ಭಾರತೀಯ ರೈಲ್ವೆಯ ಮೇಲಿನ ನಿಲ್ದಾಣಗಳಲ್ಲಿ ಪ್ರಯಾಣಿಕರ ಭಾರೀ ದಟ್ಟಣೆಯನ್ನು ನಿಭಾಯಿಸಲು, ಈ ಕೆಳಗಿನ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ:

1. ಜನಸಂದಣಿ ನಿರ್ವಹಣೆಗಾಗಿ ಗುರುತಿಸಲಾದ 76 ನಿಲ್ದಾಣಗಳಲ್ಲಿ ಬಳಕೆಗಾಗಿ ಶಾಶ್ವತ ಹೆಚ್ಚುವರಿ ಪ್ರದೇಶಗಳ ರಚನೆ:

• ಪ್ಲಾಟ್‌ಫಾರ್ಮ್‌ಗಳಲ್ಲಿನ ದಟ್ಟಣೆಯನ್ನು ಕಡಿಮೆ ಮಾಡಲು ಪ್ರಯಾಣಿಕರ ಅನುಕೂಲಕ್ಕಾಗಿ ಹೆಚ್ಚುವರಿ ಪ್ರದೇಶಗಳನ್ನು ಸ್ಥಾಪಿಸಲು ರೈಲ್ವೆ ಸಚಿವಾಲಯ ಯೋಜನೆಗಳನ್ನು ಪ್ರಾರಂಭಿಸಿದೆ  76 ನಿಲ್ದಾಣಗಳನ್ನು ಆರಾಮದಾಯಕ, ಸಂಘಟಿತ ಸ್ಥಳಗಳಾಗಿ ವಿನ್ಯಾಸಗೊಳಿಸಲಾಗಿದ್ದು, ಆಸನಗಳು, ಕುಡಿಯುವ ನೀರು, ಶೌಚಾಲಯಗಳು, ಟಿಕೆಟ್ ಸೌಲಭ್ಯಗಳು, ಮಾಹಿತಿ ಪ್ರದರ್ಶನಗಳು ಮತ್ತು ಭದ್ರತಾ ತಪಾಸಣೆಗಳಂತಹ ಅಗತ್ಯ ಸೌಲಭ್ಯಗಳೊಂದಿಗೆ ಪೀಕ್ ಅವರ್‌ ನಲ್ಲಿ ಜನರನ್ನು ನಿಭಾಯಿಸಲು ವಿನ್ಯಾಸಗೊಳಿಸಲಾಗಿದೆ. ನವದೆಹಲಿ ರೈಲು ನಿಲ್ದಾಣದಲ್ಲಿ ಹೋಲ್ಡಿಂಗ್ ಪ್ರದೇಶವನ್ನು ಈಗಾಗಲೇ ನಿಯೋಜಿಸಲಾಗಿದ್ದು, ದಟ್ಟಣೆಯನ್ನು ಕಡಿಮೆ ಮಾಡಲಾಗುತ್ತಿದೆ ಮತ್ತು ಹೆಚ್ಚುವರಿ ಟಿಕೆಟ್ ಕೌಂಟರ್‌ ಗಳು, ಎಟಿವಿಎಂಗಳು, ಪಿಎಎಸ್, ಎಲೆಕ್ಟ್ರಾನಿಕ್ ರೈಲು ಮಾಹಿತಿ ಮಂಡಳಿಗಳು, ಸಿಸಿಟಿವಿ ಕಣ್ಗಾವಲು, ಲಗೇಜ್ ಸ್ಕ್ಯಾನರ್‌ ಗಳು, ಡಿಎಫ್‌ಎಂಡಿಗಳು, ನಿರಂತರ ವಿದ್ಯುತ್ ಸರಬರಾಜು, ಸುಧಾರಿತ ಬೆಳಕು, ಎಚ್‌ವಿಎಲ್‌ಎಸ್ ಫ್ಯಾನ್‌ ಗಳು, ಅಗ್ನಿಶಾಮಕ ಮತ್ತು ಮಿಂಚಿನ ರಕ್ಷಣಾ ವ್ಯವಸ್ಥೆಗಳು, ಆರ್‌.ಒ. ಕುಡಿಯುವ ನೀರು ಮತ್ತು ಪುರುಷರು, ಮಹಿಳೆಯರು ಮತ್ತು ದಿವ್ಯಾಂಗರಿಗೆ ಪ್ರತ್ಯೇಕ ಶೌಚಾಲಯಗಳಂತಹ ಸೌಲಭ್ಯಗಳೊಂದಿಗೆ ಪ್ರಯಾಣಿಕರ ಅನುಕೂಲವನ್ನು ಹೆಚ್ಚಿಸಲಾಗುತ್ತಿದೆ.

• ಇತರ ನಿಲ್ದಾಣಗಳಲ್ಲಿ ಇದೇ ರೀತಿಯ ನಿಬಂಧನೆಗಳು, ಅನುಕೂಲತೆಗಳು, ಯೋಜನೆಗಳು ಮತ್ತು ಕಾರ್ಯಗತಗೊಳಿಸುವಿಕೆಯು ವಿವಿಧ ಹಂತಗಳಲ್ಲಿವೆ, ಸಮಯಸೂಚಿಗಳು ಪುನರಾವರ್ತಿತ ಗರಿಷ್ಠತಮ ಹಂತಕ್ಕೆ  ಒಳಪಟ್ಟಿರುತ್ತವೆ.

2. ಪ್ರವೇಶ ನಿಯಂತ್ರಣ:

ಸಂಪೂರ್ಣ ಪ್ರವೇಶ ನಿಯಂತ್ರಣವನ್ನು ಒದಗಿಸಲಾಗುತ್ತಿದೆ, ದೃಢೀಕೃತ ಕಾಯ್ದಿರಿಸಿದ ಟಿಕೆಟ್‌ ಗಳನ್ನು ಹೊಂದಿರುವ ಪ್ರಯಾಣಿಕರಿಗೆ ನೇರವಾಗಿ ಪ್ಲಾಟ್‌ಫಾರ್ಮ್‌ಗಳಿಗೆ ಪ್ರವೇಶಿಸಲು ಅವಕಾಶ ನೀಡಲಾಗುತ್ತದೆ, ಆದರೆ ಟಿಕೆಟ್ ಇಲ್ಲದ ಅಥವಾ ಕಾಯ್ದಿರಿಸುವ ಪಟ್ಟಿ ಟಿಕೆಟ್‌ ಗಳನ್ನು ಹೊಂದಿರುವವರಿಗೆ ಗೊತ್ತುಪಡಿಸಿದ ಹೊರಗಿನ ಕಾಯುವ ಪ್ರದೇಶಗಳಲ್ಲಿ ಅವಕಾಶ ಕಲ್ಪಿಸಲಾಗುತ್ತದೆ.  ಸಂಪೂರ್ಣ ಪ್ರವೇಶ ನಿಯಂತ್ರಣವನ್ನು ಒದಗಿಸಲಾಗುತ್ತಿದೆ, ಅಲ್ಲಿ ದೃಢೀಕೃತ ಕಾಯ್ದಿರಿಸಿದ ಟಿಕೆಟ್‌ ಗಳನ್ನು ಹೊಂದಿರುವ ಪ್ರಯಾಣಿಕರಿಗೆ ಪ್ಲಾಟ್‌ಫಾರ್ಮ್‌ಗಳಿಗೆ ನೇರ ಪ್ರವೇಶವನ್ನು ನೀಡಲಾಗುತ್ತದೆ, ಆದರೆ ಟಿಕೆಟ್ ಇಲ್ಲದ ಅಥವಾ ಕಾಯುವ ಪಟ್ಟಿ ಟಿಕೆಟ್ ಹೊಂದಿರುವ ಪ್ರಯಾಣಿಕರು ಹೆಚ್ಚುವರಿ ಪ್ರದೇಶದಲ್ಲಿ ಕಾಯುತ್ತಾರೆ.

3. ಅಗಲವಾದ ಪಾದಚಾರಿ ಸೇತುವೆಗಳು (ಎಫ್.ಒ.ಬಿ):

ಗರಿಷ್ಠ 12 ಮೀಟರ್ ಅಗಲ (40 ಅಡಿ) ಮತ್ತು ಕನಿಷ್ಠ 6 ಮೀಟರ್ ಅಗಲ (20 ಅಡಿ) ಪ್ರಮಾಣಿತ  ಪಾದಚಾರಿ ಸೇತುವೆಗಳು (ಎಫ್.ಒ.ಬಿ) ಗಳ ಎರಡು ಹೊಸ ವಿನ್ಯಾಸಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಈ ಹೊಸ ಪ್ರಮಾಣಿತ ಅಗಲ  ಪಾದಚಾರಿ ಸೇತುವೆಗಳು (ಎಫ್.ಒ.ಬಿ) ಗಳನ್ನು ಎಲ್ಲಾ ನಿಲ್ದಾಣಗಳಲ್ಲಿ ಸ್ಥಾಪಿಸಲಾಗುವುದು.

4. ಸಿಸಿಟಿವಿ ಕ್ಯಾಮೆರಾಗಳು:

ನಿಕಟ ಮೇಲ್ವಿಚಾರಣೆ ಮತ್ತು ಪರಿಣಾಮಕಾರಿ ಜನಸಂದಣಿ ನಿರ್ವಹಣೆಗೆ ಅನುಕೂಲವಾಗುವಂತೆ ರೈಲ್ವೆ ನಿಲ್ದಾಣಗಳು ಮತ್ತು ಪಕ್ಕದ ಪ್ರದೇಶಗಳಲ್ಲಿ ಹೆಚ್ಚಿನ ಸಂಖ್ಯೆಯ ಎಐ - ಸಕ್ರಿಯಗೊಳಿಸಿದ ಸಿಸಿಟಿವಿ ಕ್ಯಾಮೆರಾಗಳನ್ನು ಸ್ಥಾಪಿಸಲಾಗುತ್ತಿದೆ.

5. ಯುದ್ಧ ಕೊಠಡಿಗಳು:

ಪ್ರಮುಖ ನಿಲ್ದಾಣಗಳಲ್ಲಿ ಹಿನ್ನೆಲೆ ಸೇವಾ ಕೊಠಡಿಗಳನ್ನು ಸ್ಥಾಪಿಸಲಾಗುತ್ತಿದೆ, ಅಲ್ಲಿ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ಜನಸಂದಣಿಯ ಸಂದರ್ಭಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಮನ್ವಯದಿಂದ ಕೆಲಸ ಮಾಡುತ್ತಾರೆ.

6. ಹೊಸ ಪೀಳಿಗೆಯ ಅತ್ಯಾಧುನಿಕ ಸಂವಹನ ಉಪಕರಣಗಳು:

ವಾಕಿ-ಟಾಕಿಗಳು, ಘೋಷಣೆ ವ್ಯವಸ್ಥೆಗಳು, ಕರೆ ವ್ಯವಸ್ಥೆಗಳಂತಹ ಇತ್ತೀಚಿನ ವಿನ್ಯಾಸ ಡಿಜಿಟಲ್ ಸಂವಹನ ಸಾಧನಗಳನ್ನು ಎಲ್ಲಾ ಭಾರೀ ಜನದಟ್ಟಣೆಯ ಕೇಂದ್ರಗಳಲ್ಲಿ ಸ್ಥಾಪಿಸಲಾಗುವುದು.

7. ಹೊಸ ವಿನ್ಯಾಸದ ಗುರುತಿನ ಚೀಟಿ:

ನಿಲ್ದಾಣಕ್ಕೆ ನಿಯಂತ್ರಿತ ಮತ್ತು ಸುರಕ್ಷಿತ ಪ್ರವೇಶವನ್ನು ಖಚಿತಪಡಿಸಿಕೊಳ್ಳಲು ಎಲ್ಲಾ ಸಿಬ್ಬಂದಿ ಮತ್ತು ಸೇವಾ ಸಿಬ್ಬಂದಿಗೆ ಹೊಸದಾಗಿ ವಿನ್ಯಾಸಗೊಳಿಸಲಾದ QR-ಆಧಾರಿತ ಗುರುತಿನ ಚೀಟಿಗಳನ್ನು ನೀಡಲಾಗುತ್ತದೆ.

8. ಸಿಬ್ಬಂದಿಗೆ ಹೊಸ ವಿನ್ಯಾಸದ ಸಮವಸ್ತ್ರ:

ಸಮಸ್ಯೆ/ಬಿಕ್ಕಟ್ಟಿನ ಪರಿಸ್ಥಿತಿಯಲ್ಲಿ ಅವರನ್ನು ಸುಲಭವಾಗಿ ಗುರುತಿಸಲು ಸಾಧ್ಯವಾಗುವಂತೆ ಎಲ್ಲಾ ಸಿಬ್ಬಂದಿ ಸದಸ್ಯರಿಗೆ ಹೊಸ ವಿನ್ಯಾಸದ ಸಮವಸ್ತ್ರಗಳನ್ನು ನೀಡಲಾಗುವುದು.

9. ನಿಲ್ದಾಣ ನಿರ್ದೇಶಕ ಹುದ್ದೆಯ ಮೇಲ್ದರ್ಜೀಕರಣ:

ಎಲ್ಲಾ ಪ್ರಮುಖ ನಿಲ್ದಾಣಗಳಲ್ಲಿ, ಹಿರಿಯ ಅಧಿಕಾರಿಯನ್ನು ನಿಲ್ದಾಣ ನಿರ್ದೇಶಕರಾಗಿ ನೇಮಿಸಲಾಗುತ್ತದೆ, ನಿಲ್ದಾಣ ಸುಧಾರಣೆಗಾಗಿ ಸ್ಥಳದಲ್ಲೇ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಆರ್ಥಿಕ ಅಧಿಕಾರವನ್ನು ಹೊಂದಿರುತ್ತಾರೆ. ಏಕೀಕೃತ ಆಜ್ಞೆ ಮತ್ತು ದಕ್ಷ ನಿರ್ವಹಣೆಯನ್ನು ಖಚಿತಪಡಿಸಿಕೊಳ್ಳಲು ಎಲ್ಲಾ ಇತರ ಇಲಾಖೆಗಳು ನಿಲ್ದಾಣ ನಿರ್ದೇಶಕರಿಗೆ ನೇರವಾಗಿ ವರದಿ ಮಾಡುತ್ತವೆ.

10. ಸಾಮರ್ಥ್ಯಕ್ಕೆ ಅನುಗುಣವಾಗಿ ಟಿಕೆಟ್‌ ಗಳ ಮಾರಾಟ:

ನಿಲ್ದಾಣ ಮತ್ತು ಲಭ್ಯವಿರುವ ರೈಲುಗಳ ಗರಿಷ್ಠ ಸಾಮರ್ಥ್ಯಕ್ಕೆ ಅನುಗುಣವಾಗಿ ಟಿಕೆಟ್‌ ಗಳ ಮಾರಾಟವನ್ನು ನಿಯಂತ್ರಿಸಲು ನಿಲ್ದಾಣ ನಿರ್ದೇಶಕರಿಗೆ ಅಧಿಕಾರ ನೀಡಲಾಗುವುದು.

ಕೇಂದ್ರ ರೈಲ್ವೆ, ವಾರ್ತಾ ಮತ್ತು ಪ್ರಸಾರ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು ಶುಕ್ರವಾರ ರಾಜ್ಯಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಾ ಈ ಮಾಹಿತಿಯನ್ನು ನೀಡಿದರು.

*****