.6.5
|
|
ಶೇ.10
|
ಶೇ.9
|
|
ಶೇ.12.5, ಶೇ.15
|
ಶೇ.10
|
|
ಶೇ.20
|
ಶೇ.12.5
|
|
ಶೇ.20 ರಿಂದ ಶೇ.30 ರವರೆಗೆ
|
ಶೇ.15
|
|
ಶೇ.30 ರಿಂದ ಶೇ.40 ರ ನಡುವೆ
|
ಶೇ.20
|
ಈ ಪರಿಹಾರ ಅವಕಾಶದಡಿಯಲ್ಲಿ ಪ್ರಯೋಜನವನ್ನು ಪಡೆಯುವ ಎಸ್ ಇ ಝಡ್ ಘಟಕಗಳು 31.03.2025 ರಂದು ಅಥವಾ ಅದಕ್ಕೂ ಮೊದಲು ಸರಕುಗಳ ಉತ್ಪಾದನೆಯನ್ನು ಆರಂಭಿಸಿರಬೇಕು.
ಈ ಪರಿಹಾರ ಅವಕಾಶದಡಿಯಲ್ಲಿ ಪ್ರಯೋಜನವನ್ನು ಪಡೆಯುವ ಅಂತಹ ಘಟಕಗಳು ತಯಾರಿಸಿದ ಸರಕುಗಳು ಇನ್ಪುಟ್ಗಳ ಮೇಲೆ ಕನಿಷ್ಠಶೇ. 20% ಮೌಲ್ಯವರ್ಧನೆಗೆ ಒಳಗಾಗಿರಬೇಕು.
SEZ ಘಟಕಗಳ ರಫ್ತಿಗೆ ಒತ್ತು ಉಳಿಯುತ್ತದೆ. ಅರ್ಹ SEZ ಘಟಕಗಳಿಂದ ರಿಯಾಯಿತಿ ದರದಲ್ಲಿ DTA ಮಾರಾಟವು ಹಿಂದಿನ ಮೂರು ಹಣಕಾಸು ವರ್ಷಗಳಲ್ಲಿ ರಫ್ತಿನ ಅತ್ಯಧಿಕ ವಾರ್ಷಿಕ FOB ಮೌಲ್ಯದ ಶೇ.30 ಕ್ಕಿಂತ ಹೆಚ್ಚಿರಬಾರದು.
ಈ ಪರಿಹಾರ ಅವಕಾಶವನ್ನು CBIC ಯ ಸ್ವಯಂಚಾಲಿತ ವ್ಯವಸ್ಥೆಯ ಮೂಲಕ ಕಾರ್ಯಗತಗೊಳಿಸಲಾಗುತ್ತದೆ ಮತ್ತು ಈ ಪರಿಹಾರ ವಿಂಡೋದ ಅಡಿಯಲ್ಲಿ DTA ಕ್ಲಿಯರೆನ್ಸ್ಗಳಿಗಾಗಿ ಪ್ರವೇಶ ಬಿಲ್ಗಳ ಮೌಲ್ಯಮಾಪನವನ್ನು ಮುಖರಹಿತ ಮೌಲ್ಯಮಾಪನ ಕಾರ್ಯವಿಧಾನದ ಅಡಿಯಲ್ಲಿ ಮಾಡಲಾಗುತ್ತದೆ.
ಅಲ್ಲದದೆ, ಕೆಲವು ಸೂಕ್ಷ್ಮತೆಗಳ ಕಾರಣದಿಂದಾಗಿ ಮತ್ತು ದೇಶೀಯ ಉದ್ಯಮವನ್ನು ರಕ್ಷಿಸಲು ಕೆಲವು ವಲಯಗಳನ್ನು ಈ ಪರಿಹಾರ ಅವಕಾಶದಿಂದ ಹೊರಗಿಡಲಾಗಿದೆ.
ಹೆಚ್ಚಿನ ಸ್ಪಷ್ಟೀಕರಣಕ್ಕಾಗಿ ವಿವರವಾದ ಪ್ರಶ್ನೋತ್ತರ (FAQ) ಗಳನ್ನು ಸಹ ನೀಡಲಾಗುತ್ತಿದೆ.
CLICK HERE FOR NOTIFICATION No. 11/2026-CUSTOMS
*****